|
رد: اللعنة على المصريين ,,, لو حد قالي خدني معاك هدوس عليه
مش معنى انك وقعت في واحد ميعرفش ربنا انك تعمم و تقول ان كل الناس كده
يا باشا انا كنت جايب موبايل ب 2500 ملحقش يقعد اسبوع و اتسرق في اعتصام ايام الثورة و حمدت ربنا على كده ولا عملت ام الليله اللي انت عاملها دي لان في اي مكان هتلاقي المحترم و اللي جاي علشان مصلحة و العيب بيكون منك قبل مايكون منهم لانك انت اللي مش مامن على حاجتك و مش معني انك عملت الصح و لقيت الرد بالسوء يبقى انت غلطان انت عملت اللى المفروض يتعمل علشان ربنا امرك بكده و اعرف ان ده اختبار من عند ربنا و متعممش ان الشعب كله كده لان فيه اللي احسن منك و مني على الاقل فيه اللي بيتحمل مسؤليته لما مشكلة تحصله مش بيرمي بلاه على ناس ميعرفهاش و ملهاش ذنب |
رد: اللعنة على المصريين ,,, لو حد قالي خدني معاك هدوس عليه
ربنا يعينك
ان شاء الله تقدر تتحصل على الارقام من تانى المشكلة ان الموضوع ده بقا منتشر وخصوصا مطالع الدائرى ربنا يسترها على الجميع |
رد: اللعنة على المصريين ,,, لو حد قالي خدني معاك هدوس عليه
طبعاً الراجل ليه حق يزعل ويتضايق كمان ولو أى حد فى مكانه حيزعل بردوا ومش بعيد يقول أكتر من اللى قاله فى نفس الموقف ده .. أحنا للأسف سمعتنا فى العالم اجمع بقت زفت بسبب الفساد اللى منتشر فى كل حتة وبسبب النصب والسرقة والبلطجة والأخلأق المنحطة من بتوع المكيروباص وغيرهم من اللى بيسوقوا عربيات وواخدين الحكاية عافية ويقولك اوعى تعديه ,, أزاى تدخله أدامك ,, قمة الأنانية حتى فى السواقة !!!!! ده غير الحلف بالله كدب عمال على بطال والصوت العالى .. وياسلأم لو أنت ماشى ومش قادر توسع شوية للى جاى من وراك مستعجل وعاوز يلبسك فى اللى جنبك عشان يعدي هوة .. تلأقيه بعد ما يعدي , بمنتهى الأنحطاط وقلة الزوق يفتح الشباك ويلطعلك صوباعه ...!!!!!!! واللى يجي يعدي الشارع أدامك مرة واحدة وهو ماشى , ويقولك مش تفتح , مش معاك فرامل ..!!!!! ده غير العربيات اللى ماشية بالحمير والتكاتك والموتوسيكلأت والعجل والناس اللى واقفة فى نص الطريق بالعرض واللى راكن عربيته وعطلأنة على الدائرى فى الضلمة بعد ملف وغيره وغيره .. بالله عليكم وسيبكم من العصبية والشدة وتعالوا نتكلم بصراحة ..شوفتوا شعب أغرب ولأ اعجب من كده وغيره وغيره .طب والله الشحاتين فى الأشارات بيجوا يلزقوا فى الأزاز عشان تشوفه , ولو وديت وشك الناحية التانية وعملت نفسك مش شايفه بتلأقيه بيخبطلك على الأزاز .. والله فيه فى مرة واحدة شحاتة قابلتها بتقولى حاجة لله .. فرديت عليها الله يسهلك , فضلت تزن , قولتلها والله مامعايا فكة , فردت وقالت .. أنشاله دايماً .. شوفت والنبى وقاحة أكتر من كدة .. يعنى يا أما أديها , يا أما تدعى عليا ...!!! ده العيل الصغير فى بعض البيوت بيعلموه أزاى يشتم أبوه وعمامه وكل قاريبه من وهو صغير فى اللفة وتيجى تسأل أبوه أنت بتخلى أبنك يشتم ليه كده .. يرد عليك ويقولك , سيبه .. عشان يبقى يعرف يأخد حقه لما يكبر !!!!!!!!!!! , أنا والله بحكم شغلى فى السياحة كان بيجي ناس أجانب يقولولى , أحنا قراءنا فى النت أن أنتوا عندكوا البياعين كدابين وغشاشين ..يعنى لأزم ننزل معاه فى السعر للنص وأكتر . يعنى لو قال ب 100 جنيه نفاصل معاه ونقوله ب 20 جنيه!!!!!! ده غير أنى شوفت روس وأوكران ملحديين وكانوا بيتعاملوا بالصدق والأمانة ومن غير ما يكدبوا , وكتير جداً من الأجانب شفتهم محترمين ومؤدبيين وزوق وكنت وأنا برة فى أوكرانيا ألأقيهم بيعلموا عيلهم فن الرسم والباليه والعزف على البيانو وأن ممنوع ترمى ورقة فى الشارع وممنوع صوتك يبقى عالى وأنت بتتكلم , ولأزم قبل ما تتطلب أى حاجة تقول من فضلك أو بعد أذنك ...ألخ وتلأقى الجيل الناشىء من عيالهم بيعلموهم ما يتدخلش فى كلأم الكبار وهما بيتكلموا وبيعلموهم يناموا بدرى من الساعة 6 المغرب. مش أحنا العيل تلأقى صوته عالى ورخم ولمض عل الفاضى ويفضل صاحى لحد الفجر .ده غير رمى الزبالة وأكياس الشيبسى وعلب الكانز فى الشارع من العربيات وهية ماشية .والله أنا بتجنن لما بلأقى حد بيعمل الحركة دي من العربية , ولأ لما بشوف واحد بيرمى ورقة من أيده وهو على بعد مترين منه عامل النظافة بينظف وبيشيل زبالته وزبالة غيره ... أسكت ياراجل دا أنا قلبى مليان من السلوكيات السيئة اللى بشوفها ومش قادر أغيرها .. شوفوا كده عشان الناس اللى زعلأنة من كلأم الراجل وحرقته على الموبايل بعد ما عمل خير فى واحد .. شوفوا كدة أحنا وصلنا لأيه وبقى يتقال علينا أيه فى الفيديو ده .. بقى يتقال علينا نصابين وشحاتين وحرامية ومحتالين وكل اللالفاظ السيئة بسبب هؤلأء الناس المنحطة و اللى هما بدورهم أدوا أنطباع عن الشعب المصري كله أنه هو كده زى ما بيتقال عليه فى الفيديو !!!!!!!!!!!! أسيبكم مع الفيديو وأنتوا تحكموا بنفسكم .............. http://www.youtube.com/watch?v=GS7jpGGweEg http://www.youtube.com/watch?v=GS7jpGGweEg |
رد: اللعنة على المصريين ,,, لو حد قالي خدني معاك هدوس عليه
متقلقش الفيديو ده اترد عليه تمام واتعمل معاه احلى واجبات بردوا هناك :) :fun_10_1_124[1]:
والفيديو ده عليه 25 الف مشاهدة التانى عليه 85 الف مشاهدة |
رد: اللعنة على المصريين ,,, لو حد قالي خدني معاك هدوس عليه
انا مش بقول غير الحمد لله وقدر الله وما شاء فعل وانا مش مشكلتي على الموبايل وكانت مشكلتي على المصلحة اللي منقضتش والحمد لله هتصرف فيها انما فعلا بعد الثورة عرفت قريبي ظابط في أمن الدولة لما قاللي احنا كنا لاميين عن الشعب الزبالة أصل المصريين شعب يخاف ميختشيش ....... ومع الاسف رغم اني قعدت اجادله كتير بسس احنا معانا حق والتاريخ نفسه بيثبت كده
عمر ما مصر بنت امبراطورية وله مجد ولا تاريخ الا لما يكون الحاكم دكتاتور بمعنى الكلمة من ايام الفراعنة واقربهم محمد علي .. انا قولت يمكن بعد الثورة الناس تفوق لقيتهم كانوا بيعملوا ثورة على الادب والاحترام وحطوا مكانها قلة الادب والسفالة .. تبقى قاعد في الكلية تلاقي طلاب طلعوا يزعقوا في وش الدكتور او يعملوا عليه مظاهرات ما هيا حرية بقا حتى لو الدكتور معاه حق ... تلاقي ناس بتبيع اسلحة ومخدرات في ظهر الاقسام عادي جدا دي حرية وانت حر تشتري أو لأ .. وتالاقي واحد يفلق مننا عشرة وشغال شحات علشان بيوفر صحته او استسهال مش عارف ونرجع ونقول احنا شعب طيب .. مش عارف فين الطيبة دي بصراحة ونرجع ونقول مرسي مش بيعمل حمدين مش عارف ايه وحسني مبارك كان حرامي واحنا لو مسكنا هركليز في زمانه هنفضل متخلفين كده لاننا ببساطة بنتواكل مش بنتوكل على الله .... ربنا يتولانا برحمته ويتجاوز عنا ويهدينا اميين يارب |
| الساعة الآن 01:33 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017