مصر موتورز مجتمع السيارات - مشكلة و محتاجة ليها حل

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - مشكلة و محتاجة ليها حل (https://www.masrmotors.com/vb/showthread.php?t=92943)

رد: مشكلة و محتاجة ليها حل

اقتباس:

المشاركة الأصلية كتبت بواسطة كمال.... (المشاركة 723739)

ان شاء الله خير

يا رب يا فندم

اقتباس:

المشاركة الأصلية كتبت بواسطة azzat 55 (المشاركة 723761)

حاولى تستمتعى بسيارتك ولا تلتفتى لهؤلاء الأشخاص الذين يبخسون أشياء الناس , سيارتك جيدة ماشاء الله والدليل على أنها من أحسن السيارات فى هذه الفئة السعرية أنتشارها الكبير ولو كنتى اشتريتى نوع أخر كنت ستجدى بعض الكارهين لهذا النوع وهكذا وربنا يحفظهالك من هؤلاء الحاسدين .

آمين يا رب العالمين

اقتباس:

المشاركة الأصلية كتبت بواسطة Dr.Mustafa (المشاركة 723909)

و إياكي .. اتفضلي ده رابط الرقية للشيخ عبد الله السدحان ..
جزاكم الله خيراً
أصلح الله لك دنياك و دينك و آخرتك و زوجك و ذريتك ليوم الدين
http://www.ashefaa.com/ruqia/ruqya_sad7an.mp3

اقتباس:

المشاركة الأصلية كتبت بواسطة ringoo (المشاركة 723938)

شغلى التكييف عادى

ربنا يكرمك يا رب حجرب

اقتباس:

المشاركة الأصلية كتبت بواسطة ام لوجان (المشاركة 723968)

عايزة اقولك كل اللى انتى فيه ده علشان خاطر العربية جديدة وانتى خايفة عليها عايزة اطمنك
انا عن نفسى مريت بالفترة دى بس حاولى تشيلى العربية من دماغك علشان تتمتعى بها وماتفكريش كتيرو اشغلى نفسك باى حاجة تانية واتمتعى بالتكيف عادى مش بياثر على العربية لان الماتور فى رينو بيكون متلين جاهز

ربنا يبشرك بالخير يا رب صحيح الفاضي يعمل قاضي و إللي يخاف من العفريت يطلعله ححاول

رد: مشكلة و محتاجة ليها حل

اقتباس:

المشاركة الأصلية كتبت بواسطة Tota El Masry (المشاركة 723698)

ربنا يكرمك يا أ/ سحس والله أنا بحبها جداً و مش بطيق فراقها و مدركة قد إيه هي ماشاء الله لا قوة إلا بالله بس أختك بتحدث بنعم ربنا و دائماً بتشكره و تحمده و تقول ربنا كرمني بكذا و بكذا فيه ناس بتستكتر على الواحد حتى نعمة الشكر و العياذ بالله
صحباتي من ساعة ما شافوني جبت لوجي عاوزين يغيروا عربياتهم زييها مع إن عربياتهم ما اشء الله لا قوة إلا بالله رائعة أغلبها أوروبي اعتمادي للغاية مش أقل من 150ألف بس مش حمراء و لا جديدة و كمان توتة الغلبانة إللي بنت نفسها بنفسها و لله الحمد من غير كوسة جابت عربية و مكع ظروفها المرضية ده كمان لسه عندها أمل في الدنيا يالا الحمد لله ربنا يهدي
تقول إيه قليل من عباد الله الشكور
ربنا يجعلنا من الشاكرين الحامدين

طيب أنا لو رحت شارع دمشق و سالت عليه أكيد مشهور إبراهيم استيكر حضرتك تعرف تجليد الأكصدمات بكام تقريباً مؤقتاً لحد ربنا ما يفرجها و أجلد العربية كلها

شكراً و جزاكم الله خيراً

العفو يا توتة.. إبراهيم ستيكر مشهور جدا اسألي اي حد عليه هناك ألف مين يدلك، وبالنسبة للأسعار بتبقى حسب الخامة.. تحياتي

رد: مشكلة و محتاجة ليها حل

على فكرة معظم اللى أنتى بتحسي بيه ده لأن العربية جديدة وأنتي خايفة عليها أوى وكمان خايفة أنك تتحسدي من الناس .. أنا من رأى الشخصى تشيلى كلأم الناس من دماغك .. تصدقى بالله أنا كنت عايش فى أوكرانيا وكانوا الأوكران دايماً يقولوا لى أن الكلب أحسن صديق فى الدنيا وبيحفظ الجميل عن الناس .. عشان كده تمشى فى شوارع أوكرانيا تشوفى كلأب وأنواع كتيرة وأحجام مختلفة مالهاش حل مش زي الكلأب البلدي اللى ملية الشوارع عندنا .. صدقينى البعد عن البشر غنيمة ومكسب .
وأنا أنصحك أنك تصحى من النوم كل يوم الصبح وتقرأئى أذكار الصباح وحاولى تصلي الفجر حاضر .. صدقينى طريقة متجربة ومضمونة مليار فى المية .. يقول النبي صلى الله عليه وسلم ( من صلى الفجر فى جماعة فهو فى ذمة الله ) .. ساعتها ولأ هتخافى من حسد ولأ هتهتمى بكلام الناس , لأن الناس دي كلها من الأخر مبيعجبهاش العجب .. هو فى أحسن من أشرف الخلق سيدنا محمد صلى الله عليه وسلم .. ماكنش عاجب أهل مكة والطائف وقاسي وعانى منهم وبعدها قال دعاءه المشهور " اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"..

والله الدعاء ده لما تيجي تقرائيه وتتمعنى فى كلماته هتحسي أد أيه بمعانة النبي صلى الله عليه وسلم من ظلم الناس وأفتراهم وهتلأقى دموعك بتنزل من عينك لوحدها

طب أنتى بعد كل ده مستنية أيه , وبتقولى الناس كرهتنى فى العربية .!!!!!!!!!!!!!!

أنصحك يا أختى ..
1- بقراءة أذكار الصباح والمساء
2-المحافظة على الصلأة فى مواقيتها وبالأخص صلأة الفجر
3-المداومة على الأستغفار والبقاء على وضوء
وأن شاء الله هاتدعيلى .. وأستمتعى بالعربية وأستمتعى بحياتك وشيلى الناس والحاجات دي كلها من دماغك وأعملى زى دبور ماقال لعادل أمام فى فيلم مرجان
( كبر الجى وروق الدى ) .. أضحكى بقى ((((-:

رد: مشكلة و محتاجة ليها حل

مبدئيا كل سنه وحضرتك طيبه يا استاذه توتا وربنا يعود الايام عليكى وعلينا وامه المسلمين جميعا بالخير والصحه والسعاده ...

اقتباس:

أولاً:
أنا حطق من ناس كثير مش مقدرة لوجي درجة إني جاتلي حالة نفسية كل ما أركبها يجيلي كرمبات في رجلي اليمين السليمة و مش أقدر اسوقها مع إني مقتنعة بيها جداً و شايفة كل عيوبها مميزات أو بطريقة أخرى النصف المملوء من الكوب و بالقانون الإلهي
أمر المؤمن كله خير
لكن شياطين الأنس و العياذ بالله كثير بتفضل تفطسلك الحاجة لحد ما ترميها و تجري هي بقى و تاخدها بيضة مقشرة و الله أعلم بس بجد خلاص
قربت أقول لوجي إللي ما كملتش 300كم فقط للبيع
:w6w200504112236376d
خلاص تقريباً أتحسدت و مش عارفة أعملها إيه حد يدلني بجد

عربيتك رينو لوجان احسن عربية فى سعرها بلا منافس الحمد لله .. عربية واسعه وجميله ومريحه والاهم من كده انها عجباكى وبتحبيها .. مش كده ؟!!

يبقى خلاص مالناش دعوه بالناس اللى مش بتفهم فى العربيات او اللى بيحبوا يبخسوا الناس اشياؤها ويطلعوا عيوب فى كل حاجة ونثق فى نفسنا وفى اختيارنا ومنعطيش اهميه لكلام الناس ......

اقتباس:

ثانياً:
كل ما حد يركب العربية يشغل التكييف كأنه ماشافش تكييف في عربية في حياته و لما أطفيه علشان التليين يزعل و يفتكرني بخيلة و خالو مرة كان حيرميني برة عربيتي لأني قللت التكييف و هوا معايا فيها و مش مقتنع بموضوع التليين :red_face10: :12B1B3~136:

معلش بس ممكن علشان الجو حر اوى اليومين دول الاستغناء عن التكييف صعب شويه خصوصا بالنهار ...

وعلى فكره مفيش مشكله تشغلى التكييف وقت الضروره فى فتره التليين .. عادى مش هتفرق يعنى فمتضغطيش على نفسك اوى فى الموضوع ده ....

اقتباس:

ثالثاً:
مش لاقية تجليد أكصدمات حلو لونه نبيتي أو شفاف عاوزة ألحق أجلد لوجي و ألبسها فستان على العيد بعد الفرش النبيتي في أسود و الأرضية السوداء

لأ للأسف مش هتلاقى تجليد بلون العربية بالظبط للاسف و الشفاف انا مسمعتش عنه قبل كده بس ممكن حضرتك تسألى عنه فى محلات الكماليات الكبيره او المولات ....

اقتباس:

رابعاً:
المفتاح الإيموبيليزر إزاي ممكن يتقلد في لوجي لا قدر الله أنا خايفة من السرقة جداً لأني ناوية أغير السائق فخايفة يكون عمل نسخة من المفتاح لأني سبته معاه مرة
:pty:

متقلقيش حضرتك من الموضوع ده خالص .. لان المفتاح الايموبلايزر مش بيطلع غير فى التوكيل وبكود معين .. ولو دورتى العربية بنسخه عاديه من المفتاح هتدى مارش بس مش هتدور ...

يا رب اكون قدرت افيدك بالقدر الكافى وكل سنه وحضرتك طيبه .......

رد: مشكلة و محتاجة ليها حل

يا أخت توتا، كل الموضوع إن .... إللي ميعرفش يقول عدس

أنا واجهت الموضوع ده قبل ما أحجز العربية كل ما قول لحد هاحجز لوجان يوقللي ياعم حرام عليك طب ماتشوف كذا أو كذا أحسن، دي أصيانتها معرفش إيه دي أسعار قطع غيارها معرفش مين .... إلخ

وكنت خلاص هقفل وأتراحع عنها بسبب الكلام ده.

لاكن بعد كده لما ركزت وفكرت لاقيت إن محدش من الناس دي ركبها أصلا قبل كده، تخيلي إن عمى شغال في تجارة السيارات لما سألته برضه حاول تبعدني عنها ويقنعني بلانوس!!! ولما سألته، طب ياعمي ليه؟ هو إنت سمعت عنها حاجة وحشة؟؟؟ قاللي لأ ... بس عربية صغيره وضيقة كده! عرفت إنه شغال في العزبيات آه لاكن اللوجان ممرتش عليه قبل كده وإنه مركبهاش بتاتا ولو على سبيل التجربة ( وطبعا قررت مش هستعين بيه في شراء عربية بعد كده ههههه).

الخلاصة، إحنا ناس بتحب تفتي لمجرد الفتوى، إزاي حد يقوللي إنه هيشتري عربية وملخبطهوش آآآ قصدي مساعدهوش بخبرتي الفذه وتجاربي اللانهائية والممتده من سنوات وسنوات في جميع أنواع السيارات ما ظهر منها وما بطن؟ ده إحنا نفهم الكفت هههههه

أختي العزيزة، متوسوسيش نفسك، إستمتعي بعربيتك. هي مديقاكي في حاجة عشان تبيعيها؟ عجباكي ومريحاكي؟ صدري الطرشة لكلام الناس وتعاملي مع الموضوع بأسلوب "معلش ناس غلابة وتفكيرهم على فقدهم".

أنا لحد دلوقت كل كام يوم سايس الجراج ألاقيه بيقوللي، "هي فرامل العربية مبتفرملش؟؟"، "هي زراير الزجاج دي صيني؟ أصلي جيت أقفل الزجاج لقيتهم سخنين" وهكذا، وأنا كل إللي بيطلع مني ... إبتسامه عريضة وأقوم راكب وماشي وأحمد ربنا علي نعمته وأقول في سري "غلابه ... ربنا يهدي".

مفيش عربية مفهاش عيوب وأدخلي قسم أي عربية في المنتدى وشوفي المشاكل.