رد: مشاكل شروخ الشاسية فى ال 128 اسبابها وعلاجها موضوع مميز جدا بالصور حصرى لمصر موتورز فقط
 

بجد موضوع رائع
جزاك الله خير على نقل خبراتك لاخوانك
هو ده الى احنا كلنا و بلدنا محتاجاه اننا منبخلش على بعض
و كاتم العلم شيطان أخرس
تقبل تحياتى
:THUMBS~220:

رد: مشاكل شروخ الشاسية فى ال 128 اسبابها وعلاجها موضوع مميز جدا بالصور حصرى لمصر موتورز فقط
 

انت كرهتنى فى العربية يا سيد مع انها كانت عجبانى وداخلة دماغى بس قرفت منها بصراحة بس انا عندى سؤالين
1- هيه المفروض العلب بتفتح كل كام كيلو انا عارف انها على حسب سواقتك بس انتا عارف الشوارع بتاعتنا
2- اانا اللى اعرفه ان معظم العربيات دلوقتى على علب بس اشمعنا ال 128 هيا اللى فيها مشكلة دى وبتظهر فيها مع كل الناس

رد: مشاكل شروخ الشاسية فى ال 128 اسبابها وعلاجها موضوع مميز جدا بالصور حصرى لمصر موتورز فقط
 

ههههههههههههه بص العلب ملهاش وقت علشان تفتح بس نقدر نقول انها بتفتح اسرع كل ما تدخل فى مطبات وشوارع مدغدغه وتمشى فى الشوارع المدغدغه ديه بسرعه كبيرة وال 128 مش هى الوحيده اللى بتفتح فيها العلب لا كمان معاها 127 وريتموا وساعات ريجاتا وده علشان اصلا العربيات ديه لما كانت بتتصنع كانت بتتعمل علشان تكون حاجات رخيصه فللاسف كانوا بيخففوا اوى من سمك الصاج بتاع العربيه غير كدا التصميم نفسه كان فى اعتقادى غير مصمم انه يتحمل الجبال المصرية تعالى مثلا شوف فردتين شاسية ال 128 وشوف فردتين الشاسية بتوع اى عربيه تانية صغيرة مثال مثلا كيا برايد هتلاقى فرق جامد فى الحجم والخامات فى صالح البرايد بس فردتين شاسيه ال 128 تحس انهم جابوا صفيحة سمنه وعملوا منهم فردتين الشاسيه وكمان مش يعملوهم بحجم كبير شوية لا مصغرينهم كانهم بيقطعوا من لحمهم وطبعا بما ان العلب ما سكه فى فردتين الشاسيه ومع حركة الشوارع المدغده على المطبات ومع ضعف الصاج هوب كل يتشرخ من بعضه

رد: مشاكل شروخ الشاسية فى ال 128 اسبابها وعلاجها موضوع مميز جدا بالصور حصرى لمصر موتورز فقط
 

1000 شكر على الموضوع الرائع وان شاء الله هنزل ابص على العربية لاني بسمع صوت طقطقة فيها فاحتمال يكون شرخ.

رد: مشاكل شروخ الشاسية فى ال 128 اسبابها وعلاجها موضوع مميز جدا بالصور حصرى لمصر موتورز فقط
 

جزاك الله كل خير لان لولا موضوعك مكنتش عرفت بوجود الشرخ دا فى عربيتي
https://lh3.googleusercontent.com/bK...gxksCarJNik7JQ

ان شاء الله بكرة الصبح هروح جرى على السمكرى الحمه
انا كنت اخدت مطب جامد وبعده بقيت اسمع صوت طقطة فى الطلوع بالعربية بس مكنتش اعرف ان العيب من الشرخ دا.
يا ترى هل الوضع كدا تفاقم ولا هو لسه فى بدايته - الطقطقة دي بسمعها من شهر تقريبا وانا بتحرك يوميا مسافة مش اكتر من 20 كيلو على طرق مستوية داخل المدينة بس طبعا فيه مطبات كسائر طرق مصر ومتوسط سرعتى 70 تقريبا او اقل.