مصر موتورز مجتمع السيارات - ايه اطرف موقف حصل معاك فى شغلك ادخل قول بسرعه وضحكنا معاك :)

اقتباس:

المشاركة الأصلية كتبت بواسطة نبيل عبدالرحمن (المشاركة 709702)

يا جماعة المواقف المضحكة كثيرة فى حياتنا مش بس فى الشغل ، فاللى عنده موقف مضحك فى أى وقت أو مكان وحدث معه يقول لنا عليه
مع تحياتى للأستاذ سيد اللى عمل الموضوع

فعلا المواقف المضحكه كتيير اوووى فى حياتنا

على العموم ده موقف برضوا حصل معايا وانا بشتغل
ونبداء الحكاية

كان عندى 13 سنه وكنت شغال فى محل بتاع دشات فى المعادى
بتاع واحد قريبى
وقريبى ده كان بيشتغل وبيرجع من الشغل الساعه 3

العصر

المهم مره وانا قاعد فى المحل لقيت شاب اعتقد عمره كان ساعتها فى حدود 20 سنه ولابس جلبية و بتاع كده لففها على راسو
وشكلوا فلاح فلاح (مع احترامى للفلاحين كلهم طبعا انا اقصد الراجل اللى دخل عليا المحل فقط )
المهم لقيته داخل وفاكرنى بقى علشان صغير وكده عبيط بقى
فلقيته بيقولى بقولك ايه يا عم الحج هات ورقه فلوس كبيرة اقرالك عليها علشان البركه تيجى فى المكان
ههههههههههههههههههههههههه ههههههههههههه
طبعا فى الاول مكنتش فاهم بيقول ايه لان لهجته لهجه والله معارف صعيدى ولا فلاحى ولا ملتها ايه بالظبط
لان انا اصلا مليش قرايب فى بلاد
ابويا اصلا اصول اصول اصول عيلته من المعادى
وامى اصول اصول اصول اصول عيلتهم من المنيل

فملناش قرايب فى بلد وكدا بلدنا هى المعادى اساسا

المهم بعد صعوبة فمت هو عاوز ايه
فطبعا عرفت هو عاوز يعمل ايه المهم ساعتها فكرت بطريقه
عملية شوية مع العلم انى ساعتها عندى 13 سنه وطبعا لوحدى فى المحل يعنى لو طلع مطوه ولا حاجه هقب بكل اللى معايا واللى فى درج المحل وبالمحل كله
المهم جاتلى فكرة انى اطلع 2 جنية واديهوملوه واعمل نفسى هو مش فاهم هو عاوز ايه علشان الموضوع يمر بامان
المهم فعلا دخلت ايدى فى جيبى وطلعت 2 جنية وقولتله خدهم وربنا يسهلك طبعا هو فضل طيب ما تجيب ورجه جبيرة اجرالك عليها علشان يبقى فيه بركه
ههههههههههههههههههههههههه هههههههه
قلتله مفيش فلوس هنا وساعتها كان فيه بتاع 500 جنية فى الدرج
وقولتلوا صحاب المحل مش بيسيبوا فلوس هنا
فقولتلوا خد الفلوس ديه والله يسهلك
المهم اخر ما غلب معايا
راح قالى خلاص يعنى انت مسامح فيهم
قلتله اه
راح قالى
طيب سلامو عليكم

طبعا كل الحديث ده وانا كنت باعانى من صعوبة فهم الكلام اللى بيتكلمه
ههههههههههههههههههههههههه ههههه
وبعد مامشى اول حاجه اخدت نفسى بصراحه وبعدين فضلت بتاع اسبوعين اضحك وكل ما اشوف صاحب المحل اضحك

وفضلت فعلا مقولتلوش على الحكاية ديه
لغاية السنه اللى الفاتت اعتقد
قولتلوا اقولك حاجه حصلت ومقولتهالكش وقريت له على كل حاجه
وقعد يييضحك ههههههههههههههههههههه

وطبعا حمدت ربنا انى مفيش حاجه حصلت طوال فترة شغلى معاه
وبعد كدا سبت الشغل خلاص علشان بداية العام الدراسى الجديد
اعتقد كنت لسه هطلع 2 اعدادى او 3 اعدادى حاجه كده

تحياتى للجميع
:Wkiss5::Wkiss5: