رد: هام بخصوص النترا 2012 !!
 

أقولك أنت بتقول كده ليه يا أستاذ شريف .....
عشان أكيد مجربتش القرف بتاع الميكانيكيا و وجع الدماغ أو على الأقل و انت ماشى لا تأمن للعربية و إن ممكن يحصل أى عيب فنى فيها و تروح التوكيل و يقولولك ده عيب فردى و الفردى بتاعهم ده بيحصل فى عربيات كتيير وده عشان احنا بيتصدرلنا نفايات السيارات الصينية و ده ميمنعش إن فى منها كويس بس فى دول أخرى و لكن عُمر قطع غيارها الافتراضى أقل من اليابانى و الكورى و طب تصدق أنا بقالى 12 سنة مبركبش غير الكورولا و عمرى ما عرفت يعنى ايه صيانة دورية و لا عملتها و عمر العربية ما عملت معايا موقف واحد بايخ و لو كانت معايا عربية صينى كانت فتحت بقها من قبل ال50000 من استخدامى القاسى و أنا حاليا عامل 70000 و مغيرتش أى حاجة فى العربية غير البطارية مرة واحدة و العجل و الزيت و فلتر الزيت فقط .

هذا الفرق لن يعرفه و لن يفهمه إلا من استخدم هذه السيارة و عرف يعنى ايه يحط رجله على البنزين و ينسى إن العربية ديه شغالة بقطع غيار.
و بعدين أنا أرفض ركوب الكورى تقوم تقولى هات صينى :THE_PR~18:

رد: هام بخصوص النترا 2012 !!
 

ما هو لو الكورولا معملتش كده معاك ما تبقاش كورولا ولا بنت تويوتا

رد: هام بخصوص النترا 2012 !!
 

ياباشا اركب الفانتازيا حتى لو كانت من غير فتيس خالص والكورى يغور جنب الالمانى
وصدقنى انعم دبرياج ممكن تدوس عليه ف حياتك يعنى مش هايعملك مشاكل ولا حاجه وغير كده انت هايبقى عندك قوه تسارع رهيبه الاوتوماتيك موس ع الطريق ما بالك بالمانيوال
سرعه +ثبات+فخامه=فانتازيا
سرعه من غير ثبات يساوى حادثه ربنا يبعد عننا كلنا الشر وف الاخر انت بتقارن كورى با المانى

رد: هام بخصوص النترا 2012 !!
 

طب حضرتك جرب تجيب كوري وغير الزيت والفلتر بشكل دوري ووريني العربية هتعطل منك ولا لأ
الكورولا عامة عربية محترمة جدا جدا ومعليهاش نص كلمة
بس دا مش معناه ان الكوري وحش ولو كان وحش مكانش حد اشترى العربيات الكوري بالطريقة كدا
ورايك له مني كل الاحترام والتقدير

رد: هام بخصوص النترا 2012 !!
 

باشا احنا بتكلم على الالنترا 2012 وليست 2001
العربيات الكوري عامة كانت زي الزفت ايام التسعينات انما دلوقتي بقت زي الفل
وبرضه صاحب العربية هوا اللي بيحدد عمرها
يعني انتا ممكن تلاقي واحد معاه النترا 2001 ومبهدلها ومش بيغير اي حاجة فيها وبعد ما العربية تبوظ وتعرج حضرتك تقولي ان المشكلة في العربية ؟؟؟؟
الاعتمادية بتيجي بشكل رئيسي من السواق
يعني لو انتا جبت الالنترا اللاعتمادية على حسب وصفك واهتميت بيها وبالصيانة الدورية بشكل مستمر اتحداك العربية تعطل منك او يحصل فيها اي حاجة

من الطبيعي ان الموضوع دا يحصل في الالنترا تحديدا لان الكبوت صغير نسبيا والقايم طويل برضه لكن انا بالنسبة ليا اهم حاجة اني اطلع سليم من العربية والالنترا واخدة 5 نجوم في اختبار التصادم
فعلا ياباشا الكورولا عربية محترمة جدا وانا على فكرة غير متحيز للالنترا برضه ومش بحبها اصلا مش عارف ليه بس انا بقول الحق
ورايك له مني كل الاحترام والتقدير :Wkiss5::Wkiss5: