|
رد: حكايتى مع الاخوان ربنا يهديهم
نسيت اقول حاجة ان دعم غزة مش تهمة ولا هو صدقة هو واجب على الشعب المصرى والقيادة المصريه نصره الحق ودعم اخواننا المحاصريين مش عايزين نعمل زى النظام القديم ونفضل نولول ومقدلاش ومش ينفع لما اسرائيل تحاصر غزة وتقطع الكهرباء وتدمر المستشفيات يبقى مصر تفتح الحدود وتدخل العلاج والمياه والطعام ونتقاسم كمان مع اهلنا دة واجب مش نتفرج على مسلسلات رمضان وياميش والدنيا اخر حلاوة وتعتيم وضرب ودك الفلسطنين شغال زى كل سنة من خمسين سنة اللهم ارنا الحق حقا وارزقنة اتباعة وارنا الباطل باطلا وارزقنة اجتنبه
|
رد: حكايتى مع الاخوان ربنا يهديهم
اقتباس:
هو دة الى احنى محتاجينة لان ساعات بتكون فى غيامة قدام عيونا و منشوفش الحقيقة حتى و لو واضحة زى الشمس افتكر و انا فى الكلية كان معاية واحد صاحبى من العريش و كان بيحكيلى ان ايام المعبر ما كان بيتفتح وقت حصار غزة كان الفلسطينيين بينزلو يشترو كل مستلزماتهم من اول الزيت و السكر و السجاير و الادوية حتى اللحوم و الاسماك من العريش و للأسف كان الاهالى بيضاعفو الاسعار و يستغلو الظروف الصعبة الى اهالى غزة بيعشوها حتى قالى ان كيلوة السمك ابو 10 جنية كان بيوصل 70 جنية !!!!!!! و هو بيحكيلى كان شايف ان الموضوع عادى و مفيش فية مشكلة او حاجة يكون محرج من الكلام عنها :pty: مش عارف اية الظروف الى تخلينا نكون مغيبين للدرجة دى و بدل ما كل واحد فينا يساعد على قد ميقدر. لا بالعكس بنتاجر بمصيبتهم . و ربنا يكون فى عونهم هيلقوها من اليهود و الا من المسلمين الى بيستغلو ظروفهم بكل برود ! - و من ناحية تانية كنا بشوف مصريين لسة قلوبهم صاحية و بيروحو بقوافل المساعدات من كل حتة فى مصر على الرغم من كمية التعنت و المشاكل الى كانو بيواجهوها من جانب الحكومة المصرية و بيروحو لغاية المعبر و يبيتوهم فى الشارع و تفتيش و اهانة و مشاكل و مش عارفين فى النهاية هيقدرو يوصلوها و الا لأ بس كانو حاسين بالمسؤلية . عموما ان شاء اللة الايام الى جاية تكون احسن و ربنا يهدينا جميعا |
رد: حكايتى مع الاخوان ربنا يهديهم
اقتباس:
يا جماعه خلاص حصل خير وسيبوا مصر تشم نفسها الاول وبعد مش اقل من عشر سنين تبتدوا تشوفوا انتوا هاتسعدوا مين ومش هاتسعدوا مين لان ماينفعش تكون مصر فى غرفة الانعاش وبنقول يارب تعيش ويارب استرها وكل واحد واقف بره الغرفه يقول أول ماتقوم لازم تحارب اسرائيل وواحد تانى يقول لالالالا إحنا الاول نحارب امريكا إحنا عارفين من زمان إن الدول دى كلها عايزه الحرق بس لازم نعرف ايضاً ان العقول المصريه مجرفه وعمق التجريف عميق جداً جداً وعلشان نردم العمق ده عايزين مش أقل من عشرة سنين لاننا لازم نغير دم ده لامؤاخذه فى العيد الكبير لو اشتريت خروف صومالى بيقولولك لازم يعيش عندك اسبوع عشان يغير مرعى ويبقى طعمه حلو لانه بيبقى واكل نباتات جافه وليس بها خير وبلنسبه له البرسيم يبقى كباب ومصر عمرها ماهاتتقدم من غير تطوير التعليم أول حاجه والتعليم ليس إنك تذاكر المعلومه ولازم نعرف إننا الى الان لم نخترع أى شىء ده الكاربرتير إتلغى من العربيات وإحنا لسه مصنعناهوش وبالنسبه لقضية فلسطين على عينى وعلى راسى وأنا اول واحد هاقدم إبنى ولكن بعد ان اتعلم لغه أعدائى وأعدائى لغتهم ليست انجليزى او عبرى لغتهم العلم ونحن بالنسبة لهم فى العلم كنقطه فى بحر وهذا لا يشعرنى بالياس ولكن ما يشعرنى بالياس هو لماذا نحن الى الان نقف فى نفس المكان لان رؤسائنا ارادوا ذلك |
| الساعة الآن 07:00 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017