مصر موتورز مجتمع السيارات - مش هلاقى حلها غير من خبراء الاكسنت

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - مش هلاقى حلها غير من خبراء الاكسنت (https://www.masrmotors.com/vb/showthread.php?t=88725)

رد: مش هلاقى حلها غير من خبراء الاكسنت

اقتباس:

المشاركة الأصلية كتبت بواسطة akerima (المشاركة 687382)

متابع بشده

العيب دا كان بيحصل عندي في السانديرو اول ما جبتها بنفس اعراضك والعربية كانت زيرو واتصلح العيب بعد ما اتغيرت البوابه - جايز يكون اللي نضفلك البوابه منضفهاش صح او ممكن تكون عايزه تتغير خالص

استاذ أشرف ..... شكراً على مرورك ومتابعتك
وإن شاء الله انا بحاول اضيف كل المستجدات والتطورات فى الموضوع علشان أفيد وأُفاد... الله المستعان
تقبل تحياتى

رد: مش هلاقى حلها غير من خبراء الاكسنت

السلام عليكم
كان عندي نفس العيب في سياره اكسيل وبعد ما طلع عيني طلع العيب في علبة الشكمان كانت مسدوده معلش يمكن الأحتمال بعيد بس جرب فك فرن الشكمان وامشي بيعا صحيح الصوت هيكون عالي بس يمكن العيب يكون فيها :CHUBBY~36:
والله المستعان

رد: مش هلاقى حلها غير من خبراء الاكسنت

اقتباس:

المشاركة الأصلية كتبت بواسطة مشمش1 (المشاركة 689573)

بكره ان شاء الله هجرب حساس الايدول ده فى الحرفيين (بس على الله القاه)
واذا لم يختفى العيب هفك الشكمان واجرب
واذا مارحش العيب هفك خالص من العربيه :pty:
وخليكم متابعين معايا لحد اخر النتائج
شكرا اخى مشمش وتقبل تحياتى

رد: مش هلاقى حلها غير من خبراء الاكسنت

:fun_36_1_47[1]::fun_36_1_47[1]:
تقرير النهارده فى الحرفيين............
رحت عند واحد بتاع استيراد وسألته على حساس الايدول ولقيته وركبهولى وجربت العربية وبعد حوالى 3أو 4 دقائق والعربية دايرة سلانسية من غير ما اتحرك بيها بطلت تانى قام نصحنى انى اروح احطها على جهاز كشف الاعطال ووصفلى واحد وقالى ده ممتاز يعنى اكيد العيب عدى عليه قبل كده وهينصحك تعمل ايه بالظبط.
المهم رحتله وركب السكانر وقالى مش عايز يدخل على عربيتك وحاول اكتر من مره وبعد كونسولتو جاب جهاز تانى وحاول بس برده نفس النتيجة مرضيش يقرأ العربية.
فقام باعتنى لواحد تانى رحتله وركب السكانر وقالى قرا 3 حساسات فيهم ايرور بس همسحهم ونقرا تانى وبالفعل قرأ تانى بدون اي ايرورز وقالى كده تمام. جربت قدامه سلانسية مبطلتش وقالى روح اعمل بيها لفة وتعالى تانى ....قمت ماشى بيها حوالى 10 دقائق من غير ماتبطل وطبعا انافى غاية الانبساط لغاية مافتحت التكييف راحت مبطلة :w6w200504112220146b.
رجعتله تانى وقولتله ان العيب حصل تانى لما فتحت التكييف قالى جرب التكييف كده فعلا فتحته بس العربية مابطلتش ( شكلها خافت منه). ونصحنى انى اعمل بيها مشوار واحكم بعد كده.
وفعلا عملت لفتين كده فى الحرفيين وبعدها اخدت طريق البيت لحد نادى السكة الحديد مدينه نصر من غير ماتبطل وركنت تحت البيت ورحت مشغل التكييف وانا على السلانسية لمده 3 دقائق وراحت مبطله.
طبعاً اتخنقت جداً وقلت يافرحة ماتمت.
بس انا لاحظت حاجة النهارده بس بعد ما فكيت وركبت الايدول ان فيه دخنة بيضا من الشكمان !!!!!!
مش عارف ايه سببها؟؟؟؟؟
ونسيت اقولكم فى تقريرى عند الميكانيكى من يومين انه فك طلمبة البنزين ونضف المصفاه وقاس ضغطها وطلع انه 2.5 ولما سألته ده طبيعى قالى ان لما بتكون جديده بيبقى ضغطها 3.4 وان الفرق مش كبيير قوى.............افيدونى الخطوه الجاية تبقى ايه.........والله بفكر افك الشكمان زى ماقال صديقنا العزيز مشمش.......
وسامحونى على الاطالة والف شكر لكل اللى واجع دماغهم معايا بالموضوع ده.