مصر موتورز مجتمع السيارات - قميص حرارى لاطالة عمر البطارية

الفكرة جميلة وكويسة
انا عاملها من 3 سنين من دماغى
لما لاقيت حرارة الحوض بتخلى الاسلاك نفسك تنشف وتقطم

قلت كتر خير البطارية عملتها بطريقة اجزاء من العازل
تتجمع مع بعض تعمل صندوق كامل حوالين البطارية تكون سهل انى اخلع جنب منه وافكه واركب غيره
لان العازل بيتلف بمرور الزمن وتروح فعاليته والقشرة الفضفاضة بتقع

لازم تسيب أماكن وفتحات فى العازل علشان الحرارة الكامنه جوه البطارية تطلع هى كمان لان البطارية بتسخن هى كمان اثناء عملية الشحن والسائل بيفور ببطء جواها

ما تكتمشى حرارة البطارية جواها والا تبقى انت الى قضيت على البطارية كل شىء

لازم يكون بحساب العازل تركزه على المنطقة المواجهة للحوض والموتور والفرن بتاع العادم فى كل الزوايا المحيطة للبطارية تطل عليه

وتسيب تنسيم فتحات دائرة بحجم الصباع فى الجزء المواجه للهواء البارد فى مقدمة السيارة وما تحكمشى الغطا قوى علشان الهوا يدخل بينه وبين البطارية ويبرد البطارية برده

وانصح اللى عنده بطارية جافة ما يعملشى كده الا فى جانب او جانبين
ويسيب الباقى فى مواجه الهوا القادم من خارج السيارة تقولى ليه اقولك من الخبرة جربت مع السائلة وجربت مع الجافة ولقيت كده احسن من كده
والمصرى لما يشغل مخه احسن من الالمان والاتحاد الاوروبى كله

والقميص الكامل مجرد حماية وعزل عادى
ومش بيراعى اتجاه الهوا البارد من بره الحوض
ومش بيخلى حرارة البطارية تطلع لبره
العزل الصح هو اللى شرحته

وشكرا