مصر موتورز مجتمع السيارات - بدأت اخاف من السواقة

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - بدأت اخاف من السواقة (https://www.masrmotors.com/vb/showthread.php?t=84593)

رد: بدأت اخاف من السواقة

اقتباس:

المشاركة الأصلية كتبت بواسطة خالد الجوكر (المشاركة 673768)

يا عم حماده ده النظام اللى بطبقه مع بتوع التكاتك والمكروباصات
واللى قبل كده توكتوك قطع عليا طريق قمت جايبلو الرفرف بالفرده اللى قدام وسبتو ومشيت
مينفعش معاهم الا كده فاكرين الطرق بتاعتهم لوحدهم
ولو لقوك خايف ع العربيه هيعملو عليك حفله علشان كده قولت البقاء للأقوى
انا من مركز تابع لمحافظة الشرقيه ومفيهاش حد بيقف مرور ولا اى حاجه
ولو مدخلتش فى اى حد صدر وعافيه عربيتك هتروح هدر

:ROFL_C~118::ROFL_C~118:ي الهوي

رد: بدأت اخاف من السواقة

انا كنت زيك والله وكان ابويا بياخدنى اى مشوار ويجبرنى ان انا اللى اسوق وكنت بجيب عرق وجاز وانا ماشى بالعربية وكان ابويا متعمد ياخدنى وقت الزحمة بسبب او من غير سبب بالقوة الجبرية لغاية لما الخوف اتلاشى لوحدة نهائى مع التعود على العربية حسيت انها واحدة من العيلة وبحب اخرج معاها لوحدنا وبنزل بيها لوحدى والحمدلله بقيت وحش على العربية لان العربية خدت عليك وبتديك اللى انت عاوزة بس جمد قلبك واعتبرها صديقتك وانت عمرك ماهتنزل منها ابدا :fun_36_3_9[1]::fun_36_3_9[1]: :danceW7:

رد: بدأت اخاف من السواقة

اقتباس:

المشاركة الأصلية كتبت بواسطة mohamed elshahat (المشاركة 675183)

الف شكر يا باشا على النصايح الحلوة دى وانا ممكن اعملها اى حاجة بس اعتبرها صديقتى دى صعبة اووى

رد: بدأت اخاف من السواقة

اقتباس:

المشاركة الأصلية كتبت بواسطة Vanditta (المشاركة 654351)

بصراحة السواقة فى مصر تخوف التنين
تبقى ماشى فى امان الله وتلاقى اللى جاى عكس واللى بيعدى الطريق من غير ما يبص واللى بيعديك من اليمين فى شارع ضلمة من غير مايقلبلك نور ولا حتى كلاكس وبستر ربنا ودعاء الحاجة تكتشفة بعد ما يعدى من جنبك
والتكاتك اللى العيال الصغيرة سايقاها بتهور وماشية فى نص الطريق
والطرق المدغدغة اللى تخليك تخاف تجرى شوية لا تلبس مطب ولا حفرة
دة كلو طبعا غير الزحمة المبالغ فيها اللى تنرفزك من غير ماتحس
دة غير الاسلوب الهمجى فى السواقة من كتير من الناس تلاقيهم واخدينها عافية ويكسر عليك ويرمى بوز العربية قدامك ويعديك ولو سوقت بأحترام وراعيت اصول الطريق هتلاقى اللى وراك هاريك كلاكسات وشوية شوية يسبلك ال .....تيت

يا راجل دة فية ميادين ماتبقاش عارف مين رايح فين ولا مين جاى منين وبتبقى السواقة فيها اشبة بفيلم رعب
اماتلاقى اوتوبيس جاى فى وشك على مكروباص من يمينك على نص نقل وراك وقدامك كارو وفى جنابك فزب وموتسيكلات وماتعرفش مين بيكلكس لمين ولا مين بيشتم مين ولا مين عايز يروح فين
كل دة ومش عايز تخاف :shyy:
الكلام دة عندنا فى القاهرة ماعرفش فى الاسكندرية اية النظام عندكو
بس على العموم أ ب سواقة فى مصر البروووووووووود

وتقبل مرورى:Wkiss5:

الف شكر لحضرتك طمنتانا :01AD96~139: