مصر موتورز مجتمع السيارات - هل تم تلافى عبوب الافيو فى موديل 2012

انا هقولك رايي الشخصي و بصراحه جدا :-

هديك كذا اختيار و هقولك مميزاته و عيوبه و انت تختار :-

1. اسبرانزا M11 : عربية ممتازه و مافيش حد اشتكى منها لغاية الوقتي و قطع غيارها متواجده كلها
و يعيبها : انها صيني و ده ما يعتبرش عيب بس بيقى عيب في اعادة البيع فقط و برضوا لو حبيت تبيع
مش هتخسر اوي زي ما في دماغك كده

2. ال BYD فئة ال F3 : من افضل العربيات الصيني اللي ناجحه في مصر و السبب انها
كلها تويوتا 2006 معادا المحرك و ناقل الحركة ميتسوبيشي بتكنولوجيا يابانيه برضوا يعني هي
كلها ياباني و طبعا كل قطع غيارها موجوده من الابره للصارخ و لكن يعبها نفس عيب ال M11 و هي
انها برضوا صيني و لكن في اعادة البيع افضل من ال M11 بسبب سمعتها الطيبه في القاهرة و المنصورة

3. الفيرنا : و دي من اكثر العربيات اللي اثبتت وجودها في مصر و مش انا الللي بقول كده . كل
شوراع مصر هي اللي بتثبت كده بتواجدها في كل مكان . و مميزاتها : قطع الغيار اللي بقت اكتر
من الفيات نفسها - افضل سعر في اعادة البيع و لكن
يعيبها : فراملها السيئه - انها واطيه زياده عن اللزوم - قلة الثبات . و علاج عيوبها سهل جدا بمجرد
تركيب جنط اكبر بكوتش اعرض من الاصلي تكون حليت العيوب اللي فيها انك بالجنط الاكبر عليت العربية
بعد ما كانت واطيه اوي و بالكواتش الاعرض علجت مشكلة الثبات و مشكلة الفرامل و بكده تكون حليت مشاكلها كلها

بكده ان حددت ليك و لخصت ليك الاختيار في ال3 انواع دول و ليك الاختيار الاول و الاخير

:CONGRA~238:

و معاك لو في اي استفسار اخر