مصر موتورز مجتمع السيارات - الطريق للبى ام يبداء بسيات 133

أتحداك يا "وائل" إنك تكمل الموضوع
====================

التحدي قائم على معرفتي الشخصية بيك وبألخلاقك وشخصيتك

شوف يا سيدي
أنت اتحمست لفكرة خطرت في بالك وبحسن نية وبهدف نبيل حبيت تسرد وقائع حياتك (أو الخطوط العريضه في حياتك) إللي وصلتك للنجاح إللي كنت بتتمناه قبل كده
حسن نيتك وهدفك هو إعطاء الأمل للشباب الصغير إللي لسه هايبتدي حياته وأعطائهم مثال لشاب زيهم أبتدى من تحت الصفر و عانى معاناة كبيره لتحقيق هدفه
وبالرغم من إن قصتك مع النجاح في زيها في الكتب و الأفلام وممكن للشباب إنهم يقرأوها ويشوفوها إلا إنك حاسس إنك كنموذج قريب منهم و واحد منهم ، هاتوصلهم اسرع وأصدق من أي فيلم أو كتاب
أنا شخصيا وكل إللي يعرفوك متأكدين من كده

دي كانت مقدمه مني للتحدي

نيجي بقى لأصل التحدي
أصل التحدي قائم على إنك هاتضطر إنك تغفل أو تمنع نفسك من كتابة بعض النقط المهمة في حياتك
والنقط دي أنا شخصيا عشت بعضها معاك واهمها كان المنتدى الأول إللي انشئناه سوى وحكايته إللي انت مش هاترضى إنك تحكيها بالتفصيل عشان ماتسئش لناس خدعوك وحاربوك وأتسببوا في كوارث كتير انت أتحملتها لوحدك
ومش هاترضى تكتب عنهم ولا عن سرقتهم لحلمك عشان مايتقالش إنك بتهاجم الناس من خلال موقعك

تاني حاجه أنت مش من الناس إللي بتخاف ولا بتخبي حاجه
عشان كده هايبقى في صراع نفسي بينك وبين نفسك
تتكلم عن كل النقط المهمه ومفارق الطرق إللي غيرت مجرى حياتك ؟
وللا تسكت عشان مايتقالش عليك إنك بتهاجم ناس تانيه نجحت على حسابك ؟
والصراع ده هايخليك ما تكملش كتابة الموضوع ده

========================= ====

نصيحة بقى خدها من أخ

ماتكملش الموضوع ده
والسبب إني لاحظت إن في ناس متربصين بيك وبنجاحك وهايهجموك في كل مداخلة وفي كل الموضوعات حتى لو كانت موضوعات عن "الكاربراتير"
وهاتلاقي تلاسن من هنا ومن هناك كل شوية حد يقولك "الكولمان" وإللي يقولك "السيات" إللي يهمز ويلمز على "البي إم"
عشان كده أنا بنصحك ماتكملش الموضوع ده عشان ماتديش فرصة للمستخفين بالنجاحات الخاصة بالأخرين إنهم ينتقصوا من نجاحك ومن حلمك

:1286B2~161: