رد: مشكلة جننتنى وخلت الميكانيكية تشتغلنى صح
 

مافيش اى تاخير نهائى والعربية بتاخد الغيرات افضل من الطبيعى كمان
وما فيش اى تنتيش ولا حاجه الحمد لله والصوت بيبدئى بالظبط عند سرعه 70 وبتبقى فى قمتها والصوت العالى بتاعها عن 80 واول ما بتزيد السرعه وتوصل 100 الصوت بيروح نهائى ولما اجى اهدى وانزل لل80 الصوت يرجع تانى

راجعت على المية الحمد لله مافهاش اى تغيير او نقص او الوان مختلفة

وشكرا على ردك

رد: مشكلة جننتنى وخلت الميكانيكية تشتغلنى صح
 

وده فعلا اللى واحد ميكانيكى قالهولى بس قالى زود الزيت وهو يروح وزودته فعلا والعربية لسه فيها الونه بس بقت ناعمة مش ونة زى الاول

بس بعد اذن حضرتك مافيش حل نهائى ؟؟ او حتى محاولة وانا فعلا خايف اجازف وافتح الفتيس يظهر مشاكل اكتر بعد الفك والتركيب واندم

انا بحاول استفسر واشوف حلول او اقتراحات اتفادى بيها اى خطر واشوف مخرج
وانا شاكر حضرتك على ردك الكريم

رد: مشكلة جننتنى وخلت الميكانيكية تشتغلنى صح
 

عموما لو مستبيع مع الفتيس ممكن تحاول معاه بس انت وحظك هتروح لصليبة اللى فى شبرا ده اشهر واحد بيصلح فتيسات فى مصر كلها بس مش عارف ليه فى الاوتوماتيك ولا لاء
والونة اصلها بتبقى زى حرق فى التروس نتيجة سخونتها العالية وحركتها بدون الزيت يؤدى الى تآكلها وزيادة الخلوص بينها ودى حله الوحيد بتغيير شجرة التروس كلها يعنى فتيس جديد من الاخر لو الصوت بسيط حاول تتعايش معاه لان تغيير الفتيس صعب شوية:01FDAB~189:

رد: مشكلة جننتنى وخلت الميكانيكية تشتغلنى صح
 

يبقى فى مشكلة فى الكلاتشات لأنك مشيت والعربية مفيهاش زيت الفتيس والكلتشات دى بتكون مصنوعة من مادة زى الكرتون وهى زى الديسكات وده على حد علمى لأنى مش خبير المهم هذه الكلتشات بتتأثر سريعاً وبتتعرض للتلف لذلك بتتلف اما لدخول مياه تبريد الزيت من السبربنتينه الموجودة فى الريداتير او لو الزيت نقص لو حدث له تلف لعدم تغيره فى الميعاد المقرر فى اليوزر مانيول يعنى من الأخر يجب مراعات هذا الفتيس بأتباع تفاصيل صيانته وكمان من الأشياء الخاطئه انك تركن العربية على الp والعربية وقفه فى منزل او مطلع لأن التحميل هنا بيكون على الفتيس ولكن الأفضل انك تضع الفتيس على الn وتشد فرامل اليد وعموماً ربنا يستر ومع الوقت الزيت الجديد يطبع مع الفتيس وترجع الأمور للوضع الطبيعى إن شاء الله وابقى طمئنا عليك :12EA7A~153::CONGRA~238:

رد: مشكلة جننتنى وخلت الميكانيكية تشتغلنى صح
 

هو حضرتك طالما العقل الخاص بلفتيس مفهوش مشاكل بيتم تصليح الفتيس بطقم اصلاح فقط وده ثمنه حوالى 600 جنيه بس بلطبع مهما حصل مش ممكن هيرحع الفتيس ذى حالته الأولى ولكن طالما الأمور هادئة يبقى يخليه معاه ويجوز قوى ان الزيت يبدأ يرجع الأمور لسابق عهدها بأذن الله,وكمان اعتقد إنه كان لازم يغير الزيت الى حطه علشان لو فيه رايش او أى تأكل ينزل وميجرحش فى باقى التروس وبعد كده يضع زيت عى نظافة وكمان ياريت لو فى مادة توضع مع الزيت الجديد لتنعيم الحركة الهيدرولكية واعتقد دى يسأل فيها فى قسم الزيوت ويعرف ايه هى الأضافات الى ممكن تكون عامل مساعد على اعادة الليونه للفتيس وقد تكون عامل مساعد على القضاء على هذه الونه ,والله الموفق