|
رد: هام جدا لكل الاعضاء00 أنا أتسرقت يا جماعة!!!!
اقتباس:
د. اليشع. مع كامل احترامي وتقديري لك. انا من أكثر المتابعين لموضوعاتك وأحترمها وأقدرها جدآ... وحاولت اعرف سبب حظر عضويتك في نايل موتورز ولكن للاسف ماوصلتش لمعلومه... بس انا مسجل هنا وبرده في نايل موتورز وماحصلش مشاكل... وكمان اعضاء كتير هنا وفي نايل ومافيش مشاكل. ومنهم كمان مشرفين هنا. |
رد: هام جدا لكل الاعضاء00 أنا أتسرقت يا جماعة!!!!
اقتباس:
طب الجزء الأول متناقض مع الجزء التاني ،، انتا معترف ان مفيش حماية فكرية علي شبكة الانترنت و في نفس الوقت معترض بشدة علي كدة مش فاهم ايه المقصد المهم انا شايف موضوع د / تامر ،، ان شاء الله بسيط و هوا عمل شكوي هناك و بانتظار رد الإدارة ،، و انا عن نفسي هاعمل تقارير مشاركات سيئة بالمواضيع المنقولة هناك لأن ده حصل معايا ،، اتنقل الموضوع بدون ذكر انه منقول ،، تدخل المشرف و كتب تحته منقول فبلاش العصبية دي ،،، دي حاجة بتحصل و هتحصل كل يوم و محدهش هيعرف يمنعها ،، و في مصر موتورز مواضيع كتييير جدا منقوله و مبيكتبشي تحتها منقول ممكن يكون منها مواضيع ليا اكيد يعني هما مش هيقدروا يراقبوا 40 الف عضو و يشوفوهم بينقلوا منين بخصوص المنافسة الشريفة ،، فحضرتك متقلقشي ،، المنافسة مش في المحتوي ،، المحتوي هيجيي هيجيي بالأعضاء ، و المشاركات ،، الأعضاء هيبدعوا و هينقلوا و هيسرقوا و هيردوا و التفوق هيكون للافضل تقنية ، الأسرع ،، و طبعا الادارة الأفضل من حيث معاملة الأعضاء و التفتح و الاستجابة و التطوير و المصداقية ،،،، انا فاهم و الله سر غضبك ،، لأني مثلك اعتقد ان وجود كاتب مبدع مثل د/ تامر مخصص منتدانا بابداعاته ،، قيمة و اضافة كبيرة للمنتدي و حرام يتسرق ابداعه بس دي وجهة نظري في الموضوع |
رد: هام جدا لكل الاعضاء00 أنا أتسرقت يا جماعة!!!!
ولو انت متابع يا فهد... الردود في موضوعك هناك حتي الآن. 4 صباحآ...
والعضو خالف قاعده من قواعد منتدي نايل موتورز. القاعدة رقم 2 من قواعد المنتدى تمنع نقل أحد الأعضاء لأحد المواضيع دون الاشارة إلى ان الموضوع منقول،، وصدقني مافيش حد يقبل ان مجهوده يروح لغيره. |
رد: هام جدا لكل الاعضاء00 أنا أتسرقت يا جماعة!!!!
اقتباس:
أخى الكريم الفاضل / drift_lover أنا بشكرك من كل قلبى على زوق حضرتك فى الكلام و أخلاق حضرتك العالية جدأ تمام . بما أن حضرتك كنت متابع موضوعاتى هناك . هل حضرتك على مدار جميع مشاركاتى الكثيرة جدأ هناك هل و جدت لى مشاركة واحدة بها أساءة لأى عضو ؟؟؟؟ بالطبع أعرف أجابة حضرتك فقط من رد حضرتك أعلاة و الواضح من ردك بالحسنى و الاحترام ببساطة شديدة يا عزيزى ( تلكيك ) قسمأ بالله تلكيك حيث ان عضو بارز هناك و هو من الادارة سابقأ و اكيد تعرفة جيدأ و هو د./ أحمد سامى دكتور الاسنان قال لى أيامك معدودة بالمنتدى ( على الايميل طبعا) قلت لماذا ؟؟ قال أصبحت لك شعبية كبيرة جدأ و فى وقت قصير للغاية و هذا ما ترفضة أدارة نايل موتورز( والله العظيم بنفس اللفظ و الحرف ) لم تمر أيام يا صديقى العزيز حتى و بى أأخذ أنذار بسبب نكتة فى مشاركة ( ما تيجوا نضحك شويات ) وانت تدرى ما كان فى اسلوبى من ضحك و ترفية و بعدها أنذار أخر بسبب أعتراضى للظلم و اثباتى بان اللفظ الذى بالنكتة يوجد افظع منة بكثير و مشاركات غير النكات و بالدليل بس جيت ادخل مرة لقيت نفسى محظور اسبوع عملت عضوية علشان ادخل اعرف السبب و اعرف حقى ههههههههههههههههههه أخذت اسبوعيين ( لكسر الحظر ) ماهو القرار نازل من السماء و ليس من بشر مثلنا هههههههههه عضوية ثالثة للدخول و التقاضى مع لجنة فض المشاكسات ( المنازعات ) وصلت الى حظر الى أجل غير مسمى ..... ووصلنى بقة انى قلت أدارة غير محترمة و أفتراءات كثيرة لم تحدث و هكذا ........... و حسبى الله و نعم الوكيل ( طبعأ أنا لا يفرق معى الحظر ) لأنى كنت عضو لا بأس به و الله يعلم و لكن للظلم فقط الذى ظلمتة و تقويلى كلام الله يعلم أنى برىء منة أننى الان خارج المنتدى و لو كنت قولت لكنت أعترفت بأننى قولت فهو غير فارق معى بالطبع لكن الحقيقة يا عزيزى هو تلكيك فاظلم فا أفتراء فعلا حاليأ بصدق أقول أدارة مفترية و ظالمة و كأنك لا تتعامل مع بشر بل أنبياء كدة مثلا ( أمين شرطة أسم الله ) |
رد: هام جدا لكل الاعضاء00 أنا أتسرقت يا جماعة!!!!
ل احمد انور
يا ابوحميد انا بقول فى منتديات الدنيا ومواقع الدنيا بقى فيه تقينين للموضوع ده واديت مثال بمحرر الاخبار وهتلاقى ان التقنيات ديه كلها وظيفتها تسهل النقل والاقتباس وانتشار الموضوعات بين المنتديات المتخصصة مع الاشارة فى كل موضوع على مصدر الخبر الاصلى وراجع موضوعات محرر الاخبار وانت هتفهم قصدى وبالتالى النشر تطبيق رائع ومطلوب لكن بدون اغفال حقوق النشر والملكية الفكرية والا هتبقى فوضى ل دريفت لافر انا كنت اقصد عملت عضوية جديدة لان عضويتى القديمة باسم ابونورا موقوفة من زمان واغلب مواضيعى تم حذفها بالفعل واللى حضرتك لقيتة ده بعض من الموضوعات وقصتى مع نايل طويلة وللاسف ممنوع على احكيها علشان الناس بتزعل منى لما بحكى القديم بس باختصار اقدر اقولك ان نايل موتورز فكرتى اصلاً واننا كنا 7 اعضاء مؤسسين للموقع تم تصفيتهم الواحد تلو الاخر ولم يتبقى منهم الان غير واحد فقط وخلينى ساكت احسن لما نشوف اخرتها بس بأكد على ان كتابة منقول على المواضيع المسروقة من هنا مش كفاية ولازم يحترمو القواعد بتاعتنا وشروط النقل وهى (تحديد المصدر) زى ماشرحت قبل كده واعتقد لو احنا نقلنا مواضيع نايل هنا وكتبنا تحتها منقول بس هما مش هيسكتوا وسهل اوى اوى نتخذ من اللى بيعملوه زريعة لاننا نعمل زيهم خاصة ان موقعننا لسه بادئ واحنا فى امس الحاجة لمواضيع اكثر اذا ما قورنت بمواضيع نايل اللى شغال بقالة 3 سنين دلوقتى بس احنا مش كده ومش هنبقى كده وزى ماقال احمد المحتوى كده كده هيجى لكن الاهم دايماً بالنسبالنا جودة المحتوى وعدم تكرارة واهميتة مش الكثرة العددية عامة الموضوع ده يمثل اختبار حقيقى لمدى نزاهه ومصداقية الشعارات المرفوعة فى نايل عن الاتزام بالاخلاق وقال الله وقال الرسول ياريت نشوف التطبيق العملى للشعارت ديه بقى |
| الساعة الآن 10:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017