المشاركة الأصلية كتبت بواسطة DR.AMER HASSAN (المشاركة 605029)

مبروك عليك يا باشا.... ربنا يكفيك شرها و شر الطريق... حضرتك ترخص على المرور الي تبع البطاقة الا اذا كنت عضو في سموحة او سبورتنج... ممكن ترخص في النادي

المشاركة الأصلية كتبت بواسطة screamseko (المشاركة 605031)

دي جديده ومش فاهمها

ربنا يباركلك يا اتش اشوفك فرحان بيها ان شاء الله
وعايزك تعمل تقرير يكسر الدنيا لما تجيبها :010104~171:

المشاركة الأصلية كتبت بواسطة tamer Osman (المشاركة 604987)

الف مبروك ، نصيحة بلاش اسود ( انا عربيتى سوداء و الخرابيش بتبان فيها كانها سبورة و فرن فى الصيف ) الابيض عملى اكتر و الاحمر حلو و شبابى و الفضى بيعكس الحرارة

عايزين نعمل توبيك نسميه رابطة بروتون اسكندرية و نحط فيه كل المعلومات عن اماكن بيع قطع الغيار و الورش فى اسكنرية

بالنسبة للاستلام :
اتاكد ان الحاجات دى مع العربية
1- طبات الجنوط ( غطاء راكب فى نص الجنط)
2- الاريال
3- كتاب الضمان
4- كتلوج العربية
5- كتالوج الكاسيت
6- الكوريك
7- مفتاخ العجل
8- متتخضش لما تشوف الاستبن ( زى عجلة المتوسيكل)
9- خطاف الجر
10 - كيسة عدة
11- اهم حاجة نسخة المفتاح الاحتياطى ( برضه ريموت ) فى التوكيل ب 800 جنيه

اشترى شنطة اسعافات و مثلث و طفاية ( غالية فى المرور)

اتاكد ان الاجزاء الاتية شغالة تام :

1- الاربعة ازاز كهرباء
2- المرايات الكهرباء
3- جرب البور ستيرنج
4- الكلاكس و كافة الانوار و الفوجات
5- خد معاك سى دى ام بى 3 و جرب الكاسيت
6- جرب المالتى فنكشن
7- اتاكد من قفلة الابواب و الاربعة سنتر بص عليهم كويس واحد واحد
8- فتح و قفل الكبوت يدوى و ريموت ( تكتين على الزرار الصغير)
9- لف حولين العربية و بص كويس على العتب من تحت


خلى بالك و انتى سايق الفرامل بتاعة الجين 2 مختلفة ، سيب مسافة لغاية متتعود عليها و يكون التيل طبع


اهم نقطة : تدبح او تطلع صدقة علشان ربنا يبارك و كلمنى فى اى استفسار

المشاركة الأصلية كتبت بواسطة hhhesham (المشاركة 605129)

انا برضو مش فاهمها الحته ديه بس لو موجوده فعلا زى ما انا فهمها دى تبقى ميزه جامده اوى.
وبالنسبه للتقرير حيبقى احسن تقرير عن الجين 2 فى المنتدى انشاء الله علشان محدش يخاف من العربيه و الناس تشترى