مصر موتورز مجتمع السيارات - بعد المقارنة بين M11 واللوجان ...يبقى السؤال المحير !!!!!!!

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

رد: بعد المقارنة بين M11 واللوجان ...يبقى السؤال المحير !!!!!!!

اقتباس:

المشاركة الأصلية كتبت بواسطة haytham1542 (المشاركة 530511)

نعم يقال هناك ِABS , EBD و لكن هل انت متاكد انهم يعملوا فى الوقت المناسب - لا احد يعلم- و لكن هذا لا ينفى ان هذة الخصائص مش موجودة

عجبتنى اوى النقطة دى ..

انا فعلا جربت الـ a 516 والفرامل بتاعتها تعتبر معقولة (لكن فرامل اللوجان افضل بكتير جدا) .. لكن اللى لفت نظرى بعد فرمله قويه فى الرمل ان تاثير الـ ABS يكاد لا يذكر .. وكانت مفاجأه ان عربية مزوده بـ ABS بتزحف بشكل متواصل فى الرمل ...

عموما انا للاسف مليش تجربه مع الـ M11 لكن انا جربت الـ A 516 وهى عربية مش وحشة على فكره ولكن انا مقدرش اضمن انها عربية اعتمادية ومعمره ...

ولكن من حيث الكماليات والاوبشنز هى عربية ممتازه جدا بالنسبة لسعرها ...

عيوبها اللى قابلتنى وانا سايقها ضعف سحبها على الغيار الاول .. وده سببه ان الغيار الاول نسبه تخفيضه قليله شويه عن المطلوب .. يعنى بالبلدى تصميم الفتيس مش مناسب لقوه الموتور ..

وعضه سخيفه فى عصايه الفتيس اثناء النقل .. يعنى الفتيس مش سلس وناعم ...

اللى انا عاوز اقوله ان الاسبرانزا مش وحشه للدرجة اللى متصورها بعض الناس .. لكن جودتها مش مضمونه لانها حديثة فى السوق ..

اللى احنا لاحظناه بس من تجارب الناس ان احيانا بتحصل بعض المشاكل فى عربيات زيرو صينى .. هى بتكون مشاكل اغلبها بسيطة ولكن بتكون مقرفه لان لازم تتحل فى التوكيل وللاسف توكيل ابو الفتوح من اسوء التوكيلات فى مصر .. وعلشان كده المشاكل دى بتكبر ...

غير كده بيبقى شئ مش ظريف ان الواحد يكون شارى عربية زيرو مع احتمال وارد ان تكون فيها مشاكل .. وده بيعمل نوع من انواع القلق .. وطبعا ده شئ مش مستحب لواحد دافع تحويشه عمره فى عربية زيرو ...

عموما انا مش هقدر انصح حضرتك بعربية معينه لان انا مجربتش الـ M 11 خالص ..

بس انصحك اولا باستخاره ربنا وثانيا بالتعامل المباشر مع العربيتين ...

وربنا يهديك لما فيه خير ....

رد: بعد المقارنة بين M11 واللوجان ...يبقى السؤال المحير !!!!!!!

انت بتقارن بين بنت مؤدبه بس شكلها وحش وبنت جميله بس شاكك فى اخلاقها

رد: بعد المقارنة بين M11 واللوجان ...يبقى السؤال المحير !!!!!!!

اقتباس:

المشاركة الأصلية كتبت بواسطة a7madslim (المشاركة 532535)

انت بتقارن بين بنت مؤدبه بس شكلها وحش وبنت جميله بس شاكك فى اخلاقها

ههههههههههههه حلوة

رد: بعد المقارنة بين M11 واللوجان ...يبقى السؤال المحير !!!!!!!

على فكرة انا كان نفسى فى الأسبرانزا ام 11 بس للأسف بعد اول عربية صينى اشتريتها كرهت الصينى كله والله و قولت اجيب حاجة تعيش و فى نفس الوقت لها اسم فى السوق و توكيلها يكون محترم و تقعد معايا على الأقل 5 سنوات بدون مشاكل لأن انا واحد من الناس بحب اجيب العربية زيرو و تقعد معايا لغاية متبتدى تطلب فلوس و اقوم بيعها و جايب عربية زيرو تانية و هكذا .بس مينفعش تضحى بعربية بالكامل علشان شوية ابشنز و شكل و بعدين اللوجان انا شايف انها سيمبل من الداخل مع مواد محترمة و ابشنز جامد برضه زى كمبيوتر الرحلات الى الكاسيت المالتى فاكشن الى الفرش الجلد المجملى للى فى اللوجان البلاك لاين اضافة الى الكمليات الأخرى .
و بالنسبة لفتح التنك من الخارج فدى وسيلة امام لأن فى فرنسا مفيش حد بيمون و هو قاعد جوة العربية او حاطت المفتاح فيها .
و بالنسبة ايضا للأماكن ازرار الزجاجاج و الكلاكس فدة شىء طبيعى فى اى عربية فرنسية لأن فرنسا لازم يكون لها تصميم خاص بالعربية لتكون مميزة عن باقى العربيات الألمانى و اليبانى و الأوربى و الكورى و الماليزى و الصينى و غيره .
و بعدين سهل على الشركة الأم انها تخلى الكلاكس فى الطارى و اماكن ازرار الزجاج فى الباب لأنها مش معضلة يعنى كلها حاجات بسيطة .
و بالنسبة للشنطة فانت كدة كدة هتضطر تنزل علشان تحط اللى انت عاوزه فى الشنطة ولا هتفتح الشنطة من جوة و تخلى اى واحد ماشى فى الشارع هو اللى يحطلك اللى انت عاوزه او هى تحط نفسها بنفسها !!!
فكل مشكلة و ليها حلها و اعتقد ان كل دى شوية حاجات هابلة و متنساش ان اللوجان تقفيل المغربى اللى موجودة فى الشوق حاليا نازلة من 2010 و الأسبرانزا ام11 نازلة من 2009 و اللوجان تفوقت عليها و اكتسحت السوق و انا شايف ان مبيعات فئة السبعين قلت بشكل ملاحظ لما اللوجان نزلت و متقلقش من قطع الغيار موجودة و فى منها التيوانى و التركى و الصينى و الأصلى و طبعا كل حاجة و بتمنها و متقلقش ايضا من اعادة البيع لأن اللوجان بتتباع بسرعة و سعر اعادة البيع زى الانوس و الفيرنا و توكيلها محترم للغاية و اى حاجة بيشلها التوكيل طول م العربية فى فترة الضمان .
و لكن انا بنصحك بعدم شراء اللوجان لأنك مش قادر تتقبل تصميمها و بتشبها بالميكروباص قبل متشتريها يعنى انت كارها قبل متشتريها و مش مرتحلها نفسيا يبقى ابعد عنها احسن لأنك مش بتغير العربية كل يوم .
بس برضه مينفعش تشترى شكل و ابشنز و تبعد عن الأساسيات زى الشاسيه و العفشة و الموتور و غيره و على فكرة تصميم و شكل من اللوجان جميل والله بس هى ازواق و لو اتفقت الأزواق لبارت السلع و اختلاف الرأى لا يفسد للود قضية بس احب اقولك انك ممكن تتفرج على شقيقتها الساندير ( لوجان هاتش باك ) و هى هى اللوجان الأختلاف فى الشكل الخارجى فقط و على فكرة اللوجان من فئة و الأم11 من فئة اخرى لأن اللوجان لو نزلت بسعرها الأصلى مش هتقل عن 85000 جنيه هى رخيصة علشان اتفاقية اغادير مش اكتر .
حاجة اخيره ممكن تتفرج على الكيا ريو و الأفيو و الانوس و الفيرنا و البونتو و السينا و غيره و اسأل و اختار اللى انت مرتحله و اى حاجة بخصوص اللوجان انا تحت امرك لأن انا من ملاك العربية و ربنا يوفقك فى اختيارك .

رد: بعد المقارنة بين M11 واللوجان ...يبقى السؤال المحير !!!!!!!

اقتباس:

المشاركة الأصلية كتبت بواسطة yahiaashraf (المشاركة 531975)

انا كان ليا بس تعليق
حضرتك بتقول الرينو معروف من زمان

دى اصلها داتشيا
بس مصر بتنزلها على اسم رينو

و هى كعربيه حلوه

انا ركبت الام 11 و الله حلوه

رينو اشترت فرنسا فى اواخر الثمانينات و بعدين اللوجان بتنزل ب 5 اسماء .
فى مصر ياسم رينو لوجان .
فى الهند باسم ماهيندرا لوجان .
فى امريكا الجانوبية باسم نيسان ابريو .
فى ايران باسم توندار 90 .
فى بعض الدول باسم داشيا لوجان .
و طبعا الأساسيات كلها رينو الأختلاف فى التقفيل فقط .
و على فكرة اللوجان المغربى مكوناتها بالكامل رينو و متقفلة فى مصنع رينو برضه بس اللى فى المغرب ( صوماكا ) بالدار البيضاء و لو افترضنا ان داخل فيها مكونات مغربى هيبقى بنسبة 25% مش اكتر و هتبقى برضه من مصنع رينو بس اللى فى المغرب دة حتى الكاسيت بتعها المانى مش مغربي و كاوتش ميشلان و كل خاجة مختوم عليها " made by renault " 444546444546:waving: