مصر موتورز مجتمع السيارات - السرعة 115 كم/س -الطريق الصحراوى -الموقف خيانة -الأحساس "اشهد ان لا الله الا الله محمد رسول الله" و عندما يكون الحمار منقذ.

مصر موتورز مجتمع السيارات (https://www.masrmotors.com/vb/index.php)

- حوادث السيارات (https://www.masrmotors.com/vb/forumdisplay.php?f=201)

رد: السرعة 115 كم/س -الطريق الصحراوى -الموقف خيانة -الأحساس "اشهد ان لا الله الا الله محمد رسول الله" و عندما يكون الحمار منقذ.

ربنا يستر طريقك دايما ويوفقك لكل خير

ربنا يسترها معاك
بس دماغك حلوة ف سرد القصة
ربنا يستر طريقك ومتقابلش حمير تانى
تحيااااتى

اقتباس:

المشاركة الأصلية كتبت بواسطة ابوشروق (المشاركة 518575)

الحمد لله الف الف حمد لله على سلامتك
بس ياريت بلاش السرعه العاليه وانت محمل

شكرا ليك على النصيحة بس فعلا دلوقتى السرعات على الصحراوى من 100كم/س و انت طالع و بصراحة انا ببقى عاوز انجز يعنى مش كل يوم هقعد 4 5 سعات فى مشاور 160 كيلو

اقتباس:

المشاركة الأصلية كتبت بواسطة AboNoRa (المشاركة 518207)

والله يا شريف انا اعصابى سابت وانا بقرا الحكاية ومشغل المزيكا :sd:

خصوصا انى لسه حاصلى موقف مشابة شوية من كام يوم عقابا ليك هحكيهولك انا كمان

انا كنت ماشى على طريق مصر اسماعيلية جاى من الشروق ونازل على القاهرة وعندى حاجة فى دراع النور تقريبا فاصلة الكشافات اللى قدام والدنيا ليل وعتمة ويادوب شايف حدود الطريق
اصول اولع نور الصالون عارف بس لان عواميد النور فى الطريق مطفية اصلا فلو ولعت نور الصالون مش هشوف حاجة خالص من الطريق بفضل ابقى مركز فى الطريق واعمل حساب الاخوة الحمير قدر المستطاع

بس يا سيدى وفجاءه الاقى عربية مرسيدس 7 راكب بتاعة المحافظات ديه بتلف وعلى اقل من مهلها يوترن وبعرض الشارع كله

طبعا هو مش شايفنى او شايفنى ومش مقدر سرعتى ومفيش حاجة اعملها علشان يشوفنى غير انى اضرب فرامل للاخر تخلى العربيه تسرخ يمكن تقف قبلية او يشوفنى فيلم نفسه بسرعة

او اضرب كلاكس يمكن يسمعنى ويلم نفسه بسرعة برضو

لكن انا عملت حاجة تالتة

اخدت يمين للاخر ودوست فرامل بشكل تدريجى بحيث يا اما اتفاداه قبل ما يقطع الطريق تماما
او لو خبطتة تبقى خبطة جمب فى جنب واحنا الاتنين بنتحرك بدل ما ارشق فيه بالنص او البس فى ديلة
او اطلع بره الطريق من اليمين وانزل من على الاسفلت وده على اى حال ارحم من انى اخبط فى الجزيرة الخرسانية اللى فى النص او العربيه تتقلب وتفضل فى نص الطريق

والحمد لله ربنا سترها وفلت من على يمينه

الشاهد ان فى بعض المواقف الفرملة مش دايما بتكون الحل
والانحراف يمين او شمال لتفادى الاصطدام ساعتها بيكون حل افضل وان كان محتاج حسن تقدير وتركيز وحسن تصرف بنسبة اكبر
وفى الاخر ربك هو الستار
الف سلامة عليك وتسلم ايدك على الموضوع الجميل ده :01FDAB~189:

شىء صعب جدا انك تبقى ماشىء من غير انوار نهائى امامى او خلفى و خصوصا العربيات اللونها غامق انا مره حصلت أدامى واحد كان هيشل عربية اكسنت قديمة ماشيه براحة على شمال الطريق و كانت الدنيا ضلمه برضه حاول متجريش فى الوضع ده لانى انت تقريبا مش بتتشاف غير من قريب بس
و ربنا يسترها معانا

انت يا باشا انكتبلك عمر جديد الحمد لله موقف عدى على خير ربنا يسترها علينا