مصر موتورز مجتمع السيارات - لية تنتخب الشيخ حازم صلاح ... الجليل

طيب سؤال ؟
لان الواحد شايف الناس عماله تتخانق ع الفاضي
هل تفتكروا ان واحد لواحده زي الشيخ حازم يقدر يحول الدوله الى دوله دينيه ؟
هل تفتكروا ان واحد لواحده من اي اتجاه يقدر يحول الدوله الى دوله مسخره ؟
يعني ابواسماعيل بقى رئيس وراح مدي فرمان بتطبيق الشريعه اللي المجتمع مرعوب منها
يبقى خلاص كله هاينفذ ؟
دا احنا عندنا بحر من الفساد يضمن عدم تنفيذ اي حاجه
وبالنسبه للناس اللي خايفه من المسخره او اللي بيتهموا بعض التيارات انها لو وصلت للحكم هتتحول البلد للانحلال الاخلاقي ده مش صحيح ما حدش هايقدر يجبرك باي حال انك تنحل الواحد هوا اللي بينحل من نفسه
يا جماعه عاوزين نحكم على المرشح من خلال برنامجه الانتخابي
مش هوا مين ومتجوز مين ومتدين ولا منحل
بس فيه نقطه مهمه
المرشحين دول كلهم مخوخين ومحدش عنده رؤيه واحد اتنين تلاته هايعمل ايه علشان يصلح البلد فكل واحد فيهم بياخدنا للحته اللي بيغني فيها كويس
واحد بيتكلم باسم الدين والتاني بيشدد ع الحريات والتالت على السلام والرابع اي بطيخ ف برنجان واي كلام ف اي كلام
نفسي واحد يقول انا هانتخب فلان لانه ناوي يعمل كذا كذا كذا زي ما بيحصل ف امريكا مثلا
ناوي يصرف على التعليم كذاويجيب من بره خبرا اجانب للتعليم مش للكوره وناوي يخفض الدعم ويطور الجيش وخطته التنمويه مشروع كذا وكذا وبعد كده يطلع ابيض ولا اسود مش هاتفرق اسلامي ولا شيوعي مش مشكله
ياهوووه دا احنا لسه قدامنا خمسين سنه على مانعرف بيختاروا الرئيس ازاي
اسف للاطاله