مصر موتورز مجتمع السيارات - يا أهل الخبرة .. افتونى فى الماروتى المستعمل جزاكم الله خيرا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة mr_astra (المشاركة 537277)

جيلى ck موديلات 2005 فاعلى فول اوبشن عداد 40 الف تعمل فى الحدود دى

جزاك الله خيرا , هابص عليها ان شاء الله

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة nawwara (المشاركة 538278)

جزاك الله خيرا , هابص عليها ان شاء الله

ابعدي عن الصيني حرام فيه الفلوس
اشتري فيات أونو أو 128 وممكن سكودا فيفوريت

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة mismail_2000 (المشاركة 538285)

ابعدي عن الصيني حرام فيه الفلوس
اشتري فيات أونو أو 128 وممكن سكودا فيفوريت

فيات اونو ممكن , انما سكودا رغم انها كويسة بس سمعت انها معقدة شوية ومش اى حد يفهم لها
عموما جزاك الله خيرا

رد: يا أهل الخبرة .. افتونى فى الماروتى المستعمل جزاكم الله خيرا

اقتباس:

المشاركة الأصلية كتبت بواسطة nawwara (المشاركة 512198)

قدامى ماروتى موديل 2002 ب20000 , متغير لها الشاسيه والبلاستيكة اللى فى مقدمة العربية مش فاكرة اسمها , المهم فى العربية انها عاملة تقريبا 75000 كم ..
سؤالى هو :
1. هل السعر مناسب بالنسبة للموديل , وعدد الكيلو مترات التى قطعتها السيارة ؟
2. مسألة تغيير الشاسية دى وعدد الكيلو مترات قلقانى شوية , بمعنى هل العربية حالتها كويسة بالشكل ده, ال75000 كم دول كتير عليها ولا ايه ؟
أفيدونى سريعا للأهمية وجزاكم الله خيرا

ربنا يوفقك للاختيار السليم ان شاء الله - ولكن رايي انك تشتريها قسط افضل وتدفعي ال 20000 جنيه مقدم سيكون القسط حوالي 330/360 جنيه شهري والحقيقة ان اي سيارة مستعملة مهما كانت حالتها جيدة سوف تصرفي عليها قطع غيار واصلاح اكثر من ذلك لان اي واحد ( في مصر خاصة للسيارات الصغيرة ) يقرر بيع سيارته يعطي نفسه مدة طويلة قبل ان يشتري اخري لكي يستهلك سيارته وعندما يتطلب منه الامر اصلاح معين او تغيير قطع غيار يقول لنفسه انا سوف ابيع ويذهب للميكانيكي لتسكين العيب ( مش عارف اوصفها ازاي بدون تعبير بالبلدي يعني كدة يكلفتها وخلاص ويلصمها الي ان يبيع ) وسوف تجدي نفسك كل اسبوع بالكتير شهر داخلة في موضوع اصلاح معين مهما كانت الحالة جيدة هذة الاشياء كان صاحبها مأجلها هذا علاوة علي الاستهلاكات العادية لانك ببساطة استلمتي السيارة وكل حاجة فيها نصف عمر او ربع او عشر.............عمر...... ..الخ وكل واحد وحظه - المهم ان هذة التكاليف لن تقل باي حال عن 400 جنيه شهري - اذا الافضل ان تدفعيها في قسط سيارة زيرو - وبعد نهاية مدة القسط ستكون سيارتك افضل بكل المقايييس من هذة السيارة لان سيارتك هيكون عدي عليها 7 سنوات ( مدة القسط ) لكن هذة السيارة عدي عليها الان 9 سنوات بالاضافة ان ال7 سنوات استخدامك انت وليس استخدام غيرك - والله الموفق-واسف علي الاطالة-وشكرا.

رد: يا أهل الخبرة .. افتونى فى الماروتى المستعمل جزاكم الله خيرا

جزاك الله خيرا يا استاذ مجدى , كلامك فى محله فعلا , انا صرفت نظر عن الماروتى , نظرالان والدتى اصبحت غير مقتنعة بها ومش راضية بها لا جديد ولا مستعمل , عشان كدا بدأت أفكر فى الجديد القسط ..
دعواكم لى بقى ان ربنا يوفقنى واقدر اجيب حاجة كويسة عن قريب