رد: ارجوكم ساعدونى والله بنام مهموم من الرجة اللى فى الماتور
 

للاسف يا جماعة انا لقيت حساس الايدل غالى اوى اوى اوى 750 جنية دا للفيرنا
استاذى وحبيبى بص ياريس انا العداد فى اول التشغيل بيكون تحت الواحد بس بقليل جدا 900 او ممكن 950 قريب جدا من الواحد ولما يسخن بتبقى فوق النصف 600الى 650 صح كدة ولا اية بس المشكلة انى رحت التوكيل بعد ما كشفت برة كمبيوتر وقلتلة عايزة قالى حرام والله مفهوش حاجة وحوار والعيب من حاجة تانى طيب يا عم قولى العيب منين وريحنى قالى طب هاتها يوم تانى وطب اصلى انا وحوار وشكلة مش عارف حاجة وقالى احنا ممكن نتاكد انة من حساس الايدل لو كشفت كمبيوتر عندى طب اكشف يا حج قالى 200 جنية اية يا عم اللى بتقولة دا يعنى افرض طلع هو ادفع 950 جنية اةةةةةةةة من التوكيل شكلى كدة هنظفة لوحدى وامرى لله وللعلم قعد يقولى انا ممكن انظفة ونظف المجموعة واوى برة عشان فى حساسات ممكن تبوظ وحاجات جوة وبوابة جوة الحساس وحوار حسسنى انى لو فكيت مسمار العربية هتضرب منى وانتهى الحوار على انة اجى يوم الاحد ينظفلى الحساسات يعنى محتار شوية فى الموضوع دا

رد: ارجوكم ساعدونى والله بنام مهموم من الرجة اللى فى الماتور
 

شوف يا غالى .. انا معايا هيونداى افانتى (النترا كورى) 97 .. وموتورها شبه موتور الفيرنا جدا ..

اولا العربية كده واطيه شوية زياده عن اللزوم ..

وعلشان تعليها الموضوع سهل جدا جدا ..

هتيجى عند حساس الايدل و حاول ترفعه لفوق او تنزله لتحت .. يعنى الحساس نفسه بيتحرك علشان يعلى او يوطى الموتور .. وظبط فيه بحيث يكون الـ RPM على 800 تقريبا والعربية سخنه ..


ولو حبيت تنضف البوابة وحساس الايدل .. سهل جدا جدا ومتخفش خالص ..

هتحتاج اسبراى تنضيف بتاع الكربراتير بـ 15 جنية .. ومفك صليبة ..

هتبص على حساس الايدل هتلاقيه راكب بمسمارين فى البوابة وراكب فيه فيشة .. فك الفيشة والمسمارين وكده هيطلع فى ايدك ..

ابدأ رشه بالاسبراى كويس لغاية ما ينضف ..





بص بدل ما اقعد اشرحلك نظرى شوف الفيديو لاخونا احمد كار وهيفيدك بالتاكيد ...


http://www.youtube.com/watch?v=GfVqZdmUaBI



طيب نفترض ان الحساس بايظ ومفيش منه امل ..

يبقى انسى التوكيل خالص وروح هاته استيراد واعتقد تمنه مش هيزيد عن 150 - 200 جنية ...

كشف الكمبيوتر ابو 200 جنية ده بيتعمل بـ 30 - 50 جنية بالكتير ...


لازم بس انت تجمد قلبك شويه بدل المصاريف اللى عمال تصرفها ع الفاضى فى التوكيل ... وعربيتك فيرنا يعنى عربية الشعب وكتير اوى بيفهموا فيها ..

وخلى التوكيل للحاجات الكبيره زى تغيير سير الكاتينه مثلا ...

رد: ارجوكم ساعدونى والله بنام مهموم من الرجة اللى فى الماتور
 

شكرا يا استاذ حسام وانا هجيب الاسبراى بكرة وهجرب انظفة ولو منفعش يبقى ربنا يسهلها وشكلى كدة هفكنى من موضوع التوكيل ما هو ممكن ينظف باقى الحساسات بيوظهالى هو دا اللى خايف منة ما هما مش ملايكة اللى شغالين جوة
صنايعية برضة وفيهم الكويس والوحش ربنا يسهل

رد: ارجوكم ساعدونى والله بنام مهموم من الرجة اللى فى الماتور
 

فعلا كلامك صح ..

وبعدين الموضوع بسيط زى ما قلتلك .. وعلى فكره الايدل مش حساس ..

ده عباره عن بلف بيتحكم فيه موتور كهربائى صغير علشان يقدر يظبط السلانسية بتاع الموتور ..

بس هو بيتقال عليه حساس مجازا يعنى ..

اهم شئ انك تعلى العربية زى ما قلتلك بتحريك الحساس لفوق او تحت لغاية ما السلانسية يتظبط زى ما قلتلك .....

رد: ارجوكم ساعدونى والله بنام مهموم من الرجة اللى فى الماتور
 

انا عارف اني حلخبطكوا بكلامي ده بس لازم أقول الي في قلبي
مع احترامي الشديد لجميع الاراء المطروحة كلنا نيتنا حل المشكلة و طبعا احنا مش شايفين العربية
من الواضح يا استاذ محمد من وصفك لاداء ال rpm ان هو كده من ساعة ما جبت العربية فوالله اعلم مفيش داعي تحاول تعليه
برضه ده يشككني انه مش أيدل
بس فك و تنظيف الأيدل و البوابه خطوة ضرورية و حتي لو محلتش المشكلة فهو اجراء مفيد كخطوة في اتجاه تحليل العطب و كحاجة كده كده المفروض تتعمل كل فترة
التدرج في حل المشاكل كويس انه يبدأ من السهل السريع الغير مكلف