رد: اختبار الفيات برافو تى جيت 120 حصان
 

أولاً مبروك وربنا يديك خيرها ويبعد عنك شرها
ثانياً نفس سؤال AGAMISTA بالاضافة الى:
واضح انك شاريها مستعمل يا ترى هى عملت كم فلوس
تكلفة نقل الملكية
تكلفة الترخيص فى المرور
هل يا ترى عشان هى تربو ممكن تبقى صعبة فى الصيانة بتاعتها واعطالها كتير ولا ايه

لانى بصراحة عجانى الجولف 5 بس مقلق جداً من قطع الغيار ولما قريت موضوعك دخلت دماغى البرافو

رد: اختبار الفيات برافو تى جيت 120 حصان
 

انا جايبها جديدة مش مستعملة, و بصراحة معرفش سعر المستعمل بالضبط.
التربو مش مشكلة ابدا, لأنه جهاز بسيط و اصلاحه فى العموم سهل و أعطاله قليلة و هو لا يحتوى على اى اجزاء الكترونية.
مشكلة التربو الوحيدة هى انخفاض اداءه بعد 100-150 الف كم, و ده فى اى سيارة فيها تربو, لأنه يتعرض لضغط حرارى طوال الوقت (نتيجة دخول هواء العادم الساخن من ناحية و الهواء البارد الداخل الى المحرك من ناحية أخرى), و بالتالى فهو يحتاج الى عمرة كل 100-150 الف كم, و عمرة التربو غير مكلفة و بسيطة.

بالنسبة للجولف 5 و قطع الغيار لن تختلف كثيرا فى سعرها او توافرها مع قطع غيار البرافو, قطع غيار البرافو فى نفس مستوى سعر قطع غيار معظم السيارات الاوروبية, يمكن تكون كمان ارخص شوية من قطع غيار الجولف, لكن البرافو افضل من الجولف 5 فى الاداء و الشكل, البرافو ممكن تقارنها بالجولف 6 الحالية (و طبعا انت لاحظت ان البرافو قضت على مبيعات الجولف 6 فى مصر!).

رد: اختبار الفيات برافو تى جيت 120 حصان
 

مبروكة عليك ان شاء الله
ممكن تقولنا قكع الغيار بالتفصيل
اكيد انت كل التعامل مع التوكيل ولا مع حد برة

رد: اختبار الفيات برافو تى جيت 120 حصان
 

انا بتعامل دائما مع التوكيل حاليا,
دى بعض اسعار قطع الغيار التى اعرفها لكن تعطيك فكرة عن معدل اسعار قطع الغيار:
فلتر هواء او زيت : حوالى 100 جنيه.
فانوس امامى : 1500 جنيه
اكصدام امامى : 2000 جنيه.

رد: اختبار الفيات برافو تى جيت 120 حصان
 

معلش يا فادى

هل قطع غيارها متوفرة خارج التوكيل
يعنى فى استعمال خارج مثلا
وقطع غيار الميكانيكا بتاعتها عامله ازاى ؟؟؟؟