رد: عايز ابطل سجائر . اعمل ايه؟؟؟؟
 

تنوي نية صادقة لله
وخلي عندك عزيمة
ومتقعدش مع حد بيدخن

رد: عايز ابطل سجائر . اعمل ايه؟؟؟؟
 

اسمع شريط شعبان كتير (هبطل السجاير) :w6w2005041122053268

رد: عايز ابطل سجائر . اعمل ايه؟؟؟؟
 

لحظة من فضلك استوقفنى بشىء من الاستغراب جملة ( الحمد لله الذى عافانا من العفانه) سمعتها فين دى يا اخى ...؟؟؟؟؟ اعتقد انه لا يجوز او على الاقل ليس من الادب مع الله الدعاء بمثل هذه المسمات والالفاظ حتى لو حضرتك اخدت بالك من دعاء قضاء الحاجه (ده غير الخروج من الخلاء) الحمد لله الذى اذهب ما بى من اذى
يعنى بالقياس كده ما ينفعش نستخدم الفاظ سيئة فى جمله تحتوى على لفظ الجلاله وخصوصا لو كان دعاء
انا عارف ان القافية بتحكم عافانا و عفانه لكن برضه الادب فى الدعاء مطلوب على الاقل عشان يكون مقبول ان شاء الله
واؤيد فى نقطة التوكل على الله بس برضه التوكل بمعناه الحقيقى واللى يجيب نتيجه مش سهل خالص
لييييييييييييييه حضرتك بتقول كده.....؟؟؟؟؟ انا عارف ان بعض حالات الاقلاع عن التدخين بيبقى فيها مشاكل نتيجة التوقف المفاجىء او التدريجى مش عارف بالظبط لكن ممكن حضرتك تقولنا لييييييييييييييه؟؟؟؟
اولا صعب على مدخن السجاير التخلى عنها مقابل شيشة فواكة لانك كده بتقارن بين شىء تأثيرة قوى (السجاير) وشىء اخر تأثيره ضعيف ده بالنسبة للنيكوتين والمزاج والحاجات اللى بتخلى الواحد يدمن التدخين عموما الشيشة فعلا يسهل الاقلاع عنها لكنها برضه مضرة ويمكن اكتر من السجاير فا ما عتقدش اننا نحل المشكله بمشكلة
مش هاتبقى ادمان للدرجه بالمعنى المفهوم انت بس هاتتمسك بالشيشة لانك اعتبرتها بديل للسجاير
من الواضح كده انك توقفت عن التدخين اول يوم رمضان صح؟؟؟؟؟؟
والله رمضان ده فرصه بس الشاطر اللى زيك هوه اللى يستغلها
للأسف ماعرفتش استغل الفرصة دى
ربنا يثبتك وتكمل لغاية بعد رمضان ودايما ان شاء تكون مقلع عن التدخين:waving:

رد: عايز ابطل سجائر . اعمل ايه؟؟؟؟
 

بسم الله الرحمن الرحيم

انا كنت من المدخنين بشراهه ، الحمد لله انا دلوقتي بقالي 15 شهر لاني بطلت السجاير من 24/5/2010
الموضوع بسيط جدا يا جماعه وموضوع النيكوتين والادمان دا كلام فاضي انت مش بتشم هيروين يعني
التدخين ما هو الا عاده ، حاجه اتعودت تعملها في وقت معين في مكان معين.
وعشان تبطل ماينفعش موضوع انا بدال ما اشرب علبتين نخليها علبه وبعد العلبه 10 سجاير لانك في خلال الفتره دي هتقابلك مشكله مثلا تلاقي نفسك شربت 3 علب وهتلاقي نفسك بتلف وتدور مع ان الهدف واضح
عايز تبطل سجاير يبقي فورا وبلاش تضحك علي نفسك
انت ممكن تجرب حاجه واحده تثبتلك ان السجاير دي ما هي الا عاده
كلنا بنموت ونشرب سيجاره مع الشاي ، جرب انك تشرب الشاي من غير السيجاره
اول مره هتلاقي الموضوع صعب ،تاني مره الاحساس بيكون ااقل ، تالت مره هيقل اكتر وهكذا لحد ما تتعود تشرب الشاي من غير سجاير
انا شخصيا كنت كدا لدرجه اني لما اتخلصت من كل المواقف اللي كنت باعملها وانا باشرب السيجاره واتعودت عليها من غير سيجاره ما فضلش غير موقف واحد وهو وانا مسافر متعود اسافر بالقطر قبل ما اشتري العربيه " وطبعا لازم طول وقت السفر ااقف بين العربات واحرق في السجاير" ووقتها كنت مبطل السجاير بقاللي 5 شهور تقريبا واول ما ركبت القطر لقيت نفسي عايز اشرب سجاير ومش قادر ااقعد علي الكرسي طبعا طردت الاحساس دا في لحظتها وبعد كدا سافرت مرة واتنين وتلاته والاحساس دا ما رجعش ليا تاني
الحمد لله رب العالمين الذي عافاني
ثم انا كنت باشرب من علبتين ل تلاته يوميا والعلبه في وقتها كانت ب 8.5 تقريبا ، يعني المتوسط 20 جنيه يوميا يبقي 600 جنيه في الشهر
انا فكرت 600 جنيه في الشهر ممكن يعملولي كتير دول تقريبا نص قسط عربيه زيرو ، او لو ضفتهم علي ايجار شقتي مثلا اتأجرشقه في مكان ارقي وافضل.

انا اتخذت قرار اني ابطل سجاير في اسبوع ابني زياد وفكرت بعقلي ايه ذنب طفل زي كدا يتعرض لدخان سجاير مسمم ، ولما يكبر ويشرب هو كمان لانه شايف ابوة بيشرب قدامه والسجاير دي اول الطريق

اول طريق انك ممكن تبدأ تفكر في المخدرات زي البانجو والحشيش ، لكن اللي مش بيدخن عمره ما هيفكر في حاجه زي دي ابدا

نسيت ااقولك انك ممكن تشتري هولز بالنعناع مثلا وكل ما تحس انك عايز تشرب سيجاره خد واحده واشتري لب وقزقز

الموضوع محتاج بس عزيمه واصرار وانك دايما تفكر بانك انت غلط وان اللي مش بيدخن احسن منك لانه بيحافظ علي صحته ويحافظ علي فلوسه ويحافظ علي دينه برضه

والله العظيم لما كنت باشرب سجايرما كنت باحس في خشوع في الصلاه اصلا وكنت باحس ان باعمل حاجه حرام

اخيرا ربنا يعافي كل مدخن وكل مبتلي مسلم

رد: عايز ابطل سجائر . اعمل ايه؟؟؟؟