مصر موتورز مجتمع السيارات - البلد رايحة على فين؟؟؟ حد عنده اجابة؟

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - البلد رايحة على فين؟؟؟ حد عنده اجابة؟ (https://www.masrmotors.com/vb/showthread.php?t=57684)

رد: البلد رايحة على فين؟؟؟ حد عنده اجابة؟

اقتباس:

المشاركة الأصلية كتبت بواسطة mf86 (المشاركة 440325)

يوم 28 يناير يوم لن تنساه مصر ابدا ولن ينساه اي مصري عاصر هذا اليوم

في هذا اليوم كنت في وحدتي في تمام الساعه 5 مساءا بعد استدعاء عاجل والغاء لجميع الاجازات حيث كانت القاهره علي وشك الانفجار بل وصلت الي ان تكون علي شفا جرف هار من النار ....

لم اكن اتوقع يوما ان اكون في هذا الموقف ..طُلب منا النزول الي الشارع لاداء مهام محدده ... وطُلب من سريتي حماية احدي المنشئات الحيويه بالقاهره ...

عنما نزلت في الشارع وجدت القاهره "كيوم الحشر" الناس كلها في الشوارع
الكل يجري والكل يهتف بل والبعض يهاجمك "بزجاجات المولوتوف " لا تعرف من معك ولا من عليك ... اصبعي علي الزناد وادعو الله ان لا يسفك دم مسلم علي يدي بل وادعوا الله ان يحمي مصر وان لاتصبح عراقا اخري ...

السلب والنهب علي اشده اسمع الصرخات من كل مكان ونداءات الاستغاثه من كل صوب ... لكن مهمتي محدده ويجب ان اقوم بها خير قيام ..

الناس تهتف "الجيش والشعب ايد واحده" و "الشرطه فيين الجيش المصري اهو "...
الناس تعوق وصولي الي مكتني المحدد والغاز الخانق يملئ صدري ويؤلم عيني والوضع مرعب طلقات الرصاص في كل مكان ورائحه الموت تزكم الأنوف وكأنها "ليلة سقوط القاهره" ...

وصلت الي المكان المطلوب مني حمايته وجدت من تبقي هناك من رجال الشرطه يزودون عنه ببساله وشهادة امام الله كل رصاصاتهم في الهواء لم يوجهونها الي صدر احد ... تساءلت في نفسي "لماذا يريد المتظاهرين اقتحام هذا المكان؟" هل هنا مكان الثورة ... هل بهدم واحراق كل مؤسسات الدوله نتخلص من الديكتاتوريه والفقر واليأس ...الخ

اننا هكذا نتخلص من الديكتاتوريه ومعها نتخلص من مصر ايضاً...

اتخذت موقعي وامسكت بمكبر الصوت واخذت انادي واكرر " ان الجيش هنا ليحمي الشعب ليحمي مصر ليحمي مؤسسات الدوله " والمتظاهرون مصرين علي اقتحام المبني " ايها الناس ان هذه المؤسسات هي ملك لمصر وليس ملك لمبارك او الحزب الوطني انها ملك لكم وستعود اليكم فحافظا عليها "

وضعت المدرعات والدبابات امام المبني وقبلها وضعنا المتاريس واخذنا نطلق الرصاص بكثافه في الهواء حتي يتفرق الناس من امامنا ....

وهذا ماتم بحمد الله بدون اراقة دماء او اي اصابات ...

وللحديث بقية

كتبت مشاركتك بطريقة ادبية رائعة حتى ذكرتنى بشاعر الثورة العرابية رب السيف و القلم القائمقام محمود سامى البارودى...ولذا سادعوك رب البندقية و القلم...و تشرفنى معرفتك

رد: البلد رايحة على فين؟؟؟ حد عنده اجابة؟

يعني كلامي صحيح جدا!!! الجيش نزل لحماية المنشأت و ليس حماية الشعب!
مع ان النبي عليه الصلاة و السلام قال" حرمة دم المسلم اشد عند الله من حرمة الكعبة!!!" بما معناه

رد: البلد رايحة على فين؟؟؟ حد عنده اجابة؟

اقتباس:

المشاركة الأصلية كتبت بواسطة mmffor (المشاركة 440526)

مع كامل احترامى لكلام حضرتك ده لىّ لعنق الحقيقة و مش معنى ان الجيش يحمى مكتسبات الشعب يبقى معنى كدة انه يهدر دمهم ..واحنا مكناش فى كوكب تانى مهما كانوا واقفين بيننا و معانا بيحمونا احنا قبل اى شيئ...!!!...

رد: البلد رايحة على فين؟؟؟ حد عنده اجابة؟

انا لست ضد الجيش
انا ضد القرارات الخاطئة و كان اخطرها موقعة الجمل!!!!!!!!!! و كشف عذرية الناشطات!!
و فض اعتصام كلية الاعلام بالقوة !!!! و فض اعتصام السفارة الاسرائيلية بالقوة

دي قرارات خطأ منقدرش نقول عليها صح
و الباقي من الجيش ان شاء الله انا اؤيده
كون اني اعترض على فعل خطأ مش معناه ان الجيش كله خطأ او انا ضده!!
انا سؤالي واضح - ايه اللي حيحصل يوم الجمعة؟
و لو الجمعة عدت على خير - هل الشرطة ستظل تمارس سخافاتها و حقاراتها مع سلبية من الجيش؟ و اللا الداخلية و عربجيتها حيلموا الدور؟ او الجيش حيضغط عليهم يتلموا شوية؟

رد: البلد رايحة على فين؟؟؟ حد عنده اجابة؟

السؤال اللي محتاج اجافة عاجلة هل قوات الشرطة اقوى من قوات الجيش هلى ميليشيات امن الدولة وسلاح البرشام(سلاح انشئه العادلي من البلطجية قادته ظباط امن الدولة) اقوى من الجيش المصري فمثلا مش عايز يدخل معاهم في مواجهات تضعفه وتهدد الامن وتدي فرصة للتدخل الخارجي ...ده السبب الوحيد اللي اقدر اقبله على سلبية الجيش وتباطؤه

لكن برده ياجماعة الجيش المصري هو اقوى جيوش العالم واعظمها واشرف جندي في العالم هو الجندي المصري

انا نازل يوم الجمعة مش عشان اواجه الجيش رغم سلبيته انا نازل اطالب بحل جهاز الشرطة وتعيين شباب الثورة لحفظ الامن قصدي شباب مصر لان شباب مصر كلهم شباب الثورة بغض النظر عن انه نزل امتى او منزلش خالص او موقفش في التحرير