المشاركة الأصلية كتبت بواسطة abou_mariam (المشاركة 423471)

الحقونا يا متلحقوناش احتمال بعد هذا التوبك أروح أرمى نفسى من البلكونة الى كل اصحاب اللوجان اللى زعلوا منى لما قلت علبة الدركسيون ب 7700 خدوا الاسعار دى من موضوع (للأسف اللوجان أتخبطت جامد ) فى ***** Motors الله يصبر صاحبها و يرحمنا من الماركة دى انا دخلت المصيدة ادعولى اخرج منها و ابيع سيارتى باى ثمن انا مش قد الرينو



الموضوع الاصلى
أستلمت أنهاردة المقايسة من التوكيل وبها الاتى:

1- أكصدام خلفى 1500
2- (2) قاعدة أكصدام خلفى 350
3- رفرف خلفى يمين 1175
4- ظهر خلفى 1700
5- فجوة فانوس خلفى يمين 750
6- حلية شنطة خلفية نيكل 610
7- فانوس خلفى يمين 250
8- مفصلة شنطة خلفية (بدون سعر)
9- شنطة خلفية 1721
10- كرتيرة رفرف خلفى يمين 350
11- فردة كاوتش خلفى يمين 450
12- جنط خلفى يمين وأمامى شمال (2) 350
13- طاسة عجل أمامى شمال 100
14- كشاف أمامى شمال 445
15- كفر فوج لايت يمين 250
16- طبة أكصدام أمامى 175
17- كمرة صدر أمامى 730
18- عاكس أكصدام خلفى 50
19- سربنتينة تكييف 3475
20- رادياتير 1662
21- مروحة رادياتير 1850
22- مساعد أمامى شمال 370
23- مقص أمامى شمال 550
24- طبق مساعد أمامى شمال 930
25- (حاجة مش عارف أقراها) تيل خلفى (بعد الزوايا) 5500

المصنعيات:

26- أعمال فحص ما يلزم + ضبط شنطة والطقم الخلفى ورفرف أمامى وخلفى شمال 1750
27- أعمال دهان الطقم الخلفى + رفرف أمامى شمال + الاكصدامات 3000
28- أعمال كهرباء 350
29- أعمال (حاجة مش عارف أقراها) 300
30- أعمال فك وتركيب الاكصدامات 300
31- أعمال فك وتركيب بربريز خلفى 275
32- أعمال شحن فريون + فك وتركيب سربنتينة 750
33- أعمال ميكانيكا 1000
34- أعمال زوايا 150

الأجمالى 34468 جنية مصرى. وهو مايعادل أكثر من نصف ثمن العربية.

المشاركة الأصلية كتبت بواسطة Devill Blood (المشاركة 425735)

أى شغل *****ده 34 ألف جنية ليييه كده دى أغلى من اللانسر , مش فاهم ليكون اللوجان إفتكرت نفسها رينوا بجد ولا حاجة

المشاركة الأصلية كتبت بواسطة akerima (المشاركة 425076)

احب ارد علي الاستاذ ابو مريم اولا - ياسيدي الفاضل انا صاحب الموضوع بتاع الكلبسات واساس الموضوع اني كنت بشكر في التوكيل والعربية وانا غيرت كلبسات الباب ببلاش وكانت المعاملة في منتهي الزوق والاحترام - ثانيا انا معاك يا Mr.NoLoVe بشدة احنا لية دايما بنقارن العربية وقطع غيارها بالكوري والصيني واللي مالوش ملة احنا راكبين اوربي بسعر رخيص فية كل مواصفات الاوربي من اعتمادية وغيرة + الغلو النسبي لقطع الغيار الفكرة ان لما العربية تنتشر تتوفر قطع غيارها برة التوكيل - لكن التوكيل غالبا مش حيرخص اسعارة - ودا الكلام اللي حضرتك بتحاول توصلة للناس انا عارف ويا جماعة احنا لما بننصح الناس بالعربية دا لانها فعلا حلوة يعني حد يقدر يقول انها عربية وحشة بعيد عن موضوع قطع الغيار اتحدي العربية كلها مميزات وقليل من العيوب لا تذكر ومش جوهرية صح ولا اية؟؟؟؟ - لكن بجد انا ملاحظ ان اليومين دول الناس داخلة تزم في العربية وخلاص حتي لو كانت مشفتهاش قبل كده والمثال ان فية واحد محترم دخل علي موضوع للاسف مش فاكرة قالك ان عيب العربية انها مدمجة؟؟ تخيلوا ان تكون العربية المدمجة بقي عيب في العربية مش متخيلها بصراحة - ربنا يسلمنا جميعا من الحوادث بعد كده انا شايف ان العربية ممتازه وربنا يهدي توكيلها ويرخص قطع الغيار