مصر موتورز مجتمع السيارات - للإتصال بشركة جاك الأم

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - للإتصال بشركة جاك الأم (https://www.masrmotors.com/vb/showthread.php?t=51404)

رد: للإتصال بشركة جاك الأم

اقتباس:

المشاركة الأصلية كتبت بواسطة amaboubakr (المشاركة 392950)

كلام حضرتك منطقي وزي الفل بس اسمحلي ارد على حضرتك في ثلاث نقاط:

1- أكيد فيه مندوبين في الشركة هنا في مصر بس طالما ماحدش اشتكى من السعر فهما مالهومش دعوة دش مشكلة الوكيل هما اللي يهمهم ان عربيتهم تتباع ان شالله بمليون جنيه، انما لو حسوا ان مبيعات عربياتهم في خطر فأكيد هايكون ليهم وقفة.

2- حكاية غلاء السيارة بسبب رفع الدولار غير صحيح بدليل اسعار سيارات تانية كتير ومستوردة زي ماهي ولم يتغير، واللي رفعوا الاسعار فعلا نتيجة العرض والطلب يعني جشع.

3- حكاية الموضوع انتشر هنا في منتدى الجاك لأننا خلاص فوقنا من النووووم اللي كنا فيه قبل كده وزي ما ثورتنا قامت بسبب مجموعة صغيرة من الشباب فنفس الحكاية الثورة على الوكلاء بدأت هنا من منتدى الجاك ، واحنا مش ذنبنا ان باقي منتديات السيارت مافيش فيها حد بيتكلم ولعلم حضرتك انا دخلت في جميع توبيكات الصيني وعملت الحملة وفيه ناس استجابت وفيه ناس اتفرجت، وطبعا السبب الاخير اننا حابين نشتري العربية دي بس مش بالسعر المبالغ فيه ده وحضراتكم عارفين ان سعرها اقل من كده بكتيييييييييييييييييييييي ييييير.

ولك مني كل تحية.

الله عليك يا ابو بكر رأي سليم و منطقي تماما و على فكرة حتى السيارات اللي لم يتغير سعرها برضه غالية لأن 99.99% من تجار و مستوردي و مجمعي و موزعي و مقسطي السيارات في مصر حرامية و قريبا سوف تلتفت الثورة لهم بعد أن تنتهي من الحرامية الكبار
أنا سعيد جدا بصفحة الجاك نظرا لما يتميز به جميع الأعضاء من ايجابية و حب و رغم أن البعض له اراء مخالفة لرأيي لكن الحقيقة أنني أحترمهم جدا و الخلاف في الرأي لا يفسد للود قضية
أحبكم جميعا و نفسي أشوفكم كلكم و أدعو الله أن يهدينا جميعا الى إصلاح الحال و الخير لنا جميعا
و اسف لأنني لم أرد على ردودكم الجميلة الراقية نظرا لظروف عملي

رد: للإتصال بشركة جاك الأم

اقتباس:

المشاركة الأصلية كتبت بواسطة د.كمال (المشاركة 393072)

اشكرك يااستاذ ايمن
انا قلت الاستاذ ايمن مادام المحاكم قافله اليومين دول مش هنسمع صوته الا لما تفتح لمحاكم .
تحياتى ليك ولأسرتك الكريمه

والله يادكتور كمال,المحاكم قافله ولافتحه ده شىء عمره ميبعدنى عن الصحبه الجميلة فاالعلاقات الأنسانية الصادقة لاتقدر بثمن--ادام الله صلات الحب والمودة والأخوة بينى وبينك وبين الجميع-تحياتى لك وللعائلة الكريمة وأهل العريش الكرام.

رد: للإتصال بشركة جاك الأم

هل تعتقدوا لو شكيت انا كمان هنا على الوكيل السوري
ممكن يطلع بايدي ؟
و كمان مش بس علشان السعر كمان من عدم توفر قطع الغيار .

رد: للإتصال بشركة جاك الأم

اقتباس:

المشاركة الأصلية كتبت بواسطة alhossam1977 (المشاركة 395068)

لو الشركة المصنعة شركة محترمة لازم تخاف على سمعتها من الوكيل اذا كان ممكن يضرها وانا اعتقد ان شركة جاك من الشركات المحترمة ، فلو الشركة وجدت عدة شكاوي من الوكيل اكيد هايكون ليها شأن معاه

رد: للإتصال بشركة جاك الأم

اولا بشكر كل عضو من اسره الجاك وكل عضو من مصر موتورز ...وبالاخص استاذ سيف....استاذ احمد ابو بكر...استاذ ايمن ميمو....استاذ ايمن المحامى....وكل من شارك....ليا تعديل بسيط العنوان اللى كاتبه استاذ ايمن ميمو...ده للشرق الاوسط.....اما عنوان الشكاوى لافريقيا.....لان مصر تبع افريقيا وليس الشرق الاوسط .....
Contact: Stacy Ding
Tel: 086-551-2296285
Fax: 086-551-2296959
Email: stacyding79@yahoo.com.cn
ايضا قام هورس موتورز باستيراد 100 سياره جاك وهم فى المنطقه الحره منظرين الافراج الجمركى .....ايضا قام وكيل رينو باستيراد حوالى 376 سياره لوجان......وهما فى ميناء الاسكندريه منتظرين الافراج .....وايضا يوجد دفعه من سيارات كيا قادمه فى الطريق......ارجوا نشر هذه المعلومات وتعريف الناس بالمقاطعه.......واسف لدخولى المتقطع