|
رد: هل تفوق الكوري على الياباني من حيث الشكل؟
5 مرفق
مشكور علي متابعة الموضوع في عربيات أول مره أشوفها جايبلك حتتين كوري عالماشي ملف مرفق 8524 ملف مرفق 8525 ملف مرفق 8526 ملف مرفق 8527 ملف مرفق 8528 |
رد: هل تفوق الكوري على الياباني من حيث الشكل؟
5 مرفق
|
رد: هل تفوق الكوري على الياباني من حيث الشكل؟
تسلم ايدك يا باشا الياباني عربيات محترمه جدا وكفايه ارتفاع نسبة مبيعاتها من جميع انواعها وبالاخص بالنسبه للسوق المصري التويوتا و اللانسر هما اكتر عربيات مبيعا في مصر وبعدين معروف عن الياباني انه عربيات معمره وبتتحمل وسوقها ماشي واعطالها قليله لكن الكوري اعتقد انه بيعتمد علي الاوبشن اكتر من الامكانيات الاساسيه بخلاف كده لو لاحظت من خلال موقع كونكت كار قسم السيارات المستعمله شوف كام عربيه موديل 2010 بتتباع مستعمل اعتقد ده ليه معني
|
رد: هل تفوق الكوري على الياباني من حيث الشكل؟
اقتباس:
بس الايطالي مش تصميمات سابقه و لا حاجه الالفا 8 سي و الجران توريزمو كانو في قائمه اجمل السيارات ل 2008 و 2009 لدرجه ان ال 8 سي كانت في القائمه سنتين ورا بعض وكار اند درايفر وضعتها على رأس القائمه سنه 2009 قبل الاوستن مارتن DBS وكانت الجران توريزمو التالته وجه بعدهم بقى الاودي R8 والمرسيدس CLS والبورش كايمان وكل اللي قلبك يحبه دا غير ان في نقطه مهمه ... الاودي الماني لكن تتبع فولكس جروب اللي يترأس قسم التصميم فيها والتر دا سيلفا الايطالي (مسئول عن مجموعه فولكس كلها - يعني فولكس و اودي و سكودا و سيات وحتى لامبورجيني و بوجاتي :) ) والرجل دا اساسا قبل ما ينتقل لفولكس كان مسئول عن تصميمات الفا روميو اللي فولكس حتتجن و تشتريها من فيات بس ده لا يمنع ان رغم براعه الطلاينه في التصميم مازالت الغلبه للهندسه و التقنيه الالمانيه برغم السبق الايطالي في بعض النواحي الميكانيكيه عموما علشان منبعدش عن موضوع زميلنا العزيز MMffor وبرغم ان في عربيات ياباني مقتبسه من عربيات ايطالي زي الشارك مثلا اللي تحسها نسخه محدثه من الفاروميو 159 لكن خلينا نتكلم عن الياباني و الكوري بس مبدئيا الكوري عباره عن كيا هيونداي بس في حين الياباني تويوتا و دي لوحدها كيان جبار وبتعمل كم موديلات تتفوق بيه على شركات كبيره و كتيره وده طبيعي علشان تقدر تنافس او تتفوق على مجموعه جنرال موتورز في المبيعات دا غير هوندا - اكيورا و سوبارو و ميتسوبيشي و نيسان - انفينيتي وسوزوكي و دايهاتسو .... فطبعا الكم الياباني وهمي مقابل حنقول كام عربيه كوري ... 20 - 30 بالكتير اوي الكوري مبتداش يهتم بالشكل غير من فتره قريبه مع استقدام كيا لبيتر شراير و اتجاه الاي فلو لهيونداي .. بيتر شراير طبق مفاهيمه اللي كان بيستخدمها مع اودي وتحس ان خطوط كيا قريبه من خطوط اودي المحافظه خصوصا الخطوط الجانبيه و بالاخص الخلفيه و الفوانيس اما هيونداي فهي بتحاول ترسم لنفسها شخصيه في تصميماتها بالاتجاه الجديد علشان كده حتلاقي تشايه كبير بين موديلاتها ودا مش عيب لو بيحافظو على التناسق و النسب و المفاهيم الجماليه ... بس هي لسه موصلتش وان كانت على الطريق الصحيح على الاقل بتتبع النهج الاوروبي ان يكون ليها شخصيه واضحه في موديلاتها يعني لما تشوف اي عربيه من عربياتها تعرف انها للشركه حتى لو كان اول مره تشوف الموديل زي مرسيدس او بي ام او فولفو او اودي ... مشكله الياباني بالنسبه لي ان مفيش اي شخصيه في التصميم يعني تلاقي كل موديل مع نفسه و يوم ما يكون تشابه تحسهم جابو الموديل الكبير ولبسوه على الصغير او الاقدم وعملو فيس ليفت و يقولك موديل جديد !! غير ان مفيش اي خطوط تعبر عن الشخصيه ... يعني هات الكورولا مثلا ... كل موديل جديد مع نفسه خالص ... مفيش مره جه موديل مرتبط تصميميا باللي قبله .. دا غير ان عندهم عيب تصميمي غبي جدا يوم ما يصمموا عربيه حلوه ميعرفوش يصمموا الموديل اللي بعده فيطلعوه وحش وملوش علاقه باللي قبليه !!! قارن مثلا الانسر كريستاله (حلوه ) وبعدها المكواه و الفيس ليفت البومه ( حتى لو مش وحشه لكن برضو الكريستاله احلا ) وبعدين الشارك !! هوندا سيفيك الجيل الخامس (92) جميله .. و بعدين فقر تصميمي للجيل السادس و السابع مش عارف حتى ايه الفرق بينهم لحد ما ظهر الجيل الحالي ... وشكلهم حيعكوا تاني في 2012 انا بتكلم عن تطور التصميم مش بتكلم عن العربيه السيفيك طبعا عربيه تحفه في فئتها في النهايه اليابان زي ما بيعملو عربيات حلوه بيعملو عربيات وحشه و عربيات ملهاش طعم الكوري كانت عربياته مش اد كده .. لكن ابتدا طفره تصميميه خصوصا كيا وهيونداي بتحاول لو فضل الياباني و الكوري على نفس النهج .. حيكون التفوق اتصميمي للكوري رغم التفوق العددي للياباني بس خلاص :) |
رد: هل تفوق الكوري على الياباني من حيث الشكل؟
اقتباس:
أستااااااااااااذ بتعجبني دماغك وتستاهل لوجو "الأفضل علطول" |
| الساعة الآن 08:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017