مصر موتورز مجتمع السيارات - أخيرا وبعد طول انتظار سوقت الجاك

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - أخيرا وبعد طول انتظار سوقت الجاك (https://www.masrmotors.com/vb/showthread.php?t=44154)

رد: أخيرا وبعد طول انتظار سوقت الجاك

اقتباس:

المشاركة الأصلية كتبت بواسطة د.كمال (المشاركة 324271)

اشكرك يا دكتور محمد على ثناءك عليا وانا مستاهلش كل ده ودا واجب عليا مع انسان حبوب مثلك .....وايه التقرير الحلو ده ....دا محدش فينا كتب تقرير حلو ذى ده عن الجاك .....على العموم أنا أعتز بمعرفتك وان شاء الله هخليك تشبع من السندريلا ..واللى سماها سندريلا انسان كلنا بنعتز بيه هو الاستاذ تيمو وهى سندريلا فى جمالها لكن نظرتها من الامام هجوميه ذى الكوبرا ....تحياتى ليك والى لقاء

===================
ههههههههههه
كل الناس هنا فى المنتدى احترموا العربية من كلام د . كمال عليها :Bravo:
بجد شخصية محترمة وصادق فى معلوماتة

رد: أخيرا وبعد طول انتظار سوقت الجاك

اقتباس:

المشاركة الأصلية كتبت بواسطة سيف الدين سعيد (المشاركة 324506)

أولا أحب اتقدم بالشكر للدكاتره الأعزاء بتوعنا دول اللى الواحد بيعتز جدا بيهم الدكتور محمد على تقريره الممتع واللى ما اغفلش فيه اى تفصيله من العربيه الا المعلوملت المتخصصه فقط . وله منا جميعا كل الحب والإحترام . مع دعاؤنا له بالتوفيق فى شراء ما يشاء ان شاء الله قريبا ....
وكمان باشكر الدكتور الحبيب والأخ العزيز والصديق الصدوق الدكتور كمال أخى الأكبر سنا ومقاما طبعا . على انه بيعتبر فارس من فرسان قسم الجاك . وكنت اتمنى انى احضر مقابلتكم وأحظى بشرف التعرف اليكم وقضاء وقت ممتع معكم . انما بإذن الله تتعوض قريبا .
كمان أحب اقول انه . اسم الكوبرا اسم ظريف للـ B 15 ولو انه غير متناسب مع شكل مقدمتها كليا . بس عيونها توحى بالإسم دا . ودا أول اسم يطلق عليها . وياريت اللى عنده اقتراح باسم يتناسب معاها يتقدم بيه فى موضوع الإستفتاء على اسم لها .

انا شايف ان احلي اسم ليها (صقر) لانها انقضاضيه مثل الصقر ومقدمتها زي وجه الصقر وارجوا من جميع ملاكها ان يوافونا بكل اخبار التوكيل لاني نفسي اجيبها جدا وخايف من قطع الغيار وشكرا لهذا الصقر

رد: أخيرا وبعد طول انتظار سوقت الجاك

اقتباس:

المشاركة الأصلية كتبت بواسطة hanylord (المشاركة 774750)

العربيه ممتازه بمعنى الكلمه حيث تتسم بالقوه والرحابه والكفاءه وقوة التحمل وده عن تجربه . اما بالنسبه لقطع الغيار فهى بالنسبه للميكانيكا فانها تكون ميتسوبيشى لانسر .اما الإكسسوارت الخارجيه فمتوفره فى التوكيلات ومراكز الخدمه . واسعارها بالنسبه للسوق فانها تعتبر فى المتوسط المعقول .وربنا يوفقك ان شاء الله .

رد: أخيرا وبعد طول انتظار سوقت الجاك

هنسى عداوتى للوكيل دلوقت . وهدخل معاكو فى اختيار اسم للجاك لانى بحبها .
ومع احترامى الشديد لاختيار اسم صقر . الا انى ارى انه غير مناسب , لان الاسماء العربيه مبتليقشى الا على العربيات المنتشره زى المرسيدس (خنزيره . تمساحه . شبح . زلمكه )وعربيات النقل( شفرليه الصاروخ ومازدا فراشه.... والدبابه ....) . وبعدين اسم الصقر مستخدم على وسع فى الآليات العسكريه فانا شايف انه ميلقشى على جميله الجميلات فيرجينيا, وهو دا الاسم اللى انا مختاره للبى كلاس .
تخيلوا اسم جاك فيرجينيا . جميل من وجهه نظرى . الاسم ده لو تداول على السنه مالكى السياره هينتشر ويضيف لها جمال على جمالها . وياسلام لو الوكيل قدر يعمله على شنطه السياره زى ما بعض الموزعين بيكتبو اسماؤهم التجاريه على السيارات . اتمنى كل التوفيق لمالكى السياره والتقدم لوكيلها . تحياتى .

رد: أخيرا وبعد طول انتظار سوقت الجاك

اقتباس:

المشاركة الأصلية كتبت بواسطة mms (المشاركة 783632)

اية هنحن للجاك تاني ولا اية
والايمجراند هتسميها اية