|
رد: سواقين مستفزين (شوية فضفضة)
و كمان الشباب اللى بيشغل نور الفوجات داخل المدينة بدون ما يكون فى شبورة او غيره
منظره و جهل بالشىء |
رد: سواقين مستفزين (شوية فضفضة)
أفضض معاكم شوية عن السواقين المستفزين بس المرة دى سواقين جوه البلد:
1- ده واحد راكن عربيته عند ملف فين بقى بالظبط امام الفتحة فى المقابل يعنى حضرتك بتلف وواخد الملف على الضيق كمان وتلاقى العربية البلوة دى واقفة فى الملف علشان تقف وبعدين تدى ماشيدير وتجيب الدركسيون كله يمين وترجع مترين وتقف وبعدين تجيبه كله شمال وتعدى بعد ما تكون وقفت الطريق اللى جاى واللى رايح وكل ده ليه علشان الاستاذ المستفز اللى راكن مستخسر يطلع قدام الملف كام متر اللى يغيظك اكتر انه ساعات يبقى راكن الركنة المستفزة دى وقاعد جوه العربية وشايفك وانت بتلف وميهنش عليه يطلع بالعربية قدام شوية 2- ده واحد ماشى فى الحارة الشمال ومدى اشارة شمال انه هيلف وحضرتك ماشى وراه ومدى اشارة شمال برضه انك هتلف تمام كده , اللى مش تمام ان الاستاذ اللى ماشى قدامك رغم ان الملف وااااااسع وفاضى الا انه مش عارف ياخده مرة واحدة رغم انه عنده دركسيون باور والعربية صغيرة يعنى ملفها مش كبيير يقوم يقف ويوقفك وراه لحد ما يعرف يطلع من الملف 3- دول بقى سواقين التاكسى اللى واخدين الشارع بالعرض يعنى الاستاذ المستفز سواق التاكسى ماشى فى الحارة الشمال وانت ماشى وراه فى اليمين يقوم يقطع الطريق بالعرض وفجأة بدون اى مقدمات وساعات من غير ما يعطى اشارة يمين ليه بقى علشان فيه زبون شاور لسيادته 4 - دول بقى سواقين التوك توك ودول اعزكم الله فيهم كل العبر والعظات يعنى بيعملوا اى حاجة وكل حاجة ممكن حضرتك تتخيلها او لا تتخيلها والمثل البلدى بيقول الواحد ميعرفش حنان امه الا لما يشوف مرات ابوه يعنى اللى بيشتكى من الزحمة فى القاهرة والاشارة اللى بيقف فيها ربع ساعة وطهقان من السواقه جوه البلد ييجى يشوف التوك توك عندنا هنا فى الأقاليم يا ساتر يا ساتر ايه ده اسوأ فئة من السواقين ممكن تشوفها الشىء الغريب ان كل سواقين التوك توك تحس انهم كلهم متخرجين من مدرسة قيادة واحدة |
رد: سواقين مستفزين (شوية فضفضة)
3- دول بقى سواقين التاكسى اللى واخدين الشارع بالعرض يعنى الاستاذ المستفز سواق التاكسى ماشى فى الحارة الشمال وانت ماشى وراه فى اليمين يقوم يقطع الطريق بالعرض وفجأة بدون اى مقدمات وساعات من غير ما يعطى اشارة يمين ليه بقى علشان فيه زبون شاور لسيادته 4 - دول بقى سواقين التوك توك ودول اعزكم الله فيهم كل العبر والعظات يعنى بيعملوا اى حاجة وكل حاجة ممكن حضرتك تتخيلها او لا تتخيلها والمثل البلدى بيقول الواحد ميعرفش حنان امه الا لما يشوف مرات ابوه يعنى اللى بيشتكى من الزحمة فى القاهرة والاشارة اللى بيقف فيها ربع ساعة وطهقان من السواقه جوه البلد ييجى يشوف التوك توك عندنا هنا فى الأقاليم يا ساتر يا ساتر ايه ده اسوأ فئة من السواقين ممكن تشوفها الشىء الغريب ان كل سواقين التوك توك تحس انهم كلهم متخرجين من مدرسة قيادة واحدة + بقى سائقى الميكروباص ده بقى ممكن يقفل شارع كامل تلاقى واحد واقف وواخد وره وشويه تلاقى واحد واقف جنب الاولانى ويجى واحد تانى يخرج من اللى واقف ورا الاولانى يلاقى واحد واقف حنبه يقوم واقف هوا بقى بالعرض واكن الشارع بتاع اللى خلفوهم وطول ما هما ماشين الاشرات الى ورا دى منظر بس يلاقى جزء فاضى فى الطريق يكسر على مره وحده وملوش دعوه بيكسر على حد ولا لاء ولما تكلمه يغلطك التحفه بقى انا ماشى فى شارع عمومى وهادى جنب الرصيف لانى داخل اول شارع يمين وفاتح اشاره وخلاص داخل بقى الشارع الافى اللى جالى من جنبى اليمين وعاوز يعدى (فيسبا) ووطبعا كان جزء من العربيه دخل وهوا مش عاوز يقف فطبعا اتخبط فى الاكصدام وبعدها وقف والكوميديا بقى زوجته اللهم صلى على النبى منتقبه وخد عندك بقى شتيمه بالام وسب الدين وعلشان تدارى على خطاء زوجها وكيس الجوافه متفرج انا جان جنبى ولدى انا عاوز رئيكم بقى فى ده |
رد: سواقين مستفزين (شوية فضفضة)
اقتباس:
يبقا مصر الدولة الوحيدة اللى المفروض تبص فى المراية اليمين حتى لو انت واخد الحارة اليمين (what) انا اكتر حاجة بتخنقنى بجد اللى طالع من شارع فرعى وهيعدى على شارع عمومى عشان يدخل شارع فرعى زى الصليب كده ولا يبص ولا يستنى بيخش وخلاص وخصوصا الفزب ولا التييت |
رد: سواقين مستفزين (شوية فضفضة)
اقتباس:
وسواقين الميكروباص فئتين : فئة ميركوباص السرفيس داخل البلد فئة ميكروباص الأجرة بين المحافظات ودول أرحم كتييييييييير من اللى الفئة السابقة |
| الساعة الآن 07:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017