مصر موتورز مجتمع السيارات - صاحبى قرر يشترى جاك بى 15 ممكن مساعدة؟

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - صاحبى قرر يشترى جاك بى 15 ممكن مساعدة؟ (https://www.masrmotors.com/vb/showthread.php?t=41515)

رد: صاحبى قرر يشترى جاك بى 15 ممكن مساعدة؟

اقتباس:

المشاركة الأصلية كتبت بواسطة otefa (المشاركة 309211)

ممكن أعرف يعني أيه سعر ترويجي!
يعني ناس أشترتها فعليا بالسعر ده مش كدة ولا ليها معني تاني!

عرض ترويجى يعنى اول دفعه نزلت كان معمول لها تخفيض دعائى وتانى دفعه كان فى معرض اتوماك اخبار اليوم فى شهر 6 وكانت الجاك معروضه ب 70 الف وناس كتير اشترتها خلال تلك الفتره والناس نصحونا بان العرض ده خلال فتره المعرض فقط وبعد كده سعرها هيزيد وفعلا بعد المعرض ذادت 4 الاف وفى شهر 9 نزلت ضريبه على السيارات المستورده على موديلات 2011بنسبه 9 %وبالتالى سعر السياره ذاد تانى واصبح 78 الف وهذا ليس مقصورا على الجاك فقط ولكن الزياده على كل السيارات المستورده وهذا ما نلاحظه الان ان كل العربيات المستورده موديلات 2011 اسعارها ذادت

رد: صاحبى قرر يشترى جاك بى 15 ممكن مساعدة؟

انا فعلا كنت مالك لسيارة صيني سببتلي خسارة فادحة و تعب و تضييع وقت !!!! و لو عايز اوريك الاوراق اللي تثبت كوني مالك سابق لسيارة صيني قابلني! انا لما كنت شغال في الامارات من 3 سنين السيارات الصيني كانت ابتدت تدخل على استحياء في مجال النقل الخفيف (ربع نقل) و اذكر سيارتين فقط جريتوول و جاك! و الشركة عندنا كان فيها جاك بيك اب و فعلا العربيه في خلال سنة كان اللون الخشبي في التابلوه اتمسح و الطاره اتمسح لونها و التكييف باظ و هوايات التكييف بتسقط لتحت (مش ثابته) و اوكرة الباب اتكسرت كذا مرة!!!! و العفشه اتغيرت خلال سنة دا غير انها كان اقصى حموله ليها 750 كيلو و تلاقي العربيه لامسة الارض!!!!! اقصى سرعه ليها كان لا يتجاوز ال 120!!! بأي حال و على طرق الامارات الناعمة السريعة! في المقابل كنت بركب التويوتا الهاي لوكس 2001!!!!! تكييف شغال و سرعات 180 - 185 بثبات عالي جدا و كل اكسسوارها زي الجديد و الحموله لحد طن و نص! انا بتكلم كل ده على الدوبل كابينه للعربيتين! و للعلم الهايلوكس جديد ب 56 الف درهم و الجاك ب 35 الف

رد: صاحبى قرر يشترى جاك بى 15 ممكن مساعدة؟

ارائي نابعة عن تجربة (للصيني بشكل عام كملاكي و الجاك دوبل كابينه كربع نقل ) و معاينة ( و ان كانت محدوده)للجاك بي 15 و زي ما قلت ان الجاك B15 اعتراضي عليها مبالغة سعرها من قبل التوكيل

رد: صاحبى قرر يشترى جاك بى 15 ممكن مساعدة؟

يا جماعة اسمحولى ارد باختصار شديد جدا على الخلافات فى الموضوع ده ......

الاختلاف فى الرأى لا يفسد للود قضية ..

ومش كل موضوع عن عربية صينى هنقعد نتخانق مع بعضنا فيه .. ولا ايه يا رجالة ..

احنا هنا بنساعد وبندعم بعض .. وكلنا اسرة واحدة وهو ده تميز منتدانا عن المنتديات المنافسة ..

وكل واحد من حقه يقول رأيه بحيادية تامة طالما كان فى حدود الادب والزوق ..

واحنا متميزين بالنقــــــــــاش فى المواضيع .. مش زى منتديات تانية اغلب الردود فيها (مشكوووووووووور) .. صح ولا كلامى غلط ..

وتقبلوا جميعا فائق احترامى وتقديرى ............

رد: صاحبى قرر يشترى جاك بى 15 ممكن مساعدة؟

اقتباس:

المشاركة الأصلية كتبت بواسطة otefa (المشاركة 309223)

عندي رأي في النقطة دي أسمحولي أوضحه
ضرورة فصل المواضيع عن بعضها بمعني مش أنا رأي في موضوع أن الصيني وحش علشان كذا وكذا
يبقي أتحط بلاك ليست في أي مشاركة أعملها بخصوص الصيني
زي ما وضح أخونا في الله أن سعر العربية تغير ومتوقع تغيره قريبا
ماهو كان الأسهل سؤاله عن أسباب توقعه بدلا من أفتراض سؤ النية بكلامه
والأختلاف في الأراء لا يفسد للود قضية
والله أعلم........تحياتي

انت نفسك لو سألته عن سبب توقعه ان العربيه هتكون ب 90 الف ذى ما قال هيقولك عشان العربيه صينى والتوكيل جشع وبيستغل الناس ......