|
رد: ما تيجي نفتكر والدي ووالدتك كانو بيقولولنا ايه
:THUMBS~220:
ربنا يخلي كل اب وكل ام لولادهم وبرضة انا امك اسمعي الكلاااااام انا بابا وخايف عليكي طبعا هو كدة كدة الموضوع منتهي بالنسبة لهم بس هم بيحاولو يعني انهم يفهموني ان انا اللي عايزة اللي هم عايزينه ربنا يحفظ اباء وامهات المسلمين جميعا يا رب امين |
رد: ما تيجي نفتكر والدي ووالدتك كانو بيقولولنا ايه
ماما كانت تملها تقولى جملة عاملة زى النغمة والله بترن فى ودنى لغاية النهردة واما بنتجمع انا واخواتى تملى نفتكر الايام دى
كانت تملها تقولى بنغمة كدة " يبنى ذاكر يا حبيبى ذاكر ابوس رجلك عشان تذاكر " وفاكر اما اخويا الكبير دخل الجيش واعد 45 يوم تقريبا كان اكلنا كولة بدون اى لحوم ولا اسماك ولا فراخ ال اية عشان اخوكم ما دقش منة واما كان بيجى اجازة والله فاكر كانت مثلا تشلة حتة بسبوسة عدى عليها يجى شهر مع حتة جاتوة باظت فى التلاجة عشان هو ما دقش منها لغاية اما كرهت جيشة وقلتلها اما نشوف بقى اما ادخل انا الجيش هاتعملى اية لانتى بتحبية اكتر منى وربنا هايحسبك ( كلام بتهريج طبعا) وسبحان الله مدخلتش الجيش بابا بقى كان عنيف اوى وكان تملى يشتمنى بشتمة غريبة اوى والله لغاية النهردة معرفش معناها ولا عمرى سمعتها غير منة وكان تملة بيضربنى بصوابع ايدة على دماغى وكان يوم اسود اما نجت فى ابتدائي وطلعت الاول على محافظة القاهرة وصورتى نزلت فى سلاح التلميذ....ودخلت اولى اعدادى كان كل اما يشوفنى يقولى اةةةةة ليك حق ما تذكرش ما انت اتغريت وانا ولا اتغريت ولا حاجة ولا كنت اعرف يعنى اية غرور اساسا يلة الله يرحمة يا رب العالمين |
رد: ما تيجي نفتكر والدي ووالدتك كانو بيقولولنا ايه
تسلموا يا جماعه ونورتوا الموضوع وانا دلوقتي ماسكنلي نغمة خليك كدا قاعد تحت التكييف وقافل علي نفسك ولا كان ليك اهل هههههههههههههههههههه
|
رد: ما تيجي نفتكر والدي ووالدتك كانو بيقولولنا ايه
الله عليك يا عم كروسير ....
كل الامهات زي بعضها بس نظرااا لاننا انا واخواتي خلاص خلصنا تعليم ففي جمل اتشالت من قاموس الحجه...........ربنا يخليهانا ويديها الصحه وتقول اللي عيزاه... ( خلي عندك دم وروح هات عيال اخواتك من الحضانه هو مصطفي هيلاحق ايه ولا ايه.............حاضر يا ماما .... |
رد: ما تيجي نفتكر والدي ووالدتك كانو بيقولولنا ايه
موضوع جميل وكلام زى الفل .. بس كريم لازم يشوف حل ياكروزير ’’ لازم انت تخبط الكلمه وسط الموضوع .,, عموما فى ناس متابعه ,, وبتحب تتفرج ^_^ ^_^_^
|
| الساعة الآن 07:02 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017