مصر موتورز مجتمع السيارات - لغز جديد من ألغاز أوكتافيا a5 و يا ريت حد يساعدني

اقتباس:

المشاركة الأصلية كتبت بواسطة samirayad (المشاركة 292356)

أما بتوع التوكيل دول

ولاد شحيبر بصحيح

فتيس ب 28 ألف جنيه

متغيرش حاجه ولا تسمع كلام أى ميكانيكى نص كم

ودور على متخصص فتايس أوتو

يراجعلك على فيش خريطة الفتيس

لأن ممكن يكون حصل معاك فقط

فقد فجائى فى الأتصال الكهربى بين فيش سلونيدات الكهرباء إللى على خريطة الفتيس ( الفالف بودى )

أو فيه عيب أتصال كهربى عند وحدة تحكم الفتيس

________________________

على أساس من الوارد جدا يكون الفتيس عندك ميكانيكيا سليم

والعيب

عباره عن لخبطه فى التوزيع الكهربى لأتصال ردىء فجائى

حدث للموصلات الكهربيه

وبرضه

أنصحك بالكشف على زيت الفتيس

لقيت لسه لونه أحمر عادى

وبالذات مع كون سلوكك القيادى عادى

( يعنى مابتحرقش على المكنه ولا من معتادى الكيك داون الكتير )

فلو فعلا

سواقتك عاديه

وزيت الفتيس طلع تمام

يبقى أنا متوقع ده خلل كهربى فى الكهربه الخاصه بالفتيس

وعلاجها سهل

بأذن الله

انا باكد كلام الراجل ده لان حصل معايا عيب شبيه بيه وطلع عيب كهرباء واعدت فيه 4 شهور بس فى بى ام دابليو مش اسكودا .
ان شاء الله عيب كهرباء لان الفيتيس مستحيل يتحرق غير لو انتا اديت غيار غلط او بتشد حاجه بالسياره تقيله ده الى يحرق الاوتوماتيك لكن ميتحرقش الفيتيس وانتا واقف كده مستحيل .
لو لمبه الفيتيس منوره فى التابلوه دى برده مهمه وتاكد كلامى بعد الدواره طبعا مش مع فتح الكنتاك .