رد: محطة بالمعادي تخلط البنزين بالماء!
 

تحذير يا جماعة من محطة بنزين فى شارع الهرم قبل محطة موبيل مباشرة وانت رايح ع الجيزة
قبل نصر الدين .. ومكنها بعد محطة مدكور مباشرة وانت متجة للجيزة وبي تك الهرم .
المحطة مش فاكر اسمها من الصدمة بس عليها علامة هرم اصفر تقريبا شيل ؟ مش فاكر
اللى حصل امس انى دخلت المحطة وملقتش غير سيارتين بس داخل المحطة ! بالنسبة لى شيئ مقلق
المهم قلت لة يفول والتنك كان فية اكتر من النص .. وانشغلت ف حاجة ورحت لعامل المحطة
لقيت لمبة شاشة الجهاز محروقة ومش باين اي ارقام نهائى سألتة عن عدم الاهتمام بالمحطة واللمبة المحروقة
لقيتة بيقولى " اللمبة دى لسة محروقة امبارح " طبعا اسلوب مريب طالما فيها كلمة " امبــارح " دى قمت مقرب منها لقيت عدد اللترات 44 لتر
والمبلغ المطلوب 77 ج " بنزين 90 " والتنك عندى 50 لتر وفية اكتر من نصة يعنى كبيرة قوي 25 لتر والمكنة شغالة زي الصاروخ
قلت لة شيل المسدس دة حالاَ شكرا ليكم ولخدماتكم مكنتش اعرف انكم بالطريقة دى عبال مشلنا المسدس كان وصل 45 لتر والمبلغ 78 و خمسة وسبعون قرشاَ .. قلت لة انتو شوية حرامية
قعد يقولي عيب يا باشا اللى بتقولة دة احنا محترمين قلت لة واضح وباين الاحترام يا شوية حرامية
واتمنى البنزين ميكونش علية مية هتبقى مشكلة هخرج بعد شوية ابص على لون البنزين فى فلتر البنزين .. المفروض بكل بساطة اللى يحطة بالكتير 25 لتر ودة بالكتير كمان لكن لقيت المكنة شغالة وووور مش عايزة تقف !! والتنك مليان فوق الـ 25 لتر اساساَ .. دة اية دة بقى حضرتكم يبقى اسمة اية ؟
وعلى فكرة عامل المحطة كان بيرد عليا بردود باردة .. يعنى هو عارف انهم شوية نصابين وكل اللى علية ميصحش كدة وعيب كدة شوية احذركم منهم .

رد: محطة بالمعادي تخلط البنزين بالماء!
 

شكرا للنصيحه يا جماعه و ياريت فعلن كل واحد يعرف محطه مش كويسه يقول عليها على شان محدش يضحك عليه تانى وكمان على شان نحافط على عربيتنا وانت من القاهره فا يرت تقول عليهم وشكرا ليكم

رد: محطة بالمعادي تخلط البنزين بالماء!
 

طبعن احنا زى بعض اسكندرانيه وجنب بعض فا لو تعرف بنزينه بتغش ياريت تقول انما انا بفول على طول من امارات مصر بصراحه ناس محترمه جدا

رد: محطة بالمعادي تخلط البنزين بالماء!
 

هو فى ايه هى فره وانتشرت ف البنزينه
حسبى الله ونعم الوكيل