مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - عربية منظر (https://www.masrmotors.com/vb/showthread.php?t=35913)

رد: عربية منظر

اقتباس:

المشاركة الأصلية كتبت بواسطة abo-salama (المشاركة 254357)

لكل من الاستاذ عبده فيرنا والاستاذ احمد فاروق اولا على تجربة كل واحد الحقيقية والثانية على اسلوب الحوار العالى وقوى ولكم كل الشكر ،و يارب يكون الهدف هو افادة المنتد ى واعضائه

لك جزيل الشكر
وان شاء الله تعم الفائدة

رد: عربية منظر

اقتباس:

المشاركة الأصلية كتبت بواسطة abo-salama (المشاركة 254360)

أنت بتأييد الأم11 هى العربية حلوة فى الشكل لكن هل ترشحها لى فى الشراء وتضمن ادائها واشكرك على المداخلة

ارشحها و بجداره لاكتر من سبب
اولها
وضع الدركسيون و الفتيس اكتر من ممتاز و الفتيس تحس فيه براحه ممتازة في التعامل معاه بصراحه بيفكرني بال بي ام كقصر و طخن و نعومه

الدركسيون البور حلو جدا بس عشان العربيه تقيييييييييله جدا فتحس ان البور اتقل من ال516 و 113 و التيجو بس علي الطريق تحسه افضل منهم جدا

كوسع هي اصغر من 516 بس عمليه جدا و الي حد ما كويسه

فيها نظام صوتي محترم جدا و يشبه ال جي ام الي حد ما

النور بتاعها عملي يعني مش يعمي الي قدامك و بنفس الوقت بينور كويس بالضلمه علي عكس ال 516 بيعمي الي قدامك و مش بينور كويس

كلعب تخميس و حركات و فرك عربيه بتستحمل وتقيله

كطرق مكسره اول 2000 كيلو هتحس ان العفشه ناشقه زي ال516 بس بعد ما عديت ال 5000 كيلو حستها بقت ناعمه جدا و ده من تصميمها الي مش فاهمه بصراحه

الكاوتش بيتملي لحد 50 وتقفل عداد مرتاح بيه ولو برضو مليته علي 32 مفهوش مشاكل بس هتحس بصوت العجل علي الرمل حبه فاحسن رقم مليته العجل بيه هوا 40

المرايات كبيره جدا وجايبه مساحه محترمه و المرايا الشمال فيها خط بصراحه فكرتها عيب صناعه بالاول بس طلعت اريال داخلي و مرايه مكعره

وللحديث بقيه طويله بس انا جبت الحاجات المهمه

بس فعلا تستحق فلوسها

وتقبل تحياتي

رد: عربية منظر

اسمحولى انا كمان ادخل فى الحوار

الاسبرانزا عربية منظر ليه انا لية تجارب معاه كتير وكنت بدافع عن العربية دفاع مميت لحد اما ظهرت عيوبها بعد صيانة الالف وهى
تغير عمود الدريكسيون مرتين فى الضمان
تغير طلمبة بور فى الضمان
تغير طلمبة البنزين
و بشتكى من دخول هواء ساخن من فتاحات التكييف ضعف سحب الماتور تعليق مكن رفع الزجاج وتقشير عصا الفتيس والطارة ودبدبة فى العفشة وعضة فى الفتيس وسوء الفرامل وكل العيوب دى موجود فى جميع العربيات الاسبرانزا ال516 وتحدى اى حد لان دة عيب تصنيع وجهاز حماية المستهلك عارف اى نعم كلهم بيتحل بس الواحد مش جايب عربية زيرو علشان يصرف عليها تعديلات يعنى بعد كدة تجى تحسب المصاريف بتاعت العربية تلاقى اجمالى العربية وصل الى 77 الف ده غير التوكيل اللى بيلزمك انك تغير الزيت كل ستة شهور او 10000او صيانة كل ثلاث شهور او 5000 كيلو وتغير سير الكاتينة عند 40000 الف كيلو طبعا دى اسمها (تييييييييييييييييييييييي ييييييييييت ) لان فى موديلات تانية مش لازمة العميل بمده لازمها بكيلو متر وتغير سير الكاتية عند 60 الف
واللى اهم من كده تلاقى قطع غيارة غالية على الفاضى يعنى تلاقى تيل فرامل فانوس امامى فانوس خلفى شبكة امامية مساعدين طلمبة بنزين ديناموووووووو غالية جدا جدا جدا مقارنة بالانوس والفيرنا والعمر الافتراضى لقطع الغيار
وغير كده كده فكر انك تبيعها هتلاقى فلوسك اترمت على الارض وتلاقى نفسك خسران النصف وفى الاخر الاستاذ احمد بيقارنها بى الالنترا لاء طبعا يا استاذ احمد فى فرق كبير فى كل حاجة انا مع حضرتك ان سابتها الاسبرانزا جميل جداجدا واحسن من الالنترا بس مش لدرجى اقارنها بالالنترا وكمان ماينفعش اقارن الالنترا بالمسوبيشى اقارن يابانى بيابانى وكورى بكورى لكن صينىىىىىىىىىىىى بكورى لاء صعب شوية
ولو غلطان فى حاجة ارجو التوضيح

رد: عربية منظر

اقتباس:

المشاركة الأصلية كتبت بواسطة mahmooud135 (المشاركة 254738)

اسمحولى انا كمان ادخل فى الحوار

يااااه يا استاذ محمود انت قلت الخلاصة والمفيد واللي نفسي اقوله من زمان
بس ممكن اقول لحضرتك نقطة صغيرة ان في حكاية المقارنة ما دام العربييتين نفس الفئة او متقاربن يبقى مفيش مانع للمقارنة بس مش معنى كده نقارن الاسبرانزا بالالنترا!!!!!
على العموم شكرااااا لمداخلتك المفيدة

رد: عربية منظر

اقتباس:

المشاركة الأصلية كتبت بواسطة aboelesaad (المشاركة 254631)

شكراا للتوضيح بس العربية متجربتش
يمكن تكون زي 516