المشاركة الأصلية كتبت بواسطة hazem_khidr (المشاركة 250478)

رأيي من رأيي الاستاذ حازم
العربيه تساوي اكتر من تمنها لو بالحاله اللي بتقول عليها دي
بخصوص قطع الغيار فأعتقد انها مش حتبقي اغلي من اي عربيه جديده كنت بتفكر تجيبها.
و بالمنظر دا انت اخدت عربيه محترمه و كمان شكل كويس و مش حتخسر خساره الزيرو لما تيجي تبيع و في نفس الوقت راكب عربيه اقرب ما يكون الي الزيرو او يدوب استعما ل6 شهور و دا لا شئ في حياه اي عربيه.
صلي استخاره و توكل علي الله

المشاركة الأصلية كتبت بواسطة احمد بدر1978 (المشاركة 250500)

سعرها غرييييييييييييييييييييييي ييييب جداااااااااااااا اتاكد من الكلام دة الاول وياريت تكشف عليها كويس

المشاركة الأصلية كتبت بواسطة AboNoRa (المشاركة 250502)

على كلام صاحبك ديه كسر زيرو وسعرها كمان تحفه الكلام ده لو صح تبقى فعلاً لقطة
موضوع علو العربيه وقطع الغيار واعادة البيع ده نسبى

يعنى هل انت غالباً بتركب ناس كتير فى العربيه او بتحمل حاجات كتير طول الوقت
شغاله تاكسى عائلى يعنى ولا عادى لو عادى العلو مش هيبقى قضيه بالعكس هيبقى ميزة فى الثبات

قطع الغيار برضو متوقفه على طبيعة استخدامك لو استخدامك معتدل العربيه اعتماديه ومعمرة ومش هتحتاج قطع غيار كل يوم ولا كل شهر يعنى ولما تحتاج قطعة هيبقى تمنها فيها
اما لو هتجيب العربيه تخش سباق التصادم مع الميكروباصات طول اليوم يبقى اى عربيه يابانى او اوروبى هتتعبك فى تكاليف صيانتها وقطع غيارها وخليك فى الكورى الاقتصادى افضل

اعادة البيع مش صعبه للدرجة دى بالعكس العربيه ليها الناس اللى بتقدرها بالعكس ممكن كمان تكسب فيها لانك مش شاريها زيرو وخاصة لو حافظت عليها بحالة كويسة

استخير وتوكل على الله بعد الكشف عليها طبعاً

المشاركة الأصلية كتبت بواسطة Toyota Corolla (المشاركة 250580)

ده فعلا عرض مابين 1000عرض يعنى مايتفوتش و العربية جميلة جدا من ناحية كل حاجة الأداء و توفير الوقود و الراحة والشكل و و لو انت حابب توفر فلوسك فا اشتريها خصوصا انها تساوى اكتر من كده فا بالتالى مش هاتخسر كتير فى اعادة البيع بس اهم حاجة تكشف عليها الأول عند حد ثقة و ان شاء الله هتاخذ اللى فيه الخير

المشاركة الأصلية كتبت بواسطة خالدخليفة (المشاركة 250595)

والله ياعم على انا كان نفسى اخدمك لكن انا شخصيا من معجبين الهوندا السيفيك ولما سالت على قطع الغيار وقالو غالية واحد جارى عنده سيفيك قال صحيح قطع غيارها غاليا لكن بتعيش فترة اطول من مثيلاتها ولو حسبتها هتكون ارخص لكن مشكلة الزبون المصرى انه بيحسبها هيطلع من جيبه كام
لكن انا شخصيا مقدرش افتيك ومعرفش ومفهمش غير الكلمتين اللى فاتو دول
لكن افتيك فى النيسان الصنى لانى جربتها وركبتها
وربنا يهديك الى مافيه الخير ان شاء الله
اللهم آمين

المشاركة الأصلية كتبت بواسطة corsair (المشاركة 250702)

زعيمنا خلي بالك السعر ده مش ممكن يكون صحيح ولو صحيح يبقي العربية ديه كان فيها حاجه ومتفرحش بانها مرفوعه لان ان عندي العربية تكون بتترحك وماشيه احسن ما تكون مرفوعه

خلي بالك علشان سعرها كدا اكيد فيها حاجه علشان تكون بالسعر ده لانها لو بالمواصفات اللي انتا بتقولها ديه العربية ميقلش تمنها عن 90000 جنيه

المشاركة الأصلية كتبت بواسطة mshamy (المشاركة 250708)

السلام عليكم
في ملاحظتين في الموضوع ده
1- لا توجد سيفيك 2006 في مصر
2- أعتقد ان السيارة المقصودة سيتي و ليست سيفيك

المشاركة الأصلية كتبت بواسطة lol64 (المشاركة 250801)

العربيه لو سليمه وبالسعر ده تبقى فعلا لقطه شكل رائع واداء اروع
اكشف غليها ياعلوه وربنا يقدم لك الخير

المشاركة الأصلية كتبت بواسطة Injection (المشاركة 250822)

أنا برضه شاكك فى الموضوع دهايه ياترى

وعلى العموم أنا مع رأى كورسير بالظبط, العربية فعلا لقطة لو كانت سيفيك فعلا:), وسعرها كويس جدا بالنسبة لمواصفتها, بس العربية المرفوعة مش لازم تكون أحسن من مثيلتها الماشية, لأن بصراحة العربيات بره عمرها الأفتراضى بيبقى 5 سنين, لأن بعدها مكونات العربية بتبدأ تضعف, البلاستيك بيفقد ليونته وبينشف, الحديد بيغير من تركيبه الكيميائى وبيصدى, الكاوتش بينشف برضه وبيفقد ليونته, والله أعلم باللى بيحصل جوه مجارى الزيت والمياه فى الموتور, أو الصبابات و و و.

فلو حضرتك نويت بأذن الله لازم تكشف على العربية كويس جدا, وتجربها تجربة عملية, وتشوف فى أصوات غريبة, روايح, حاجات مش من المفروض تحصل:), وياريت تخلى برضه شخص تانى يجرب سواقتها, علشان تشوفوا العربية فعلا ماشية تمام ولا لأ, لأن العربية دى كانت مجرد كتلة من الحديد والبلاستيك لمدة تلات أربع سنين, وحضرتك عايز ترجعها عربية تانى.

بس على العموم, طبقا للمواصفات المذكورة, عربية زى دى مايتفرطش فيها بالساهل, أهم حاجة الكشف عليها كويس, ولو عاجبة حضرتك توكل على الله قبل ماحد من الأعضاء يسبقك:).

المشاركة الأصلية كتبت بواسطة luckyman (المشاركة 250915)

سيارة جميله فى نفس فئة الايكو واقتصادية جدا واسم على مسمى وتخدم لكن ليا مأخذ على السيارة شخصى وهو نصميم شكل الجسم ولكن هو لا ينقص ولا يعيب ولا يقلل من شأن السيارة فى شىء
ربنا يوفقك وبالنسبة للسعر مش عارف بس اعتقد انه ده سعرها فى السوق يعنى السعر مش لقتة لكن طبعا الحاله ممكن جدا تكون فريده وتستحق الاختيار وشكرا

المشاركة الأصلية كتبت بواسطة hazem_khidr (المشاركة 251006)

و انا من نفس رأيك لاكي باشا بالضبط
لست مع او ضد بعكس ما كنت مع السيفيك قلبا و قالبا
اما السيتي لا استطيع ان اتكلم عليها سوي انها سياره مدنيه و ظريفه
لكن في هذه الحاله من رأيي افضل البحث عن سياره منتشره كالياريس افضل من السيتي

المشاركة الأصلية كتبت بواسطة luckyman (المشاركة 251323)

عزيزى المحترم حازم خضر اتمنى تكون بخير وصحة جيدة اشكرك على ثقتك الغالية دائما ولك منى خالص الود والاحترام والتحية ودمتم بالف خير وود