مصر موتورز مجتمع السيارات - أفضل 100 جمله سينمائية على الميكروباصات والتوك توك..

مصر موتورز مجتمع السيارات (https://www.masrmotors.com/vb/index.php)

- ميكروباص (https://www.masrmotors.com/vb/forumdisplay.php?f=216)

رد: أفضل 100 جمله سينمائية على الميكروباصات والتوك توك..

اقتباس:

المشاركة الأصلية كتبت بواسطة moslem2 (المشاركة 152025)

عند امه يا ادهـــم ( محمد سعد فى فيلم الى بالى بالك )

- فيه مقوله شهيره لسعيد صالح فى العيال كبر (.............. يا ابو سوسو ..............)

من اكتر الجمل اللي بستخدمها ... عند امه يا ادهم

اقتباس:

المشاركة الأصلية كتبت بواسطة MaXx (المشاركة 152030)

"> عارف الإنسان بيقابل مين في آخر الرحلة؟...الشيطان؟...ياري ت ! ده بيقابل نفسه «عزت العلايلي..الاختيار»"

من اكتر الحاجات اللي عجبتني ,,, و في كام واحدة كمان مميزين اوي ,,, كلهم حلوين و في في وسطهم كام واحدة مرعبة

تسلم ايدك ,,,

تسلم يا باشا ...
والفضل الاساسي طبعا للكاتب الاصلي اللي جمع الجمل دي ...
انا نقلتهم منه بس

اقتباس:

المشاركة الأصلية كتبت بواسطة luckyman (المشاركة 152034)

انا اتذكرت كمان جمله قالها ليا مدرس زمان اوى مكنش بيحبنى فرحت اجيب معاه من الاخر وسالتة هو بيعمل كدة لية رد عليا وقال :

كيفنى واكيفك

بس بصراحة انا مش فاهم لية

الرجل كان عايز يديك درس و يقبض منك فلوس .... هو ده النظام

اقتباس:

المشاركة الأصلية كتبت بواسطة Ahmed_lol2007 (المشاركة 152043)

جامدة أوى وتسلم ايدك يا باشا

تسلم يا احمد باشا

اقتباس:

المشاركة الأصلية كتبت بواسطة Dr. Bolbolan (المشاركة 152077)

الموضوع ده فيه جمل " تشيب...تشيب " توفيق الدقن فى مراتى مدير عام !

ولسه شايفه " الليله يا عمده " سناء جميل فى الزوجه التانيه !

بس أنا شفت الموضوع ده فين ؟ " يا خواتى هوه " أبو الدبل فى اسماعيل يس فى الطيران !

وشكرآ للى نقل لنا الموضوع " انسان الغاب ..طويل الناب " فيلم ابن حميدو

والجمل دى تنفع تنكتب مش على مؤخرات الميكروباصات والتوكتوك فقط ! ولكن تنفع

تنكتب " على مؤخرات أخرى " زى " الليله الآخيره " و " الليله الكبيره " !

" يا رب موتنى أى موته ! غرقان ..محروق .. بس ما تموتنيش مع الغبى ده " سمعه فى الطيران !

" مين...أنا ....آه ! " " صلاة النبى أحسن " ! الدقن ! آه !

" يا آه ..يا آه .. أحلى م الشرف ما فيش " ! الدقن ( بنت الحته )

" تشترى كالب ؟ " المغامرون الثلاثه !

" استنى على العربيه دى لما تطلع على الطريق ..يا حفيظ !..بتاكل السكه..أكل " النابلسى فى يوم من عمرى !

دى حاجه بسـيطه من ذاكرة الآلزهايمر مشاركة وجدانيه ل..سـموحتى ! :HAPPY_~211:

Dr. Bolbolan ptmnlo123per122

منور والله يا دكتور ... وشكرا على المشاركه الوجدانيه الرائعه
من اكتر جمل سمعه و الشاويش عطيه
شاويش عطيه :- انا شوفتك فين قبل كده
سمعه :- متشوفش وحش يا شاويش
عطيه :- ما انا شوفتك اهوه

وفيلم ابن حميدو ده كله مسخره ... كفايه تعليقات الباز افندي ... " الشمعه دي تحطها في .. عينك .. أه " ... يعني الخروج عن النص كان موجود من الابيض و اسود
و اكتر جمله معلقه معايا من فيلم الزوجه التانيه " في الزريبه يا راجل يا دني "
بس هو صحيح كبده الوزه مفعولها جامد كده يا دكتور زي الفيلم ما بيقول :HAPPY_~211:

رد: أفضل 100 جمله سينمائية على الميكروباصات والتوك توك..

اقتباس:

المشاركة الأصلية كتبت بواسطة sam ram (المشاركة 152423)

بس هو صحيح كبده الوزه مفعولها جامد كده يا دكتور زي الفيلم ما بيقول :HAPPY_~211:

لامؤاخذه يظهر كده ( مع انى لم آكلها من أيام زمان لما ما كانش لها لازمه .....آه ) !

عمومآ هى من أغلى الوجبات فى مطاعم باريس واسمها ( فواجراه ) لآحظ التشابه مع شلالات نياجرا !

انما حاليآ أوصيك بشوربة الجنبرى ( أحسن من الجنبرى نفسه ) و شوربة ال ( سى فوود ) و شوربة الكرفس

والبصل ! ( أكل عيانين ) ولو تبر نفسك بحمامتين ( ممكن تستبدلهم بحمامه و بيضتين) ! برده بيخلوا الواحد ينام

نوم عميق ! لكن فيه طريقه تانيه مجربه علشان الركب ! سمكتين بورى بحرى مشوى مقفول مع السلطات و بدون

أرز أو عيش ! يتبعهم مباشرة 2 حبة مانجو هندى من الآصلى مع من نصف الى كيلو عنب بناتى بدون بذر !
حلوين للركب و ممكن يخلوك تشحن بطارية السياره لو نايمه ! :HAPPY_~211:
" احنا عملنا اللى علينا و الباقى على ربنا " الدكتور الآصلع اللى كان بيطلع فى كل أفلام زمان والعيان يموت

على طول " !! ptmnlo123per157

Dr. Bolbolan ptmnlo123per122

رد: أفضل 100 جمله سينمائية على الميكروباصات والتوك توك..

مع اني دايما بطلب البوري سنجاري ... لكن خلاص .. مقفول مقفول ..بدل ما الفايده تهرب ... إحنا اولى بيها برضو :)

رد: أفضل 100 جمله سينمائية على الميكروباصات والتوك توك..

اقتباس:

المشاركة الأصلية كتبت بواسطة sam ram (المشاركة 152458)

مع اني دايما بطلب البوري سنجاري ... لكن خلاص .. مقفول مقفول ..بدل ما الفايده تهرب ... إحنا اولى بيها برضو :)

يا باشا البورى خساره يتعمل سنجارى ! السنجارى ده عاوز سمكه عريضه !

جرب كده دنيس سنجارى بشرط الواحده من 750 - 1000 جرام و ح تدعيلى !

Dr. Bolbolan

Old Fissureman

رد: أفضل 100 جمله سينمائية على الميكروباصات والتوك توك..

هههههههههههه
تسلم كيبوردك :) ماسبتش حاجة الله ينور