رد: اشترى اى فلتر مياة تانك ولا اكوا تك ولا جنرال وكام شمعه
 

انا جايب فلتر تانك ال 6 مراحل من شهر تقريبا كان ب 1200 و بصراحة رهيييييييييييييب
و المصيبة ان الفلتر بتاع اول مرحلة لونه تحول من الابيض الي الاصفر في شهر واحد بس

رد: اشترى اى فلتر مياة تانك ولا اكوا تك ولا جنرال وكام شمعه
 

مبروك الفلتر يا gadix وياريت تحكي عن تجربتك جبته منين بالضبط وشكله ايه وهل هو فلتر والا محطة تنقيه مياه ( لو فيه خظان وماتور يبقى محطة تنقية مياه ) وتفاصيل ال 6 مراحل ايه

اما بقى عن لون اول مرحلة فده على حسب المنطقة اللي انت فيها لكن باقي المراحل بتاخد معدل الوقت بتاعها عادي لان اول مرحلة هيا المشكلة الكبيرة الشوائب في المياه
وكمان علشان مش نظلم الدولة بس ومواسيرها على حسب شبكة مياه البيت فيه بيوت من سنة 70 مغيرتش مواسيرها ومواسير دايبه ومصديه وطلعا ده بيغير في طعم ولون المياه

رد: اشترى اى فلتر مياة تانك ولا اكوا تك ولا جنرال وكام شمعه
 

هو ده الفلتر السداسي اللي كان قصدي عليه ابو تانك او خزان 14 لتر
لانه مش محطة ولا حاجة ده اسري للغاية مينفعش الا لبيت يعني
بس المية عندكم كويسه بالنسبه لعندنا لان اول واحد ده بقي لونة لون الشاي تقريبا
وبتاع الجامع اللي قلت عليه مليان طين جوه وتراب مترسب اسفل المرحلة الاولي
كنا جايبينه بتقريبا 1300
ودي صوره واحد شبهه جبتها من علي جوجل
http://www.essoog.com/files/item_118961.jpg

رد: اشترى اى فلتر مياة تانك ولا اكوا تك ولا جنرال وكام شمعه
 

يا باشا هيا دي المحطة اللي بقول عليها وانا لما قولت محطة قلت محطة تحلية مياه صغيره مقلتش محطة تحلية مياه لمدينة اي فلتر في خزان لأن العمليات بتتم فيه ببطء شوية عن الفلتر العادي فبيبقى اسمه محطة بالش محطة لو هتعمل ازمة وحدة تحليه مياه
وكان نزل قبل كده من حوالي 6 او 7 سنين وحدات زي دي بس كانت بتعمل على نظام تكثيف المياه يعني كانت بتخرج مياه مقطرة ودي كانت كارثة لان الجسم مكنش بيدخله اي املاح خاااااااااااااالص لكن دي فلاتر مش بتكثف حاجة هيا تبعقم وتعمل موازنة للأملاح وبس
وواضح من الرسم ان المرحلة الاولى فيه على اقصي اليمين تحت ودي اللي مطلوب انها تكون مرئية علاشن مرتبطة برواسب الميارة اما الاتنين التانيين جنبها فدول ليهم ميعاد شهري بيتغيروا فيه حتى لو نضاف لانهم حتى لو نضاف فبيكون ادائهم مش كويس اما المرحلة اللي فوق خالص واللي جنبها اعتقد دول انبوبتين البوتاسيوم والماغنسيوم واللي تحتها اللي لونها فضي شوية دي وحدة التعقيم بل uv او الاشعة الفوق بنفسجية


بس الساؤل بقى بعد ده كله يا تري الميه هتنفغ والاااااااااااااااااااااا اااااااا
اايه ياترىايه ياترىايه ياترىايه ياترىايه ياترىايه ياترىايه ياترى
444546444546444546444546

رد: اشترى اى فلتر مياة تانك ولا اكوا تك ولا جنرال وكام شمعه
 

هي المياة بعديها بقت زي ما الكتب بتوصف
المياة ليس لها طعم او لون او رائحة باختصار ممتازة يعني
لان انا للاسف من الناس اللي بيجيلها هاجس من نضافة المياة ساعات كنت بغلي المياة في حلة عشان ابقي قتلت الجراثيم والكلام ده الاقيها فارت زي ما كون سلقت فيها بيض
فانا معاه بقيت مستريح الحمد لله
بس في راي بيقول متدققش عشان متتعبش بس وجهه نظر محترمة برضه
بالتوفيق