رد: صيانة الفتيس الاوتوماتيك؟
 

كويس

أن لونه أحمر زى الدم

بس مش المهم يكون كلامك على إللى زودته

المهم يكون عن إللى فى الفتيس

دا غير أن المفروض كنت غيرت الزيت كله أفضل

وبعدين بتاع الزيوت

حكم على أى أساس أن الزيت ناقص عندك ومحتاج تزويد كيلو

وهل كنت بتعانى من التقل فى أول طلعه قبل ماتزود زيت ولا كان الوضع أفضل

يعنى أول ما أشتريت العربيه من شهر

__________________

خللى بالك

مستوى زيت الفتايس الأوتو حساس جدا فى التأثير على آداء الفتيس

بمعنى

المفروض يبقى مظبوط

لا زياده ولا ناقص

رد: صيانة الفتيس الاوتوماتيك؟
 

كان بناء على راى الميكانيكي انه ناقص كيلو زيت وفعلا كان تقيل جدا جدا جدا قبل ما ازوده الكيلو ده ولكنى ما زلت اعانى ( وحسيت ان كلام العفشجى انى طالع ع التانى قبل االول قريب من الواقع لانه نفس احساس طلعة المانيوال ع التانى قبل الاول والله اعلم )
وايه موضوع عداد RPM ده هل بيسبب مشكله وما تفاصيله ؟؟
وهل لازم قبل ما ادور الكونتاك لازم اكارك ضغطتين او تلاته للبنزين ولا ايه ده وما حله
ولكم جزيل الشكر والامتنان

رد: صيانة الفتيس الاوتوماتيك؟
 

معنى كلامك

أن الزيت إللى كان فى الفتيس كان مليان رواسب من أثر التشغيل السابق

وهو زود الكيلو

علشان يخفف الزيت

مظبوط .......ولا أنا مش واخد بالى ..........؟

وهل عندك مقاس لزيت الفتيس ولا فيه طبه جانبيه لأختبار المنسوب .......؟

خلينا مركزين مع الحته دى الأول

وسيب المكنه فى حالها شويه على جنب حاليا

رد: صيانة الفتيس الاوتوماتيك؟
 

طيب يعنى حضرتك تقصد اغير زيت الفتيس استبدله تماما واغير فلتره ( اللى هو تقريبا بداخله ) يعنى لازم اعرضه على متخصص اتوماتيك ولا بتاع الزيت يقدر يعمله ؟؟؟؟
متابع باهتمام شديد ربنا يعزك

رد: صيانة الفتيس الاوتوماتيك؟
 

الصراحه أنا شايف أن ده الصح

تروح لمتخصص فتايس

يغيرلك الزيت والفلتر

وأهو بالمره يعملك شوية نظافه لمكونات الفتيس من تحت وهو حالل كرتير الفتيس

ده موضوع

حيفيدك ويفيد الفتيس ( حتى على المدى البعيد )

وأحتمال كبير

يريحك جدا فى طلعة العربيه