مصر موتورز مجتمع السيارات - تعمل إيه لو راكن عربيتك و رجعت لقيت الباب عايز باب ؟؟!!

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة خالدخليفة (المشاركة 166809)

مرة ركنت امام محل ونزلت اشترى حاجة وارجع غبت 10 دقايق بالظبط ومع انى راكن سليم والرصيف واسع يعنى مش سادد باب المحل ومع ذلك خرج صاحب المحل ومعاه كتر (cutter) اللى بيستخدموه فى قطع الورق والكرتون وب سن السلاح بتاعه رسم لعبة اكس او ( السيجة ب لغة العواجيز اللى زى حالاتى) على باب العربية شوهه ولما سالت عرفته فروحت له فقال ببرود بعد م انكر اولا قال علشان متركنش ادام باب رزق وتسده طبعا بيستهبل وبعد كلام سبته ومشيت

ptmnlo123per111
يا زعيم الموقف ده استفذني بشكل غير عادي
و حاسس اني عايز انزل اكسر المحل علي دماغ الراجل المتخلف ده
انا لو منك مسيبوش ابلغ علية الضرايب او الحي او اي حد يقرفة في عيشتة عشان يعرف ان الله الحق

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة horas3000 (المشاركة 166832)

مهو انا علشان عارف ان الله حق قررت اخد حقى يوم القيامة

رد: تعمل إيه لو راكن عربيتك و رجعت لقيت الباب عايز باب ؟؟!!

حسبي الله و نعم الوكيل
مواقف كلها مستفزه
و لما بفكر اني في موقف من دول
افتكر ان رد فعلي حيبقي فظيع
خصوصا الاخ صاحب المحل اللي رسم سيجا علي العربيه
دا كان ابسط حاجه اجيب طوبه كبيره و انا ماشي بالعربيه احدفها علي الزجاج عنده و اجري
و ابلغ عنه مكتب العمل و الضرايب و لو حاطط حاجه بره المحل ابلغ المرافق
شوف كنت حبهدله ..
و بالنسبه للاخ بتاع وصل الامانه دا كمان الواحد يتعلم انه ما يسبش حقه
و مهما كان اللي قدامه يبان انه طيب المفروض ما ينخدعش فيه وياخد حقه طالما هو صاحب المركز الاقوي
الناس بقت بشعه بجد :(

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة خالدخليفة (المشاركة 167202)

مهو انا علشان عارف ان الله حق قررت اخد حقى يوم القيامة

و الله يا استاذ خالد المبدا ده علي عيني و علي راسي و انا مؤمن انك هتاخد حقك
بس مع احترامي فيه شيئ من السلبية
يعني انا ممكن اتبعه لما اكون مقتنع ان مش هعرف اخد حقي بنفسي
لكن لو اقدر و بسبل محترمة يبقي ليه لا
هو مش رسولنا قال من راي منكم منكرا فليغيرة.... الي اخر الحديث
و اللي عمله المخلوق ده منكر فلازم يتربي عشان يتغير
و اهو منه تمنع بلاويه عن ناس تانية و تاخد فيهم ثواب

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة خالدخليفة (المشاركة 166809)

ثالثا / دى نكتة بقى عندى 2 ستات جيرانى معندهومش فكرة عن السواقة ومعاهم عربيتين قديمتين واحدة رينو 12 اكصدام حديد ماشاء الله والتانية 128 وبرضه اكصدام حديد واجارك الله لو واحد ركن من اصحاب العربيات الحديثة وراهم او ادامهم ومهما ساب من مسافة بينه وبينهم لاززم يخبطوه واقربها امبارح نزلت لقيت عربيتى وكانت راكنة ورا الرينو الاكصدام بتاعى الامامى فيه حتة كبيرة متقشرة وعايزة معجونة ورش وشغلانة واحنا اتعودنا منهم على كده

والله ديه مش نكته يا أستاذ خليفة ولكنها مأساه فى كل مكان، فى نفس العمارة اللى فيها المكتب هناك واحدة عندها عربية لادا، كنت لما أركن قدامها أو وراها، لازم تخبط الاكصدام وتكسر منه حته، وبقيت حريص انى أركن بعيد عنها، ولكن عند خروجى من المكتب الاقيها برضه راكنه امامى او ورايا وبرضة خابطة الاكصدام ptmnlo123per144
ولما بعت العربية قلت للمشترى صلح الاكصدامين ولكنه قاللى لا أنا حأغيرهم أحسن، قلتله بلاش :HAPPY_~211: ومرة قام بزيارتى فى المكتب وعند خروجه وجد الاكصدام مكسور تانى واللادا واقفه وراه ptmnlo123per111
أما سيارتى الجديدة فبركنها فى شارع تانى خالص بعيد عن اللادا مع ان الاسكودا أجمد من القديمة