مصر موتورز مجتمع السيارات - عض قلبى ولا تعض شيش طاووكى

اقتباس:

المشاركة الأصلية كتبت بواسطة corsair (المشاركة 150525)

شوفت بقا فايدة الكوسه هههههههههههههههه وبعدين انا بردك حصل معايا موقف زي الفل عندي واحد صحبي باخيل جدا ولاقيته بالصدفة بيتصل بيا في رمضان وعازمني علي الفطار عنده ومش قادر اقولك اسرار قد ايه علشان اجي بيني وبينك انا قولت شكلها هتختم في مائدة الرحمن بس طلع واد مجدع ومخلنيش انزل اكل في مائدة الرحمن بس طلعلنا الاكل بتاع مائدة الرحمن عنده في البيت وكان الاكل كله عبارة عن كوسة ورز من بتاع التموين ومش متنقي كمان واحلي حاجه الكوسة كانت غرقانه في مية الصلصة لان مكنش في صلصة اساسا ومكنش فيها ريحة الملح بيني وبينك انا سيبت الاكل وقمت افترست واحد بتاع كباب وكفتة علي نصية شارعهم وحلفت ما اروح عنده تاني وبردك قبل كدا كنت قاعد عنده وحلف اني لازم اتغدي معاه وقلتله ملهوش للازمة قالي لا والله لازم تتغدي معايا لاقيته جايبلي صباع واحد ممبار وقالي ده ليا وليك يعني بتاعنا احنا الاتنين بس بامانه كان اكتر حاجه موجوده هيه الجرجير وعليها نص لمونه من فوق انا بقيت عمال اكل جرجير زي !!!!!!!!! ولا بلاش اللي يرحمك يا نوفل هوه اسمه كدا نوفل

يعنى حلفت م تاكل عنده تانى ولما عزمت روحت ده انت تحير والله والا هو بخيل وانت بتوفر وتروح له وزعلان كمان ان جابلك صباع ممبار واحد اومال لو جابلك طعمياية واحدة كنت عملتله اعلان فى الجرايد؟؟؟ وبعدين قطعت فروة الراجل لما اتنحلت خاااالص وفى الاخر تقول الله يرحمه طب وعلى ايه الدعوة وفرها ياراجل وزعلان من الراجل وانت هريتنا كوسة ؟؟؟؟؟؟؟؟