مصر موتورز مجتمع السيارات - تحذير ( من زيوت زادو Xado ) لوجه الله

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - تحذير ( من زيوت زادو Xado ) لوجه الله (https://www.masrmotors.com/vb/showthread.php?t=139392)

رد: تحذير ( من زيوت زادو Xado ) لوجه الله

داخل على جروب الامجراند وبيقول انه غير الزيت واللمبة نورت وده عمره ما هيحصل غير لما يكون المتور مفوت
يبقى ده بنى آدم كداب .... بعد كدا عرفت انه معاه 516 مرزعة وده من بوست تانى ف حتة تانية ...... وده فايدة الانتشار
وبعدين بيقول ان الزيت لونه أخضر .... وده نوع زيت مختلف تماما عن الزادو ,,,, وبعدين أصلا تاريخ الانتاج 2010 البعيد ميعرفش ان هيثم أصلا كان بدأ يستورد الزيت آخر 2012 تقريبا يبقى كداااااااب جاب منين 2010 دى ؟

رد: تحذير ( من زيوت زادو Xado ) لوجه الله

اقتباس:

كلام حضرتك يا أستاذ هشام بيأكد الإحتمالات اللى وضعتها فى ردى الأخير

اقتباس:

ثانياً ممكن يكون فيه إحتمالين لو أفترضنا إن زيت زادو Xado فعلاً زيت كويس
1- فلتر الزيت كان مسدود
2- الزيت كان مضروب أو فاسد (تاريخ صلاحيته أو تخزينه)

مش لازم يكون جابه من الوكيل المعتمد, ممكن أوى يكون واحد بيبيعه عالنت مغشوش و ده اللى عاوزين نتأكد منه.
و برضه إحتمال تركيب فلتر مسدود مازال قائم.
و هنفترض حسن نية الشاكى حتى الآن.

الراجل أتلسع فى أكتر من 500 ج على كلامه و حقه علينا نشوف المشكله من إيه و لو عاوز يفهم السبب نتابع معاه واحدة واحدة.
ربنا يعيننا جميعاً على الخير و يتقبله خالصاً لوجهه.

رد: تحذير ( من زيوت زادو Xado ) لوجه الله

اقتباس:

المشاركة الأصلية كتبت بواسطة zing0 (المشاركة 1016770)

كلام حضرتك يا أستاذ هشام بيأكد الإحتمالات اللى وضعتها فى ردى الأخير

مش لازم يكون جابه من الوكيل المعتمد, ممكن أوى يكون واحد بيبيعه عالنت مغشوش و ده اللى عاوزين نتأكد منه.
و برضه إحتمال تركيب فلتر مسدود مازال قائم.
و هنفترض حسن نية الشاكى حتى الآن.

الراجل أتلسع فى أكتر من 500 ج على كلامه و حقه علينا نشوف المشكله من إيه و لو عاوز يفهم السبب نتابع معاه واحدة واحدة.
ربنا يعيننا جميعاً على الخير و يتقبله خالصاً لوجهه.

يا استاذى العزيز
دلوقت حضرتك بتقول الراجل حقه علينا نشوف المشكله من ايه ----- ازاى واحنا كشركة اتشهر بينا واتقال علينا رباطيه وعصابة الزيوت لعلم حضرتك احنا كشركه ممكن نتاخذ اجرائات قانونيه ضده بعد اللى قاله والتشهير اللى عمله---- والمتعارف عليه دائما ان انا كعميل اتعاملت مع شركة ونفترض لقيت حاجه غلط اكلم الشركه الاول اشوف يمكن كان حاجه بسيطه جداااا ممكن نقولهالوا انك جرب تغير الفلتر بتاع الزيت وكانت المشكله اتحالت كنا ممكن مهندس يشوف المشكله عنده من ايه ونحدد العيب من ايه بس هو اختار الطريق الاسهل وانه يشهر بالشركه وبالزيت ده كان اسهل حل لقاه --- وفى الاخر طلع ان هو اللى غلطان بعدل كل اللى عمله من تشهير

الى الله المشتكى

رد: تحذير ( من زيوت زادو Xado ) لوجه الله

وغير كدا هو بيقول انه راح لكذا واحد واكدوله ان الزيت مضروب طبعا المفترض الكذا واحد دول يكونوا مهندسين ومتخصصين او كيميائيين يقولوله ان الزيت مضروب بس هو راح على كلامه لكام ميكانيكى (مع احترامى للميكانيكيه) مبيعرفوش حتى يكتبوا اسمهم وقاله اعملى اختبار الزيت قام الراجل عمل اختبار الزيت انه حط نقطين زيت ما بين صوابعه وجسهم كدا وقاله لا الزيت ده مضروب قولى ازاى واحد واخد الصنعه بالممارسه قدر يحدد ان زيت الشركه ديه مضروب فين اختبارات الكثافه بتاعت الزيت فين ابحاثك اللى عملتها فى معهد ابحاث البترول ؟؟؟!!!

رد: تحذير ( من زيوت زادو Xado ) لوجه الله

كده أفضل الصمت لإنى لا أعلم تطورات الموضوع قبل كده
و حضرتك يا أستاذ سيد و الأستاذ هشام الجزار و الأستاذ aymanlaw و طبعاً أخونا الغالى الأستاذ وائل نقدر نقول "عشرة سنين" و كلامكم بالنسبالى محل ثقة لا جدال فيه.
حاولت أكون واسطة خير قدر إمكانى بس معرفش إن الأخ المحترم صاحب الموضوع كان ليه كلام قبل كده على الفيس و مواقع أخرى و حضراتكم متابعينها.
أرجو إرسال لينكات الصفحات اللى بتتابعوها عالفيس عالخاص علشان منتحرمش منكم.
يسر الله أمورنا.