مصر موتورز مجتمع السيارات - الاكثر رحابة والافضل

اقتباس:

المشاركة الأصلية كتبت بواسطة mr_astra (المشاركة 957629)

السلام عليكم
مهو احنا مش عارفين المعيار عند حضرتك اية
هل الاولوية لاتساع عدد الركاب ولا بنقارن بين اوبل وباسات
لو الاولوية لعدد الركاب بالفعل الاتنين ما ينفعوش ولا اى عربية سيدان تنفع
وما تبصش لدلوقتى اعمل حساب المستقبل
نسيبى عندة نفس الظروف وجاب افانزا زيرو
لكن فعلا زى ما حضرتك قلت شكلها مش مناسب
لو الاولوية لعدد الركاب يبقى بدون نقاش ميجان MCV
لو هنقارن بين اوبل فيكترا وباسات
الاتنين كتلة صناعية واحدة ونفس التفكير ونفس الجودة
لكن من ناحية الوسع وانا ركبت الاتنين
باسات افضل من حيث الرحابة واتساع الصالون ويمكن كمان اماكن التخزين بس النقطة دى مش متاكد منها
على الجانب الاخر
الباسات فظيعة فى مصارفها ....بجد مكلفة اوى اوى ومش اى ح يقدر يستحملها
وانا بتكلم عن الحاجات الضطرارية يعنى اكسسوار خارجى فوانيس
انما اوبل ارخص بكتير
فهنا كل تفكير المصريين بيروح ناحية اللى قطع غيارة ارخص حتى لو كانت عربية اقل فى الجودة
حضرتك اية رايك
تجيب عربية حاجتها غالية اوى ومش هاتشيل اسرتك ان مكنش دلوقتى يبقى كمان سنة ولا اتنين
ولا اوبل لا هاتشيلك دلوقتى ولا فى المستقبل لانها فعلا ديقة خصوصا الكنبة الخلفية
ولا نفكر بطريقة عملية ونجيب عربية تشلنا كلنا ونروح المشوار الواحد مع بعض فى عربية واحدة لكن هى اقل فى الجودة والبراند نايم وانا بتكلم عن الرينو !!!!

اشكرك اخي الفاضل mr. astra على الاهتمام والرد