مصر موتورز مجتمع السيارات - المياه بتغلي جوه القربه رغم تغيير كل حاجه ف دوره التبريد !!!!

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

رد: المياه بتغلي جوه القربه رغم تغيير كل حاجه ف دوره التبريد !!!!

اقتباس:

المشاركة الأصلية كتبت بواسطة ramy safwt (المشاركة 942332)

معلش المشكلة مش هنا خالص

اتأكد ان السير شادد كويس على طرمبة المية و حط ثرموستات 67-80 و رجع ثرموستات الكوعة

هتيجى الصبح بدرى و العربية بارده تسحب الهواء من الفايظ لحد اما لدورة تظبط لأن كده جسم الموتور نفسه مش عليه توزيع حرارى سليم و مفيش مشكلة انك تسقط المية 3 او اربع مرات لحد اما تلاقى اقل هزة فى خرطوم العمومى بتاع الكوعة بتنزل و تطلع المية فى القربة

تعمل مشوار طويل بالعربية و تركنها لتاني يوم

تفتح صبح تفك الفايظ تانى و تمسك الخراطيم الكبيرة تعصرها و تسيب القربة تخر اللى فيها على قد ما تقدر تاخد هواء تانى و المية قليلة كده و تزودها بعد ما تخلص بالمية الحمراء مش الخضراء و تقفل دورة التبريد و تطلع مشوار طويل

تابع القربة و شوف اذا لسه المية بتغلى ولا لا

و فى سؤال هو صوت غليات و لا صوت نز " ززززفززفففززفف " كده

بعد كل ده لو المروحة مش مكفياك هتعمل كتاوت على المروحة

خريطة كالتالى من فيشة المروحة لملف الكتاوت و من الصاج لأرضى الكتاوت و من البطارية لحى الكتاوت و من خرج الكتاوت لموجب المروحة و من ارضى المروحة لشاسيه العربية

كل الكلام جميييل جد و مفيد .... بس هوه صوت غليان لان المياه بمسك الخرطوم بحس بالمياه بتغلي جواه و بشوفها بتغلي جوه القربه ... لما اجي اشيل خرطوم الي طالع من الردياتير للقربه من القربه ... بلاقي دخان او بخااار مياه منه .... معني كده ان المياه بتغلي جوه الردياتير و عملت بخار مياه و بيطلع للقربه ينفخ فيها البخار و بالتالي تبان انها بتغلي ..... معني كلامكو بعد ما اقشط الوش ف المخرطه و اركب جوان جديد ... هحتاج الين تاني ؟؟؟؟؟؟؟ ولا همشي ع طول عشان ابدا اتابع اشوف استمرار المشكله ولا لا ...... هلين تاني بعد قشط الوش ؟؟؟ و تركيب جوان جديد ؟؟؟؟

رد: المياه بتغلي جوه القربه رغم تغيير كل حاجه ف دوره التبريد !!!!

اقتباس:

اقتراحات لحل المشكلة
اولا لازم وحتما ولابد تركب ثرموستات الكوعة عشان المروحة تبرد كمية قليلة من الماء ..... المتعارف علية اننا بنلغى الثرموستات ونركب ردياتير نحاس 3 ماسورة انما ما ينفعش نشيل الثرموستات ونشتغل على نفس الردياتير الالمونيوم
تانى حاجة لازم نشيك على قوة المروحة واتجاها
نغير اسلاك وفيش المروحة نعمل ارضى جديد 2 ملم لمروحة التبريد ولو شغالة مباشر نعملها كتاوت مروحة ودة فى حالة انها سليمة من موتور وجلب وريش واتجاه
ربنا يوفاك وتحل المشكلة

......................... ....................

رد: المياه بتغلي جوه القربه رغم تغيير كل حاجه ف دوره التبريد !!!!

اقتباس:

المشاركة الأصلية كتبت بواسطة Hisham.Elgazzar (المشاركة 942317)

لحظة واحدة يا أستاز محمد
ترومستات الكوعة بيقفل ع المية جوا وش السلندر وبعدين بيفتح بالضغط لما الحرارة بتعلا تقوم المية تلف فى الدورة وتتبرد ولما تبرد يقوم الترموستات قافل تانى

وترموستات المروحة بيشتغل هو كمان عشان يبرد الردياتير وفعلا الردياتير الألمونيا مش زي النحاس
بس معقولة متلحقش تبرد والكوعة متشالة ؟؟

شكرا يا باشا للتوضيح جزاك الله كل خير

السلام عليكم يا استاز هشام
لو حضرتك قارنت بين الردياتير الموجود الالمونيوم وبين النحاس هتلاقى فرق شاسع بنهم من حيث الحجم
دة 3 اضعاف دة تقريبا .......فبالتالى المروحة مش بتقدر تبرد الكمية الكبيرة الموجودة بالردياتير + الموتور وبتدخل على الموتور تانى وهى سخنة مولعة
انما لو الثرموستات راكبة وشغالة حجم المياه المراد تبردها اقل بكتير بكتير
الوضع كان يبقى صح لو اتشال الثرموستات وجاب ردياتير نحاس 3 ماسورة الردياتير دة بياخد كمية مياة كبيرة وبتفضل تلف فى المواسير من جواة وبالتالى بتبرد لانها بتاخد وقت اطول جوة الرداتير
وانا بصراحة مستبعد ان مروحة التبريد يكون فيها مشكلة لان لو هى بايظة اولا هاتعمل صوت وثانيا هتلاقى المياة فى الردياتير باردة جدا وجوة الموتور سخنة جدااااااااااا

الراجل صاحب المشكلة هو حلها والله بس مش عارف هو متلخبط لية
لما قال ان على الطوالى العربية بتبرد والمؤشر بينزل يبقى كدة الموتور سليم ووش السلندر سليم والردايتر سليم
وتبقى المروحة فقط هى اللى مش قادرة تبرد المياة جوة الرداتير

الاخ رامى اعتقد ان موتور الاكسنت مروحة التبريد على سير الكاتينة وليس سير منفصل .....دة اعتقاد ومش متاكد منة

رد: المياه بتغلي جوه القربه رغم تغيير كل حاجه ف دوره التبريد !!!!

اقتباس:

المشاركة الأصلية كتبت بواسطة mr_astra (المشاركة 942425)

بجد انت راااااااااااااجل ميه ميه :fun_36_3_16[1]: .... بص انا مش متلخبط ... الموضوع و ما فيه انا خايف بس يكون وش سلندر و دفعت مصاريف كتير و مش حمل مصاريف اكتر .... و بصراحه الميكانيكي بحس كده انو عاوزني اصرف و خلاص .... هنا لما بسالكو باخد معلومات و بقارنها بالعربيه ... فعلا لما مشيت ع الطريق باليل الحراره نزلت ... هل كده وش السلندر سليم ؟؟؟ لو ع قد المروحه و الترموستات اركبهم الصبح و اجيب مروحه جديده .... بس مش عاوز اصرف ف الفاضي .... المروحه تقريبا عامله 190 جنيه جديده كوري .... و الترموستات مش قضيه .... ف لو فعلا المشكله ف المروحه عادي .... انا خايف احل المكنه و اودي وش السلندر يتساوي ف المخرطه و اخش ف موضوع تاني و برضو متتحلش .... ف اتاكد ازاي ان وش السلندر بااايظ او مفقع ؟؟؟؟ لاني فعلا فتحت غطا الردياتير و زودت و هيا بارده بعد مسخنت ب 5 دقايق ... و طلعت نافوره صغيره كده .... بس كنت زودت بنزين جامد .... انما الزيت مش مخلط ولا حاجه .... و نفسي حد يجاوبني ع السؤال الي سالته اكتر من مره ... لو عملت الوش المخرطه و ساويته ... لازم اغير جوان ؟؟؟ لاني لسه مغيرو من شهر مع نص العمره ... و يا تري هلين ولا لا ؟؟؟؟

رد: المياه بتغلي جوه القربه رغم تغيير كل حاجه ف دوره التبريد !!!!

الغليان ده موضوع مختلف كده المروحة مش مأدية الغرض المطلوب

انت دلوقت مروحتك على سير زى ما الاخ الفاضل قال ولا كهربة ؟ عشان لو كهربة ممكن اجننهالك

بخصوص الجوان احكيلك حدوته صغيرة فاكر امبوبة البوتجاز قبل ما يركب نظام الغاز فى البيوت كنا بنركب جلدة كده على المنظم و الامبوبة فاكر اما نفك نغير الامبوبة لازم نغير الجلدة عشان اتهلكت من الرباط و طبعت بشكل معين

بنفس المنطق هتتعامل مع جوان وش السليندر

لا مش هتلين لانك خلاص ظبط الشنابر فى الشمزة فمش هتحفرها تانى بالتليين