رد: فيرارى ايطاليا Ferrari 458 Italia
 

يا باشا عادى والله .انا مش واخد الموضوع بجد ولا حاجة ..... قشطة يعنى ....بس والله حسيت ان الشباب بيتكلموا عن البورش انها سيات... بس البورش دى بجد عربية جامدة جدا .. مافيش اختلاف ان الفيرارى احسن منها و اللمبورجينى كمان احسن منها ... و ربنا يا رب يا باشا يرزقك بالبورش اخر موديل واللى احسن منها و ماتكونش راشة دواخل ولا خوارج :)

و بالنسبة للفيديو يا باشا لو قصدك على الدريفتات فا اعتقد ان ده مقصود حتى فى فيدويهات كتير للكاريرا جى تى برده بيستعرضوا قوى فى الدرفتات و هندلة العربية و هى بتاخد الدريفت و بعده كمان ..هما بيحبوا قوى يستعرضو الدريفتات .... والله اعلم
و بعدين انا بصراحة لا اقتنع بكلام اى تقارير الا بنسبة 50 % لانى قبل كدة مشيت ورا كلام التقارير و لما اجى اجرب العربية الاقيها حاجة تانية خالص غيى تقارير الشركات اللى بتبين لك العربية سفينة فضاء
و انا عندى قناعة تانية بالعربيات الالمانى .. من تجارب كتير برده .. الالمانى من الاخر مفيش زيه اطلاقا مطلقا على الاطلاق :) انا طبعا ماسقتش الفرارى ولا اللمبورجينى .. بس دول يعنى مش مستنيينى انا عشان احكم عليهم يعنى :)
احنا مجرد بنقول اراء و بننقل لبعض معلومات .. كل واحد بيقول على قد ما يعرف .. و انا ي سيدى والله معتبر نفسى اقل واحد بيعرف عن العربيات فى المنتدى .. بس فيه ثوابت المفروض انا معروفة بالنسبة ليا على الاقل بدافع عنها ..
بس يا زعيمنا هى دى الليلة كلها ... و مساك زى الفل يا باشا ان شاء الله انت و كل حبايبى و اخواتى اعضاء المنتدى

رد: فيرارى ايطاليا Ferrari 458 Italia
 

ايه ياجدعان الطوب و الزلط و الكلام الكبير ده

على كده غبور بقى كتر خير خالنا نغير جنوط فقط و نستفيد بالشنطه و الله راجل تمام

بالتالى العربيه البورش دى هانلاقيها مع المقاولين فقط

رد: فيرارى ايطاليا Ferrari 458 Italia
 

على حد علمي المتواضع جدا جدا .. لأني لا ركبت لا بورش و لا فيراري و لا لامبورجيني ...
لكن اللي اعرفه ان اللامبورجيني دي عربيه زي الشعار بتاعها .. ثور هائج محدش يعرف يسيطر عليه بسهوله ...
الفيراري عربيه رياضيه من الطراز الاول .. مش عربيه شوارع عاديه ..
اما البورش فهي عربيه رياضيه تصلح للقياده اليوميه في الشوارع العاديه ..
يعني الناس ممكن تروح كل يوم الصبح بالبورش .. لكن مينفعش تعمل الكلام ده بالفيراري او الامبورجيني

الدريفتات دي ممكن تكون مقصوده لأن اللي سايق العربيه محترف و يقدر يتحكم فيها .. لكن اللي انا قصدي عليه ان توزيع وزن العربيه الامثل بيكون اللي موتورها في المنتصف ... حتى الموتور الامامي بيكون له تأثير سلبي على الاداء ... لكن مش معنى كده ان المواتير الخلفيه او الاماميه وحشه و بتخلي اداء العربيه وحش ...
لكنه مش الوضع الامثل ...
مازيراتي كان ليها عربيه اسطوره اسمها بورا ... وكان موتورها وسطي .. وبعد كده نزلو نفس العربيه باسم ميراك مع تغييرات بسيطه في الشكل ... بس بموتور خلفي اصغر علشان يكبرو المقصوره و يضيفو كنبه صغيره ورا ...
و طبعا الاداء اختلف كتير نتيجه الحركه دي .. و الميراك محققتش نفس نجاح البورا
http://www.car-mag.jp/contents/img/h...oto/bora_1.jpg
http://www.autodrome.fr/maserati_bora_1972_profile.JPG
مازيراتي بورا 1971
http://www.diseno-art.com/images/maserati_merak.jpg

http://www.photogy.com/albums/Masera...i_merak_ss.jpg
مازيراتي ميراك 1974


لكن عموما ... البورش جامده جامده جامده .. ptmnlo123per1106

علشان كده الكايين عربيه المقاولين .. والفيرنا عربيه الاقطاعيين ....

فاضلك مشاركه كمان يا احمد يا كار و اديك تقييم سلبي او اشتكيك للاداره .. واقول بيتعالى علينا اكمن ربنا فتحها عليه و ركب فيرنا

يا اقطاعي ... يا اقطاعيييي ptmnlo123per111

رد: فيرارى ايطاليا Ferrari 458 Italia
 

بجد يا سامى باشا ...كلامك منطقى و صح و مفهوم... بيعجبنى فى مشاركاتك دايما الموضوعية و عدم التحيز و التفاصيل التى تنم معرفة عميقة بعالم السيارات عموما ... روح يا شيخ ربنا يبارك لك
و انا بجد سعيد انى فى منتدى بيضم حضرتك و امثال سيادتك كتير و مش عاوز اقول اسامى علشان مانساش حد

بس هو فيه ملحوظة صغيرة قد كدة عن اللمبورجينى من موقف حصل قدام عينى برده كان جلاردو (التعبانة بتاعتهم) مش مورسيلاجو يعنى .. و شفتها بتاخد غرز قدامى و بتاخد ملفات فظيعة و انا طبعا فضلت اجرى وراه على قد ما قدرت علشن اشوفه بيعمل ايه ... هى صحيح ثور هائج و لكنه الان هائج بتعقل و حرفنه جامدة جدا و ثبات فوق الخرافى بشوية :)

و صباحك زى الفل و رمضان كريم

رد: فيرارى ايطاليا Ferrari 458 Italia
 

الله ينور عليك يا استاذ سامح,
البورا كانت أول عربية بمحرك فى المنتصف, و من ساعتها أصبح هذا التصميم قياسيا فى السيارات الرياضية, و أى سيارة رياضية محركها لا يقع فى المنتصف, لا تستحق أن تصنف كسيارة رياضية حقيقية.
بورش سمعتها أنها سيارة رياضية تميل الى الكلاسيكية فى الاداء و الطابع, مما أفقدها طابعها الرياضى الصرف, فلم تنجح أبدا بفرض نفسها على السائقين, مما دفعها الى انتاج سيارات مثل الكايين و الباناميرا.
لمبرجينى هى الشركة التى تأسست بهدف منافسة فيرارى فى الأساس, و لم تنجح فى ذلك بشكل كبير, و لكنها بالتأكيد استفادت من سمعة السيارات الايطالية عموما, بمعنى لو كانت لمبرجينى ألمانية أو أى شىء اخر, لما استطاعت أن تحصد هذا الاعجاب.