مصر موتورز مجتمع السيارات - مشكلة محيرانى جدا جدا

اقتباس:

المشاركة الأصلية كتبت بواسطة amr elsisi 1 (المشاركة 916372)

انت عارف انت عملت اية بئا يا باشا
واهوا وقعت في الكلام ههههههههههه بهظر
انت ركبت رشاشات 1300 علي 1600 طبعا الكمية تختلف
لان حيز 1600 حيسحب نسبة هوا اكتر ونسبة البنزين اقل من المعدل الطبيعي
دة غير برمجة الكمبيوتر علي 1300 في كل حاجة
الحرارة وميعاد الرشاش وميعاد الشرارة
واقطار الصبابات
احب اقول لك ان موتورك الان 1300 سي سي
علشان كدة انت غيرت ولا اكنك غيرت
انت كدة عدمت قدرة موتورك بايدك هات باقي ادوات التغذية بما فيهم وش السلندر

استاذنا الكبير عمرو انا ليا راي بخصوص الموضوع دا احب اقولة لحضرتك
الكومبيوتر بيتعامل مع معادلة مش قيمة بمعني
مثلا لو حساس كميه الهواء حس ان الهواء اللي داخله مثلا 1 جرام في الثانية (مجرد مثال) الكومبيوتر هيفتح الرشاشات 1 مللي ثانية
طب لو حس ان كمية الهواء 2 جرام في الثانية الكومبيوتر هيفتح الرشاشات 1.2 ملي ثانية المهم انه يحافظ علي سرعة الموتور مثلا (في حاله السلنسيه 800 لفه في الدقيقة) وعشان كده نفش الرشاش اللي في 1300 بيركب علي 1600 وبعد فترة الكومبيوتر بيسجل القيم دي وبيتعامل معاها علي انها الطبيعي
المهم الكومبيوتر بيحافظ علي سرعه الموتور مثلا من 750 - 800 لفه
طبعا فيه تغيير مواتير لازم اغير معاها الكومبيوتر والضفيرة كمان مثلا لوجبت محرك تربو لان الكنترول لازم يكون فيه بوست للتربو وكمان لوجبت محرك راكبه عليه اجزاء ليها مقومة مختلفة (مثال - العربية الهوندا - سولونيد النقلات في الفتيس 13 اوم ومفيش مقاومة نهائي في دائرته في الكنترول - نفس الفتيس مقاومة السولونويد 3 اوم وفيه مقاومة في الكومبيوتر راكبة ) لو انا حطيت الفتيس الـ3 اوم مع الكومبيوتر بتاع ال13 اوم ومفيهوش مقومة هتسحب الدائرة امبير ذياده وهيتحرق الكنترول ) وياما عربيات باظت بسبب موضوع ذي دا - اهم حاجة تتاكد ان مقومة الاجزاء المختلفة واحده غير كده هتحرق الكومبيوتر - في العربية دي ينفع نفس الكومبيوتر لان جميع الاجزاء وطبعا مقاومتها في 1300 هي هي 1600
وتقبل سيدي الفاضل مروري
والله العظيم اعلي واعلم