رد: تحذير هام ( ممنوع شراء رينو بكافة انواعها )
 

رد: تحذير هام ( ممنوع شراء رينو بكافة انواعها )
 

كل سياره لها ايجابيات وسلبيات والرينو ماركة مشهوره ومرموقه وليها عشاقها (انا مش منهم) ولكن السيارات الكورية تفوقت على الفرنسيه وده مش كلامي كلام الناس والعالم والشارع وشركات تاجير السيارات الي دايما يطلبون عربيات الياباني والكوري اكتر حاجه وباعلى اجر من العربيات الاخرى وانا مقصدش الفيرنا لانها سياره من الفئه الشبه اخيره بالسيارات الكوريه

رد: تحذير هام ( ممنوع شراء رينو بكافة انواعها )
 

هو ليه يا جماعة أسلوب الحوار يكون بالطريقة دي .. اكيد كل واحد عنده عربية يكون متعصب ليها بشكل او بآخر ... كل السيارات حلوة وطبعا كل حسب امكانياته دة شيء مفروغ منه ومش عيب اني يكون ليا راي متعصب للحاجة بتاعتي .. لكن من غير ما اسفه راي الآخرين او كلامي يكون فيه عدم لياقة او انحدار في أسلوب الحوار ..... وحابب أقول رأيي في الفرنساوي والياباني بما اني مالك لماركتين في وقت واحد للانسر بوما 2008 والبيجو 307 استيشن موديل 2007 ، البيجو سيارة فاخرة ثابتة على الطريق بكل ما تحملة الكلمة من معنى وفعلا تحس بالفخامة وسيارة فاخرة وممكن تقول فيها شعر لحد السنة الجاية ... لكن السيارة لم تكمل 40 الف كيلو ولقيت حاجات عايزة تتغير مبتتغيرش في اللانسر حتى بعد ما تتكهن زي بلوف الفتيس وحساس شكمان والمفاجأة كانت الدينامو ولما دخلت على جروب ملاكها على الفيس بوك لقيت حاجات تانية بتتغير زي وحدة كنترول وكباس التكييف و...الخ ، واضطريت في الاخر اني ابيعها وعداد الكيلو متر 45 الف .. لأن كمان الفاهمين فيها عدد محدود وفي آخر الدنيا ناحية الحرفيين .... للأسف قطع غيار غير اعتمادية تماما مقارنة باللانسر والياباني بشكل عام ودي ملهاش دعوة بالوكيل دي سياسة الشركة كدة عشان تبيع قطع الغيار مش اكتر ... فمن وجهة نظري المتواضعة اللانسر او الياباني بشكل عام اكثر اعتمادية برغم قوة وثبات الفرنساوي ..

رد: تحذير هام ( ممنوع شراء رينو بكافة انواعها )
 

الرينو سيارة جيدة انا معايا اوبتيما99 من خمس سنوات مكيفة وزجاج امامى كهربا وهى استيراد الخارج لم اعانى معها فى الطريق ولا فى حرارة الصيف الشديدة اثناء السفر مرتين كل اسبوع مسافة 150ك رايح و150ك راجع وقطع الغيار مناسبة وهى افضل بكثير من 128 و الريجاتا وزوج اختى يعانى مع الريجاتا ويود بيعها فلو استعراضنا عيوب الرينو و غيرها نجدها سيارة ناجحة فى مصر اجمالا لكن تحتاج الى من يفهم فيها سواء ميكانيكى او عفشجى او كهربائى ....فهذه سيارة من يفهم ويستطيع التعامل معها بشكل ادمى

رد: تحذير هام ( ممنوع شراء رينو بكافة انواعها )
 

قطع غيار السيارة الجديد منها فى عين شمس و التوفيقية و الاستيراد تجده عند منتصر او سيد عبد القادر او طارق بعد مزلقان عين شمس بمحطة بعد المتحدة لتجديد السيارات