مصر موتورز مجتمع السيارات - تجربة قيادة جيلى أميجراند EC7لمسافة 750 كيلو متواصل .. وأليكم ملأحظاتى

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

رد: تجربة قيادة جيلى أميجراند EC7لمسافة 750 كيلو متواصل .. وأليكم ملأحظاتى

تقرير محايد وجميل وربنا يكفيك شرها

هي سياره شكلها يشد الانتباه وواضح ان فيها برده كماليات كتير , لكن تظل مسألة انها صيني عقبه امام الكثير , وخصوصا موضوع قطع الغيار وهل السياره متينه وهتستحمل مع الوقت ولا هتكون زي باقي السيارات الصيني بعد 5 سنوات سيلقي بها في المهملات
هو ده مربط الفرس:bb127bc6eab060e3e23

رد: تجربة قيادة جيلى أميجراند EC7لمسافة 750 كيلو متواصل .. وأليكم ملأحظاتى

اقتباس:

المشاركة الأصلية كتبت بواسطة miam0502788391 (المشاركة 876403)

الف شكر على التقرير الجميل
اول تقرير موضوعى اقرأه عن الايمجراند

النقطة دى احب اعلق عليها
سيارة بالحجم ده يعنى طول 4.63 متر واكيد وزن يتجاوز 1400 كيلو جرام اكيد لما المهندس غبور ينزلها بمحرك 1500 سى سى و 107 حصان لازم تكون بطة بلدى وعلشان تسحب معاك لازم تحرق على الغيار وتجيب آخر عزم الموتور وبرضه الأداء مش هيعجبك اضف الى ده كمان لما تشغل التكييف وشوف الأداء هيقل ازاى وشف السرعة القصوى ليها بقت اد ايه
المفروض عربية زى دى بحجم التويتا الكامرى على الاقل تجهز بمحرك 2000 سى سى علشان اللى راكبها يشعر بالاداء الجيد, او اضعف الايمان محرك 1600 على الاقل 120 حصان
مش علشان الوكيل عاوز يدخلها فى شريحة الجمارك الصغيره يقوم يخسف بالمحرك ويحاول يقنعنا ان اداءها محصلش

هو بس العربية استاندرد من مصنع جيلى فى الصين ليها موتورين 1500 و 1800

رد: تجربة قيادة جيلى أميجراند EC7لمسافة 750 كيلو متواصل .. وأليكم ملأحظاتى

اقتباس:

المشاركة الأصلية كتبت بواسطة miam0502788391 (المشاركة 876403)

الف شكر على التقرير الجميل
اول تقرير موضوعى اقرأه عن الايمجراند

النقطة دى احب اعلق عليها
سيارة بالحجم ده يعنى طول 4.63 متر واكيد وزن يتجاوز 1400 كيلو جرام اكيد لما المهندس غبور ينزلها بمحرك 1500 سى سى و 107 حصان لازم تكون بطة بلدى وعلشان تسحب معاك لازم تحرق على الغيار وتجيب آخر عزم الموتور وبرضه الأداء مش هيعجبك اضف الى ده كمان لما تشغل التكييف وشوف الأداء هيقل ازاى وشف السرعة القصوى ليها بقت اد ايه
المفروض عربية زى دى بحجم التويتا الكامرى على الاقل تجهز بمحرك 2000 سى سى علشان اللى راكبها يشعر بالاداء الجيد, او اضعف الايمان محرك 1600 على الاقل 120 حصان

مش علشان الوكيل عاوز يدخلها فى شريحة الجمارك الصغيره يقوم يخسف بالمحرك ويحاول يقنعنا ان اداءها محصلش

بس على فكرة هو الموتور ضعيف فقط فى المطالع والطرق الصاعدة ولكن كاداء بشكل عام متقبل ولأ أشعر حتى الأن أن الأداء على الطرق الطوالى والسحب يختلف مع تشغيل التكيف ,, أنا حاسس بعد أستعمال ما يقرب من ثلأثة أسابيع أن رجلى بداءت تاخد على العربية وأبعادها أصبحت مدركة , عشان كده بقول العربية دى عاوزة تشربها حاجة صفرا فى الأول , يعنى ما تخدهاش قرص غيارات وضغط على دواسة البنزين , واحدة واحدة لحد ما تجمع وأنت تشوف الأداء هايل , وبعدين بصراحة المشى على سرعة 110 أو 120 فهو مريح للموتور وللسائق وعند هذه السرعات تجد احسن أداء للمحرك , بس الغيار لأزم يتنقل من 3.2 أو 3.5 أر بى أم ويفضل من 3.5 أر بى أم , وعند المطالع القاسية قد يصل معك ل 4 أر بى أم للحصول على العزم ,, أرجو أن تكون قد أتضحت الفكرة , وأرجو أن أكون قد أفدتكم , بس والله والله اللى هايجيب العربية دى هاينبسط بيها جداً ومن ثباتها وتقفيلها وشياكتها اللى الكل بيبقى منبهر بيها لما يشوفها , حاجة ألمانى !!!!!!!!!!!!!!!

رد: تجربة قيادة جيلى أميجراند EC7لمسافة 750 كيلو متواصل .. وأليكم ملأحظاتى

اقتباس:

المشاركة الأصلية كتبت بواسطة amir farouk (المشاركة 876979)

هو بس العربية استاندرد من مصنع جيلى فى الصين ليها موتورين 1500 و 1800

ما هو ده الغباء الجماعة الصنيين عاوز يركبك عربية فيها كل حاجة وكماليات وعند الموتور اقل موتور ممكن يمشيك وخلاص
عمرك شفت عربية يابانى أو المانى او كورى بالحجم ده يتسقط ليها موتور 1500 سى سى
مفيش الا الفولكس فى موتور 1400 TSI اللى الوكيل منزله فى الباسات على انه 122 حصان ولسه لم يثبت وجوده
طيب هى لما فيها 1800 ليها غبور منزلهاش بيه
ليه مصر على الموتور الصغير
علشان الدعم مثلا
ولا علشان الشريحة الجمركية العالية
على فكرة معظم شركات السيارات اللى بتنتج سيارة بمستوى انتاجى كبير بتوفر السيارة عدد من المحركات ليتاح للزبون اختيار المحرك المناسب له
مثلا شركة زى التيوتا بتوفر للكورولا محركات 1300 و 1600 و 1800 سى سى بنزين غير محرك الديزل المتوفر فى الاسواق الأروبية

رد: تجربة قيادة جيلى أميجراند EC7لمسافة 750 كيلو متواصل .. وأليكم ملأحظاتى

اقتباس:

المشاركة الأصلية كتبت بواسطة ابو هيما (المشاركة 877115)

والله يا باشا حضرتك فعلا افدتنا
وتقرير حضرتك موضوعى
بالنسبة للأداء العربية لو حطوا فيها موتور 1300 و 90 حصان مثلا هتمشى مش هتقول لأ
لكن انا بتكلم عن الأداء ككل
يعنى مثلا عربية حضرتك لو بتشد مع عربية لانوس مثلا ( اللانوس 1500 و 86 حصان ) أكيد اللانوس هتعدى منك , هو ده اللى انا بتكلم عنه نسبة الوزن الى القوة
كمان ان RPM يطلع لحد 4000 فى المطالع كتيير اوى , امال لو العربية بكامل الركاب وطالع مطلع صعب , هتديها الاول وترفع RPM الى 5000 ولا ايه
وبعدين المحرك هتحكم عليه بجد بعد سنة من الشغل وهل اداءه زى ما هو ولا 105 حصان نزلوا ل 80
عى فكرة انا لا اعيب فى السيارة بل بالعكس هى صفقة رابحة بالنسبة لعائلة 5 افراد
لكن اللى بيدور على عربية بتجرى , اعتقد مش دى الاختيار الانسب