رد: تخفيض ضريبة استيراد السيارات 25% و تخفيض الجمارك تصاعدياً على منتجات المصانع
 

الله ينور يا أستاذ khaabas

فعلا الجمارك هتنزل على عربيات لسه مش موجودة في السوق... والهدف هو محاولة تقليل أزمات البنزين والسولار بتقليل العربيات اللي بتستخدمهم

بس نسبة الـ25% دي أصلا مش هي نسبة التخفيض الفعلية، لإن التخفيض نزل على رسم الوارد فقط

المشكلة إن إجمالي جمارك العربيات عبارة عن: رسوم وارد + ضريبة مبيعات + رسوم تنمية موارد

وبتتحسب كالتالي:

أول حاجة يتحسب سعر العربية الأصلي
وبعد كده يحسبو رسوم الوارد حسب السعة اللترية للعربية (ده اللي نزل عليه التخفيض 25%)
وبعد كده يحسبو ضريبة المبيعات بناء على سعر العربية + رسوم الوارد مع بعض
وبعد كده يحسبو رسم تنمية موارد بناء على مجموع سعر العربية + رسوم الوارد + ضريبة المبيعات


ده ملخص لجمارك العربيات حاليا، والمطبق على كل عربيات الركوب اللي بتشتغل بالبنزين

نسب رسوم الوارد وضريبة المبيعات ورسم التنمية حسب السعة اللترية:

الســـعــــة الـلـــتــريــــة ___ رسوم الوارد __ ضريبة المبيعات __ رسم التنمية __ إجمالي الجمارك
أقل من 1600 سي سي ____ 40% _______ 15% _________ 3% _______ 65.8%
1600 - 2000 سي سي ___ 135% ______ 30% _________ 5% _______ 220.8%
أكثـر من 2000 سي سي ___ 135% ______ 45% ________ 8,5% ______ 269.7%

مثلا:

عربية 1600 سي سي ثمنها 100 ألف جنيه
رسم الوارد = 100 × 40% = 40 ألف جنيه
ضريبة المبيعات = (100 + 40) × 15% = 21 ألف جنيه
رسم تنمية الموارد = (100 + 40 + 21) × 3% = 4830 جنيه

يعني العربية الـ1600 سي سي اللي تمنها 100 ألف جمركها حوالي 66 ألف جنيه


طيب ... مع تطبيق التخفيض الجديد.. الوضع هيبقى إزاي؟؟

النقص ما وصلش للـ25% اللي قالوا عليها

في فئة الـ1600: نسبة النقص الفعلية = 18 %
في فئة الـ2000: = 20.9 %
في فئة فوق الـ2000 : = 19.7 %


...

رد: تخفيض ضريبة استيراد السيارات 25% و تخفيض الجمارك تصاعدياً على منتجات المصانع
 

هو أنا كل مرة هاقول لك انت برنس
المرة دى باردوا انت برنس
و بعدين ما احنا كلنا عارفين مرسى يا اما مش فاهم يا اما فاهم و بيحور و ده مش جديد عليه
و المهم كده و لا كده يا ريت ما يرجعش فى القرار تانى
هههههههههههههه
:fun_36_3_1[1]:ROSE4U:fun_36_3_1[1]:ROSE4U

رد: تخفيض ضريبة استيراد السيارات 25% و تخفيض الجمارك تصاعدياً على منتجات المصانع
 

أكد مصدر مسئول برئاسة الجمهورية، أن نوعيات السيارات التي سيتم خفض جماركها بنسبة 25% بناء على قرار الرئيس محمد مرسي رقم 184 لسنة 2013.

لا تشمل السيارات التي تعمل بالبنزين أو السولار فقط، وهي التي تمثل معظم السيارات في السوق المصرية.

وأوضحت المصدر، في تصريح لـ«الشروق»، صباح اليوم الاثنين، أن السيارات التي يشملها القرار هي السيارات الهجينة التي تسير بالكهرباء والبنزين معاً، والمعروفة عالميا باسم Hybrid «صديقة للبيئة»، وكذلك السيارات التي تسير بالغاز الطبيعي.

http://shorouknews.com/news/view.asp...0-409dfdfeeba3

رد: تخفيض ضريبة استيراد السيارات 25% و تخفيض الجمارك تصاعدياً على منتجات المصانع
 

انا مش خبيراوي بس اسمحولي اشرح باقي قرارات مرسي
باقي القانون مذكور فيه سيتم تقليل الجمارك علي قطع غيار السيارات التي تجمع محليا
تنضم للقائمه الافيو الابترا الفيرنا BMW

و بالتالي اسعار السيارات المذكوره المفروض تقل

رد: تخفيض ضريبة استيراد السيارات 25% و تخفيض الجمارك تصاعدياً على منتجات المصانع
 

كلامك يا باشا مظبوط جدا
ومشكلة بلدنا حاليا وبالبلدي ان مفيش حد بيدور على علاج المشكلة أو بيعترف بوجود المشكلة لان الاعتراف بوجود المشكلة من وجهة نظرى اول خطوات العلاج والاصلاح
لكن بيحاولوا انهم بيدور على مسكنات ملهاش لازمة بتؤدى فى النهاية الى تفاقم الوضع ويصبح اكتر تعقيداً
وبالتطبيق على القرار ده مثلا طيب انتا بتشجع على استيراد السيارات الكهربائية لحل مشكلة البنزين وانتا اصلا عندك مشكلة فى الكهربا هههههههه
معلش انا سلوك دماغى والبيجوهات بتاعه دماغى ضربت من اللى بنشوفه :(