بسم الله الرحم الرحيم
انا معايا شيفرولية لانوس 2013 من شهر 9/ 2012 يعنى بقالها سنة اهو .. الحمد لله
العربية بالنسبالى زي الفل مقارنة باللوجان والفيرنا ... بس زى ما بيقولو كل واحد وقرفتو:))
بس قابلتنى شوية مشاكل خلال اول 10 الاف كيلو ...
1. بعد الـ 120 الرجة فى العجل ... فى التوكيل رصصو وانتهت .
2.عند الفرملة كان فى رجة برضه ... طلعت الطنابير اللى ورا والتوكيل غيرها ..
3.عداد السرعه كان يوصل للـ 70 وبعد كده مع نفسة ... طلع العداد بحالة بايظ والتوكيل غيره ..
4.بكرة التكييف اتكسرت ... والتوكيل غيرها ..
طبعا انا بحمد ربنا .. انى ماخدتش وقت مع التوكيل فى المشاكل دى وكان فى سرعة استجابة منهم بعكس ناس تانية دخلت فى خناقات وبدون نتايج ... بس طبعا شيئ محبط انك تلاقى المشاكل دى فى عربية زيرو .. كان ممكن بالرقم اللى ادفع تجيب بيها حاجة مستعملة واعلى من اللانوس . بس برضه الحمد لله .
رأئي الشخصي فى العربية .. انها زي الفل وبقالها كتير فى الشارع وواسعه ومريحة فى السفر والتكييف بتاعها تمام جدا يمكن هى واطية فعلا ودى مشكلة بلدنا مش مسكلة العربية :)) .. فمشاكلها بقت بالنسبة لاى حد معروفة .. لكن سوء الخامات المستخدمة فى العربية علشان يخفضو سعرها .. هى اللى بتعمل مشاكل .. واقتصادية فى البنزين .
بالنسبة للصيانه انا بروح كل 10 الاف علشان الحاجت اللى بتتغير التيل والفلاتر .. احسن فرعين للصيانه انا تعاملت معاهم .. كان منصور جسر السويس ومصر اسكندرية.
فى النهاية .. ربنا يحفظكم ويكفيكم شرها .
