مصر موتورز مجتمع السيارات - مجرد فضفضة فى زمن الإخوان

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - مجرد فضفضة فى زمن الإخوان (https://www.masrmotors.com/vb/showthread.php?t=108637)

رد: مجرد فضفضة فى زمن الإخوان

أصدقائى الأعزاء لا فائدة من الكلام نحن فى زمن الأخوان ...زمن أخبر أسود مهبب بطين..كل حاجة تحصل يقولك مبارك, الأيادى الخفيى, مش عارف ايه ....طب ياولاد ال.............انت جايين تهببوا ايه , وظيفتكم ايه ..بررم..

رد: مجرد فضفضة فى زمن الإخوان

اقتباس:

المشاركة الأصلية كتبت بواسطة Eng/salwa (المشاركة 847212)

أعتقد يا فندم إن كلامى واضح جدا أنا لا أحمل الانهيار فى الصحة لمرسى ولا لمبارك ولا للاخوان علشان لا أوجع دماغى مع أحد فى جدال وسفسطة ودفاع وهجوم بيننا
وانا قلت دى مجرد فضفضة ولا كمان اتكتم واطق واموت
انا اساسا لا احب الجدال ولا اجيده واعتقد انى ناديت بعمل رابطة البعد عن الجدال والسفسطة قبل كده
وكل واحد منكم حر يقول رأيه بمزاجه يهاجم او يحب الاخوان وزمنهم هو حر طلما النقاش محترم وبدون تجاوز اهلا وسهلا
واظن ان أسلوبى يعلمه الجميع
حضرتك بتقول ان المرحلة دقيقة ومحتاجة صبر
حاضر المرة الجاية لو جت لى جلطة هبقى أقولها أصبرى شوية على البلد (الصبر جميل ) و (الصبر مفتاح الفرج)
ومش هقول للى بيلومونى وانى مش صبورة لما تمروا بظروف زى اللى بمر بيها الايام دى ( بعد الشر عليكم كلكم) مش هيكون ده الرد

أنا مش هرد غير على جملتك دى بس لى
أنا يا فندم والله بكالوريوس هندسة
وعاملة دبلومات دراسات عليا من مصر وخارج مصر كتييييير
وأدرس فى كليه الهندسة وزوجى كمان أستاذ جامعة
ومش عارف يتعالج فى بلدنا
ربنا ما يوريك اللى احنا فيه ونمر به الآن
هل لو لا قدر الله جاء لك مرض هتقول أصبر يا مرض شوية
على أولى الأمر فى البلد
؟؟؟؟؟؟؟؟؟؟؟
؟؟؟؟؟؟؟؟؟؟
:k_crying77[1]:

وطبعا اللفظ اللى حضرتك استخدمته هذا
على الشاشات لا يصح حتى لو فيه تجاوز من إعلاميين
وانا طبعا لا أقبل التجاوز من بعض البرامج

عاوزة اصبرك بحاجة أخى الكريم ربنا يؤجرك على فقد طفليك ويجعله فى ميزان حسناتك أنا عندى إبتلاء لن تصدقه
لقد خطف منى إبنى الكبير منذ 1994 وكان عمره وقتها عامين فقط والله والله ليس إهمال وفضلت اتلقى اتصالات هاتفية ونصب على فى مبالغ لا تتخيل المعاناه والانهيار العصبى اللى تعرضنا له
ولم يعود الولد حتى الآن ولا انساه وتمنيت لو كان مات ودفنته
كانت نار قلبى بردت ( ولكن لو تفتح عمل الشيطان )
ومافيش حد يختار إبتلاؤه والحمد لله على ما أعطى و على ما أخذ إستودع أبناءك أخى الكريم عند خالقهم كما فعلت أنا وزوجى
وادعى لنا بالصبر فقد عانينا كثيرا وربنا يصبرك انت وزوجتك

انا لست حمل هجوم من أحد ولا يهمنى مبارك ولا مرسى و لا إخوان أنا بتكلم عن أوضاع قديمة لم تفرق كثيرا عن واقعنا بل إزداد الوضع سوءا وكل ما اتكلم يتهمونى بفوبيا الهجوم على الاخوان و يقولوا الصبر الصبر الصبر
الصبر له حدود والى متى سيعانى المواطن فى مصر
يارب كل واحد يلوم عليه لا يزوق ما زقته انا وزوجى
اللى عاوز يعيش محترم فى البلد ( يتعالج بكرامة - يعلم أولاده - يأكل - يلبس - يعمل - يسكن - المتطلبات الرئيسية للحياة )

مش عاوزين لا الجمبرى - المكسرات - النظارات الشمسية اللى عاوزين يزودوا جمركها علشان رفاهيات
عاوزين نعيش يا بلد حرام عليكم:01964E~163:

ربنا يحفظكم جميعا واولادكم و أسركم
والسلام عليكم ورحمة الله وبركاته

لاحول ولا قوه الا بالله
ربنا يعوضك خير عن ابنك وان شاء الله يكون عايش ويبحث عنكم الى أن يجدكم باذن الله
اعتذر لحضرتك لو كانت مشاركتى ضايقت حضرتك ولكن انا اطلب منك بعض الانصاف فقط

انا مراجع حسابات ف احد شركات البترول ف الكويت ومعايا ماجستير اداره أعمال
minister of business administration (mb)وخرجت من البلد المسكين بعد أن ظللت أعمل خمس سنوات سائق تاكسى وصورته ف التوقيع بالاسفل

رد: مجرد فضفضة فى زمن الإخوان

اقتباس:

المشاركة الأصلية كتبت بواسطة nktis (المشاركة 847293)

للي واجعين دماغنا بان النظام الجديد استلم البلد بايظه من النظام الفاسد السابق .,,,. ديت شماعه بيعلقوا عليها خيبتهم التقيله .,,,. لو هنتعامل بالمبدا ده مكنش السادات حارب و انتصر في 73 و اهو كان مستلم البلد مهزومه ...ايه ياترى

استاذى العزيز
ناس كتير عمالة تقول السادات وتقارنه بالاخوان دلوقت وناسيه انه لكل مقام مقال اولا ولكل وقت ظروفه ثانيا
ولو حبينا نقارن بين الاسدات ايام الحرب ودلوقت اقولك
السادات مسك سنه 1970 وحارب وانتصر بعدها ب 3 سنوات تقريبا بالضبط 1973 يعنى 3 سنوات كاملين شوف ساعتها كميه الفساد كانت قد ايه وعدد الشعب كان قد اية
ده مرسى بعد لما مسك باسبوع قالوا ده مفيش حاجه اتعملت حرام عليكم اتقوا الله فيما تقولون
الموضوع كبير وانا مش قادر على الكتابة كتير بصراحه بس ياريت الناس اللى بتنتقد تقولنا حاجه واحدة بس

لو انت مكانه هتعمل اية بالضبط وبالتفاصيل مدام انت بتحكم على الاخرين بالفشل وياريت بدون رد دبلوماسى

رد: مجرد فضفضة فى زمن الإخوان

اقتباس:

ده مرسى بعد لما مسك باسبوع قالوا ده مفيش حاجه اتعملت حرام عليكم اتقوا الله فيما تقولون

اتقى الله انت وبلاش مغالطة
محدش طلع بعد اسبوع زى ما بتقول يسأل فى حاجة
اللى حصل ان مرسى نفسه والاخوان عموماً حطو قائمة طويلة عريضة باصلاحات ال100 يوم (يعنى 3 شهور وعشر ايام يعنى بعد 14 اسبوع ) وبعد ما خلصو ومحصلش من وعودة اى حاجة الناس خرجت بشكل سلمى تماماً فى جمعة اتسمت جمعة الحساب وبدل ما يطلع الرئيس يشرح للناس سبب فشله فى تطبيق خطة ال 100 يوم بعد ميليشاتة يتعدو على المتظاهرين السلميين فى الميدان وكسرو المنصات على دماغهم

هتقولى وحد يحاسب حد على 100 يوم هقولك انتو اللى التزمتو بالاطار الزمنى ده فى خطتكو الانتخابية محدش جبرة يتعهد ب 100 يوم

ايه يا باشا ديه لسه احداث من شهور مبقالهاش سنين علشان تتفبرك وتتبدل !!

ورداً على سؤالك برضو

اقتباس:

لو انت مكانه هتعمل اية بالضبط وبالتفاصيل مدام انت بتحكم على الاخرين بالفشل وياريت بدون رد دبلوماسى

هقولك (بنادر بكار ستايل) احنا مش هنخترع العجلة
زى ما اى رئيس فى دولة ديموقراطية بيحترم نفسه ما بيعمل
اولاً يدى نفسه مهلة (شهر شهرين) اول ما يمسك يقعد مع كل الناس فى دولاب عمل الدولة ومن الخبراء فى كل المجالات لحد ما يطلع برؤية محددة لاوليات العمل
بعدها يبداء يكون فريق عمل من جميع الخبراء ويرسم معاهم خطة محددة قصيرة المدى
يطلع لنا بعد شهرين تلاتة بخطة واضحة المعالم (مش فنكوش نهضة)
وتتعرض على الناس بكل شفافيه
وتاخد وقتها فى المناقشه المجتمعية
وتتحدد اليات لتطويرها بناء على المشاركة المجتمعية ديه الى ان تعتمد
وبعد ما تعمد الخطة ديه دورة هو وفريقة الرئاسى والحكومة تتابع التنفيذ وتطلع الشعب على مراحلة ونتائجة اولاً بأول

صعبة ديه ؟؟:fun_36_1_7[1]:

قول بجد لو صعبه ابسطهالك اكتر واديك امثلة كمان :balloons71: