|
رد: مشاكل الامجراند
هو لو فى الدنيا ف اه فيه توكيلات بتعمل صيانه مجانية بالزيت و الفلتر مش بس كده دا فى عروض انك تشتري العربية و ترخيص 3 سنين او تامين هدية لكن فى مصر اعلانات حلوة و خلاص و خصوصا غبور و انا مجربه كتير,اما موضوع تغلية اسعار بضاعة موجودة و انت شاريها بالسعر الرخيص على انها تتباع بالسعر القديم فاعتقد ده غلط من الشركات ,البضاعة اللى تشتريها غالية تتباع غالية اوكيه,اما بخصوص اخر الاسبوع فهنشوف و ادينا مستنيين,بس بجد 80 الف فى عربية لسه مش متجربة كويس قرار جرىء.
و فى رايى الكفة هتميل لصالح اللوجان و السانديرو و البى واى دى دا طبعا بالاضافة للفيرنا و اللانوس لانها عربيات متجربة.على العموم الاحتكار قريب قوى هيتم القضاء عليه والامور هتتحسن..دى حلاوة روح المحتكرين سواء فى استيراد السيارات او فى قطع الغيار و يكفى اننا بنشترى العربية الفاضية و بموتور ضعيف ب 150%على الاقل من سعرها كاملة و بموتور اقوى مع انعدام المقارنة بين مستوى دخولنا فى مصر و دخول الناس فى اوروبا و امريكا .نتمنى مصر تشوف خير قريب ان شاء الله. و اتمنى لو تعملنا مقارنة كاملة بين 1-رينو لوجان http://a.d-cd.net/9884e3u-960.jpg 2-byd f3 http://graphics8.nytimes.com/images/...es/480-byd.jpg 3-haima 2 http://2.bp.blogspot.com/-Zq_sZ34Gy0...00/haima2h.jpg 4-speranza m11 http://www.alw2aad.com/wp-content/up...eranza-m11.jpg 5-emgrand 7 http://media.il.edmunds-media.com/ge...112409_815.jpg و دى هتبقى مقارنة الموسم |
رد: مشاكل الامجراند
مشكلة تانية ظهرت فى عربية صاحبى لمبة (check engine )نورت وحاولنا نطفيها بشيل القطاش البطارية و عمل ريست لاكن بدون جدوى و النهاردة رحلهم التوكيل و مش عارف لسه عمل ايه
|
رد: مشاكل الامجراند
متنسوش ال m11
http://www.alw2aad.com/wp-content/up...eranza-m11.jpg شكلها حلو و خامات صالونها معقولة بس اصحابها لقوا فيها عيوب كتيرة و اتمنى من كل قلبى الاميجراند تطلع كويسة |
رد: مشاكل الامجراند
حرام على غبور والله اللى بيعملوا فينا ده يعنى هى العربية بتتباع رخيصة علشان يغلى تمنها 3 ألآف جنية مرة واحدة ، وبعدين المفروض اللى حاجز العربية يتعامل على السعر القديم لإن أكيد هو مجمع عربيات بالسعر القديم للدولار ............والله حاجة تجنن :sycho26:، يعنى رضينا بالصينى ، والصينى مش راضى بينا ............بجد بجد ..شكرا غبورررررر
|
رد: مشاكل الامجراند
اقتباس:
وبعدين بعيدا عن موضوع العربيه والتوكيل الخ الخ عايز اوصلك معلومه انت فاهمها غلط وانا كمان كنت فاهم غلط بس اتضح الامر ليا قريب لما دخلت اللعبه ايه هيا بقي؟ كان زمان لما اروح اشتري حاجه ولتكن قطعه غيار سعرها شبه موحد ولنفرض فلتر زيت مثلا كنت اسأل الراجل الفلتر بكام يقوللي مثلا 60 جنيه اقوله لاياعم دي 40 جنيه في كل مكان يقوللي ياباشا البضاعه زادت اقوله طب وماله بس الفلتر ده علي الرف بقاله شهر يعني جايبه بالرخيص تنصب عليا ليه وتقوللي زادت والكلام الفاضي ده واسيبه وامشي لاكن لما دخلت اللعبه فهمت الحقيقه وعرفت ان ظلمت ناس كتير بحسبه بسيطه جدا جدا لنفرض اني اشتريت الفلتر ده جمله ب30 وببيعه ب40 جنيه تمام نزلت الزياده ال30% يعني ببساطه 9 جنيه فاصبح سعر الفلتر جمله 39 +1 جنيه تكاليف اخري اذا سعر الفلتر اصبح جملته 40 جنيه وبحسبه بسيطه جدا اصبح سعر الفتر من 30 الي 40 جنيه سعر جمله يعني انا لو استمريت في بيع الفلتر للزبون ب40 حلاقي نفسي بعت الكميه كلها واصبحت دون مكسب بل عليا ايجار وكهرباء ومياه وتامينات وضرائب ونظافه وتراخيص الخ الخ حيندفعوا منين ؟؟؟؟؟؟؟؟؟؟؟؟؟؟؟؟؟؟؟ ولما اروح اجيب البضاعه الجديده بالسعر الجديد حجيب منين ؟؟؟؟ خلال كام شهر حتلاقي راس المال بح لو عمل زي ما الناس بتقولي وبعت اللي عندي بالسعر القديم حكون خسران ومديون وما اقدرش حتي اجيب بضاعه قد اللي كانت عندي فهمتني ....... |
| الساعة الآن 02:09 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017