رد: اية اطرف موقف حصلك مع بداياتك فى السواقة ؟؟؟؟
 

انا بقى حكايتى حكايه ..

من وانا طفل صغير عندى 3 سنين كنت اركب جنب ابويا عربيته الكورولا 1984 الاتوماتيك واعرف نقلات الفتيس وازاى العربية بتمشى .. ولولا انى كنت لسه قصير ومش طايل الدواسات كنت ممكن اتحرك بالعربية .. الكلام ده بجد والله تقدروا تقولوا انا مولود فى عربية ..

وكنت غاوى وانا طفل (من اول 5 سنين مثلا) وانا راكب جنب البوب اعد اتحايل عليه يسيبلى الدركسيون ويدوس هو بنزين .. وكان بيوافق بصعوبه ..وفعلا والله كنت بعرف اوزن العربية فى خط مستقيم واخد ملفات وكده .. سبحان الله ..

بدات بقى سواقه فعليه وانا عندى 10 سنين على عربية ولاد خالتى بيجو 305 موديل 1978 وكنت بسوق زى القرد ههههههه .. الطريف انى اول مرة ركبت فيها العربية دى (اول عربية اسوقها فى حياتى) كان زوج خالتى هو اللى راكب معايا وهو اصلا مش بيعرف يسوق لكن يعرف الاساسيات (نقلات الفتيس والدبرياج وكده) .. واخدت لفه حول الحى اللى هما ساكنين فيه كله ..

ومن ساعتها وانا معروف فى العيلة (الاسطى حسام) ... والله بجد حاجة مسخرة ...

وطبعا كنت طول الفترة دى (8 سنين تقريبا ) بسوق من غير رخصة لكن كل فين وفين يعنى ..

وبعدين والدى وانا عندى 16 سنة جاب العربية الهيونداى الافانت 1997 (بتاعتى دلوقتى) ومهنتوش عليها غير اسبوع وخدتها منه لدرجة انه كان هيبيع الكورولا الـ 1984 ورجع فى كلامه .. ومن ساعتها بقت بتاعتى ..

حصلى بقى فى السنتين دول مواقف وطرائف ومغامرات كتيييييييير جدا مع المرور ..

فى مرة منهم جريت كوموسطبل ورايا لمده نص ساعة .. و اللى يضحك انه مكنش هيوقفنى لكن انا اول لما شفته جاى ورايا همت مديها كيك داون لدرجه انه كان فاكرنى واحد معاه سلاح او مخدرات .. وبعد نص ساعة الحمد لله عرفت ازوغ منه لكن فى نفس اليوم باليل شافنى وراح موقفنى وكان يوم ما يعلم بيه الا ربنا ... ودلوقتى بقينا اصحاب انا وهو ... ههههههه


وفى مره تانيه كنت ماشى فى شارع زحمه على اليمين (لانى كنت لسه داخل من شارع جانبى) المهم امشى متر واقف وكده فكان واحد (بيجو 504 بس متظبته جامد) واقف قدامى على اساس ان الشارع واقف .. اتاريه كان مستنى ناس .. اللى يغيظ انه كان واقف بالظبط تحت يافطة ممنوع الانتظار .. وبالعافيه غيرت الحارة وجيت جنبه قلتله مينفعش كده يا كابتن الوقفة دى (فى اللحظة دى كان 3 شباب تانيين يركبو العربية معاه ) وقام معجبوش الكلام وراح مدور وطاير ورايا .. يااااااااااه كان يوم .. لفينا بورسعيد كلها والله العظيم وهو طاير ورايا .. المصيبة انه كان عاوز يقفل عليا وينزلوا ويضربونى ويكسروا العربية وكده .. والواد كان سويق بصراحة والعربية كانت شديدة .. المهم حوالى 45 دقيقة وهو ورايا .. قلت لازم الواح بقى يشغل دماغه قمت لفيت ملف (زى اليو تيرن بس من غير الحمايه يعنى لازم تستنى العربيات تعدى وبعدين تكبس انت) قمت مره واحده كابس على ميكروباس اجرة وطبعا سواق الميكروباس اتغاظ راح كابس ورايا علاطول وقفل على صاحبنا بتاع البيجو ونجوت انا باعجوبة .. هههههههههه .. كان زمانى دلوقتى المرحوم حسام ..


لسه عندى حكايات متخلصش هقولهالكوا بعد كده ..

واسف على الاطالة يا جدعان ..

رد: اية اطرف موقف حصلك مع بداياتك فى السواقة ؟؟؟؟
 

انا أظرف موقف حصل معايا لحد دلوقتى

كان الشارع ضيق كدا وطويل

وببص لقيت عربية فى وشى

ركبى بقت تخبط فى بعضها وحضنت خالص على العربية اللى راكنة على يمينى وهو كمان حضن خالص على العربية اللى على يمينه ودخلنا واحدة واحدة وهوب المرايات عمل طوس بس كان طوس جامد جداً

بطلع دماغى اعتذر للشاب اللى خبطنى لقيته بيقولى انا آسف ياباشا والله انا لسا متعلم السواقة جديد ههههههههه

المشكلة انى هيا دى الجملة نفسها اللى انا كنت هقولهالو هههههههههههههه

---


آخر موقف طريف حصل معايا

راجل كبير بيبص على بنت ربنا يهديه بقى وماشى بسرعة ولقيته داخلى وش فى وش خد باله على آخر لحظة رحت مدير العربية وطاير وراة وقولت له مش عيب عليك ياحج فى السن دا تعاكس بنات بردو ورحت طاير بالعربية هههههههه

رد: اية اطرف موقف حصلك مع بداياتك فى السواقة ؟؟؟؟
 

دخلت فى كارو والراجل كان عايز تعويض بس كانت عربية واحد صاحبى
بس كان حتة موقف

رد: اية اطرف موقف حصلك مع بداياتك فى السواقة ؟؟؟؟
 

انا عاجبني اوي الموضوع دة و عاوز اشاركم بالي حصل معايا انا اتعلمت السواقة و انا عندي 14 سنة المهم كان بابا معاه ساعتها لادا سمارة انا كنت بمشي بس علي قدي يعني و كنت ممكن تقول اني بسوق كل سنه مرة المهم انا لما تميت ال 18 كان بابا معاه ال ميجان 2 و للاسف كانت اوتو وانا بكرة الاوتو فاطريت اجيب عربية و كانت سمسمه نصر 128 موديل 80 و علي فكرة العربية دي انا كنت جايبها بتحويشة العمر الي كنت بقالي كتير بحوش بتاع اربع سنين المهم بعد اسبوع من ما جبتها حسيت انا بقيت سواق بقي و بفرك و كدة بس معيش رخصة فكنت بروح بيها كل حتة في مصر منغير رخصة و يعيني بقي علي مغامراتك مع المرور
1- مرة كنت داخل علي لجنة المهم عامل فيها عبدة المهم و مش باصصلهم و معدي عامل فيها الاهبل فجاه الاقيلك سمسمة دة اسم الي كنت مطلعو علي العربية عطلط ادام الكمين يا ساتر استر يا رب و الاقيلك اتين عساكر و كذا ضابط طبعا انا كنت هموت من الخوف ولائتهم جيين عليا فرحت نازل و داحك و قولتلهم معلش عملتها معايا ممكن ذقة بعد اذنكو فلاقيت العساكر ذقو و رخت داخل و رامي و الحمد لله دارت و رحت مطلع ايدي من الشباك و قايلهم الف شكر طبعا كنت هموت من الخوف و بعدها رحت غيرت البطارية عشان كانت بايظة ههههههههههه
و اول لما طلعت الرخصة رحت بايعها عشان ان شاء الله اجيب ابيزا 2002 كمان كام سنة كدة و بقالي سنه من ساعت ما بعتها و لسة ان شاء الله هجبها كمان كام سنة لما اكمل تمنها بقي و ربنا يسترها معانا و معاكو :) اسف علي الاطالة

رد: اية اطرف موقف حصلك مع بداياتك فى السواقة ؟؟؟؟
 

يارب الموضوع يكون عاجبكم